♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
💜📖الجزء 81💜📖
عذراء:يعني؟
بنان:يعني راك عجبتيه
عذراء:اويلي على الإعجاب!!هادشي ماشي ديالي!!
بنان:على هاد الحساب غترفضي الدعوة؟؟
عذراء:و شنو عندي مندير؟عرفتي شناهيا موعد و مع راجل هادشي ماشي ديالي انا بنت دارنا
بنان مصدومة:لا لا ميمكنش! واش غير دابا تنشوف قدامي بنت رافضة دعوة مستر قوس لا نتي بزاف و الله
عذراء:راه يسيقو ليا واليديا الخبار غيدبحوني و يعلقوني
بنان:واش باقة هاد العقلية عند المغاربة؟؟
عذراء:و فوق ما تصوري اختي انا غير بنت حي شعبي و لقيت هاد الخديمة نحقق فيها واحد الحلم ليكان بالنسبة ليا مستحيل و فاش نزلات عليا هاد الفرصة قلت هاهوا غيولي ممكن متحرموهاش عليا
بنان:واش صافا با ؟راه الى رفضتي الدعوة متحلميش تبقاي فهاد الشركة حيت بكل بساطة غتعتابر اهانة فحق مالكها لي مكايناش شي بنت المرأة ملاحتش عليه راسها!
عذراء:اش هاد التفكير!
بنان:هدا هو اللوجيك نتي باقة جديدة فهاد الضومين حتى انا واحد النهار كنت بحالك بنت مغربية كانت خدامة عارضة عند واحد المصممة ديال القفاطن و لي عطاتها الحياة واحد الفرصة خلاتها تقابل واحد المصمم معروف و لي هو انطون لي ولا راجلي من بعد..بالفضل ديالو دخلت لهاد الشركة و بالمساعدة ديالو ترقيت فيها حتى وليت العارضة الثانية على صعيدها كاملو!
عذراء:دابا نتي تتحاولي تقنعيني نمشي؟
بنان:شوفي إلى تيهمك حلمك و تتهمك هاد الخدمة راك عارفة الجواب
عذراء:و الى قبلت مغيسيق ليا حتاشي واحد الخبار ياكي؟؟
بنان:شكون غيسيقو ليك؟ياك واليديك لي خايفة منهوم فالمغرب؟؟
عذراء تنهدات:واخا عرفتي شنو مافيها باس نمشي غير ناكل و نرجع ندوق غير الماكلة ديال لي لاباس عليهوم كيف دايرة(كل واحد و همو)
بنان:ههه زعمة نتي بوحدك الطبعة ديالك مضايراش سيري سيري لبسي حوايجك نخرجو
عذراء ناضت:لفين؟؟
بنان:عندنا نهار طويل ديال التوجاد و الشوبينغ نتي قدرتي تنقديني لبارح و انا بدوري غنرد ليك الجميل
عذراء:متحتاجيش و الله شكرا بزاف انا غنلبس غير شي حاجة عندي تما
بنان خنزرات فيها:عذراء!
عذراء:واخا هاهيا غادة هاهيا
مشات عذراء حتى لبسات عليها واحد البودي طويل مع سروال كحل لاحت عليهوم جاكيت دجين كحلة قصيرة دارت مكياجها الخفيف و هزات صاكها...
بنان:صافي واجدة؟؟
عذراء:اه صاافي
خرجو من تما غاديين حتى تيتلاقاو بروبين و الجوجات لخرين مطلعين خنافرهوم لسما...
روبين مبتسمة تطلع عينيها فبنان:بنان...
بنان بتاسمات باستفزاز:روبين...
♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
💜📖الجزء 82💜📖
روبين طلعات حاجبها:تيبان ليا ضهرك تقاد الضربة برات بهاد السرعة؟
الجوجات لي معاها تيبتاسمو ممعبرينش القزمة لي حدا بنان...
بنان قربات منها مكمشة عينيها بواحد الطريقة ديال غير تتقلب على خزيت:عرفتي ا روبين و نعرف بلي عندك يد فهادشي تنقسم ليك بلي خلقني و لي خلقك حتى تعرفيني شكون
روبين دايرة داك الوجه ديال البراءة:وايلي ا بنان؟زعمة فعايلي هادو؟؟انا روبين الفيلالي بقيمتي و مقامي ندير بحال هاد الأفعال نو نو نو
بنان:انا غير علمتك حيت ضربتي متتعلمش و متعرفيش امتى توصلك سو اطونسيون ا بنت بلادي..عذراء يالاه
مشاو دايزينهوم و هبطو فالسانسور اما روبين رجعات وجهها المسموم غطرطق هادي كيفاش دارت حتى دازت منها سالمة زائد انه سمعات بلي الفستان داز و لبساتو عارضة بديلة هادشي مكانش من ضمن مخططاتها!!تحركات من تما بنفضة و ظلالها تابعينها لغرفتها...
أنت تقرأ
♍عذراء و قوس♐|مكتملة✨️
Romanceالقصة بعنوان: ♍عَــــــذْرَاءْ وَ قَــــــوْسْ♐ للكاتبة✒️:Victoria kaelin (⛔ممنوع الاقتباس جميع الأفكار من مخييلتي الخاصة⛔) في عالم بحال ديالنا غير هو هاد العالم عالم الأبراج كل عائلة و رمز برجها و تقاليدها و عاداتها و فعالم الأبراج العشق و الحب لي...
