♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
💜📖الجزء 135💜📖
عذراء غير سمعات سميتو و هي تبعد من بنان بشوية...
بنان:مالكي؟؟
عذراء:على الذكر ديالو..لبارح فاش خرجت من عندهوم(معلقة فيها عينيها)
بنان تتسناها تكمل:وي كملي تنسمعك
عذراء:مشيت لسانسور بقيت غير تنضغط فدوك البوطونات باش نخرج ولكن بشي طريقة طلعت لعندو
بنان:اشمن بشي طريقة و نتي رونتي البوطونات!
عذراء:المهم و لقيتو واقف تما صاافي كمل عليا الباقي بقيت غير تنبكي دخلني لبيرو ديالو باش يعرف مالي ولكن ولكن....
بنان:ولكن اش؟؟
عذراء بتلعثم:ب ب باااسنييي
بنان بصدمة حطات يديها على فمها مخرجة عينيها و ابتسامتها غادة و تتوساع حتى غوتات:اووووماااااايكااااااد باااااااسكك
عذراء:غيكون شي واحد سمعك بهاد لفوليم
بنان:وانااري باااااسك اصاحبتيييي كيفاش كان شعوورك غير قولي؟؟
عذراء:اشمن شعور الله يهديك اسميتك
بنان:كيفاش اسميتي؟وااااهياااتا وا خلينااا فالبوسة ناري تحمست بلاصتك اصگعة
عذراء:اشمن حماس انا راه تجرحو عينيا بالبكا مخليت ملبقت ليهوم شوية مندير البومادة الصفرة واحد الكنسيلير لي عتق الموقف كان معشش فصاكي اما كون قشعوني مالين الدار
بنان:دابا نتي عيواض تفرحي تتبكي اجي جلسي جلسي و حنا واقفين
جلسات عذراء و جلسات حداها بنان متحمسة...
بنان:دابا جا الدور ديالي ناري ا صاحبتي مستر قوس صافي طاح فيك طاااااح هههه
عذراء:اشمن طاح هادشي غتلقايه دارو مع شحال من وحدة
بنان:عاودي ليا كيفاش كانت طريقة البوسة
عذراء تتفكر كيفاش:حسيت بشنايفي تجرو و يديه شاديني و داكشي كان بالخاطر
بنان متبعة معاها:و كان ساد عينيه ولا حالهوم؟
عذراء:كان سادهوم
بنان غوتات:ااااااا😍😍😍😍😍😍😍😍😍😍😍😍
عذراء:مالك؟؟؟؟
بنان:قلبي الصغير لا يتحمل ناري القبلة كانت من القلب ا العفريتة
عذراء:علاه هادشي فيه الأنواع؟؟
بنان:اييه يعني كون كانت ديال التفلية ولا شي حاجة راه مكانش غيطلقك حتى يقضي غراضو
عذراء:الله ينجيني يشدوه حجارو
بنان:شوفي انا تنقول مع راسي مادام البوسة سالات بانسحابك و كدا ممكن يعييط عليك ليوم
عذراء:لا لا بليز منقدرش نشوف فيه مزال
بنان:واش خصني نضرب هاد الراس حتى تقادي نتي معارفاش فاش راك متورطة حنا راه فحرب و ف اي حاجة فائز واحد لي تيبقا و خصك نتي تضمني راسك تكوني هاد الفائز واش سمعتي ولا نجيب ليك الخوشايبات يالاه تفهمي؟؟
♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
💜📖الجزء 136💜📖
عذراء:اش غنفهم؟؟ وا حشومة عليك انا راه ماشي ديال هادشي!!
بنان:واش نعاودو نفس الهضرة؟؟ قولي ليا بعدا واحد الحاجة
عذراء:شنو؟؟
بنان:واش متيعجبكش زعمة ما حتى حاجة؟ ولو غير شويييية د شي حاجة؟
عذراء تتفكر:فالحقيقة..فالحقيقة اللبس ديالو زوين تيعجبني لكلاس و كدا..و و شنو مزال ااه اه لون عينيه حتى هوماا دايرين بحال لون الما ولا السما ااه و حتى طايتو زوينة
بنان:منسيتيش شلاغمو زينين؟ لحيتو مطراسية؟ تغوبيشتو المعهودة؟؟ وا تي نوووضي تمااا راك طايحة على زنافرك و مجايباش الخبار
عذراء بتوتر:لاا هادشي ميمكنشششش متنبغيييهشش
بنان:البغيان منعرف ولكن الاعجاب انا باصمة عليه من عندي وراه عادي ا صاحبتي عتارفي الاعجاب راه عادي متكونيش معقدة لهاد الدرجة
عذراء:ت ت تيعجبني؟ فكرتيني غير ف لاو لي ف ون بيس حتى هو تيعجبني
بنان:شنو هدا؟
عذراء:لا والو نسيت مغتفهميش المهم دابا شغندير؟؟
بنان:و اخييييرااا سولتيني اش غتديري على سلامتك ايوا ا لالة انقول ليك شغتديري
عذراء:انا تنسمعك
بنان:شفتي ديك الفيستة غادي نسيفط واحد يجيبها و غادي تديها عند قوس و تعاودي ليه لي وقع و نساي عليك سيرة البوسة
عذراء:كيفاش نمشي عندو زائد مغتخلينيش ديك المسمومة
بنان:متخافيش انا غنقاد ليك الطريق العارضات الطوب فالشركة متتعاندش معاهوم حيت تتخاف على راسها
عذراء:ولكن مجاتش نمشي عندو واحد الكرامة عندي ياختي ناري غنتخنق منقدرش
بنان:فاش تتبغي شي حاجة و عارفة راسك المستفيدة حييدي عليا الكرامة على جنب حتى ترجعي ليها فاش توصلي لي بغيتي
عذراء:واخا امتى غنبداو؟
بنان هزات الفيكس د غرفتها و بتاسمات:دابا نيت...
YOU ARE READING
♍عذراء و قوس♐|مكتملة✨️
Romanceالقصة بعنوان: ♍عَــــــذْرَاءْ وَ قَــــــوْسْ♐ للكاتبة✒️:Victoria kaelin (⛔ممنوع الاقتباس جميع الأفكار من مخييلتي الخاصة⛔) في عالم بحال ديالنا غير هو هاد العالم عالم الأبراج كل عائلة و رمز برجها و تقاليدها و عاداتها و فعالم الأبراج العشق و الحب لي...
