Unicode
အခန်း-၁
"ရိုးသားမှုဖြင့် အောင်မြင်ရာ၏
ကြိုးစားမှုဖြင့် ပိုင်ဆိုင်ရာ၏....."ဆရာကတက်ကြွစွာ သင်ကြားပေးနေသော်လည်း ခပ်လှမ်းလှမ်းမှာထိုင်နေသည့်
ဂျီမင်းမှာစိတ်၀င်စားပုံမရ။စိတ်မ၀င်စားတဲ့ စာသင်ချိန်တွေမှာ
အိပ်ငိုက်တတ်တဲ့ ဂျီမင်းဟာ ဆရာတွေဘယ်တော့မှမရိပ်မိအောင်တော့ နေတတ်လေသည် ။နမ်ဂျွန် သိသလောက် ဂျီမင်းထိုင်တဲ့နေရာကိုကြည့်ပြီး ဒီစာသင်ချိန်ကို စိတ်၀င်စားမှုရှိမရှိ ခွဲခြားလို့ရနိုင်တယ်။
ဥပမာ~ လောနီတိသင်ချိန်ဆို အိပ်ငိုက်တတ်တဲ့ဂျီမင်းဟာ ရှေ့ဆုံးအတန်းရဲ့
အစွန်မရောက်ခင်နေရာမှာ ထိုင်တတ်ပြီး
ဆရာ့နေရာကနေကြည့်ရင် ချယ်ရီပင်ကိုမြင်ရတဲ့ ရှုခင်းလှတဲ့ဘက်မှာ ဘယ်တော့မှမထိုင်တတ်ဘူး။သူစိတ်၀င်စားတဲ့ ပန်းချီအချိန်ဆို ရှေ့ဆုံးအတန်းရဲ့ အလယ်တည့်တည့်မှာထိုင်တယ်။များသောအားဖြင့် ဆရာတွေဟာ နောက်ဆုံးတန်းကကျောင်းသားကို စာမေးလေ့ရှိတယ်၊
ရှုခင်းလှတဲ့ဘက်ကို အမြဲတမ်းနီးပါး ခေါင်းလှည့်တတ်တယ်။ဒီသဘောတရားကို နားလည်တဲ့ ဂျီမင်းဟာ အိပ်ငိုက်တာတောင် ဆရာတွေမသိအောင် နေရာရွေးတတ်လေသည်။အခုလည်း နေရာမှန်ကိုရွေးကာ အိပ်ငိုက်နေလေတော့တယ်။
အခန်း-၂
နမ်ဂျွန်တို့ ဂျယ်ဆောင်ကိုရောက်လာတာ
တစ်လကျော်ပြီ။ အခုလဆိုရင် စာမေးပွဲတွေ ဖြေကြရတော့မယ်။"ထယ်ယောင်းနဲ့ နမ်ဂျွန် ဒီည ငါတို့လူစုပြီးစာကျက်ကြမလား"
ဟိုဆော့ကိုကြည့်ရတာ စာကျက်ရတာထက် လက်တွေ့ပိုင်းကိုပိုအားသန်တဲ့ ထယ်ယောင်းကိုစိတ်ပူနေပုံရတယ်။
"အတူတူကျက်တော့ နားမလည်တာအပြန်အလှန်ရှင်းပြလို့ရတာပေါ့"
ဟိုဆော့ကဆက်ပြောတယ်။
ဂျယ်ဆောင်ကျောင်းက သင်ကြားပေးတဲ့ပညာရပ်တွေထဲမှာ ပန်းချီ နဲ့ ကဗျာကို နမ်ဂျွန်စိတ်အ၀င်စားဆုံးပင်။ ဒီအချိန်တွေကို ဂျီမင်းလည်း စိတ်၀င်စားပုံရတယ်။ ထယ်ယောင်းက တိုက်ခိုက်ရေးကို စိတ်၀င်စားပြီး ဟိုဆော့ကတော့ ကဗျာရေးရတာကိုသဘောကျတယ်။
![](https://img.wattpad.com/cover/223224010-288-k184106.jpg)
YOU ARE READING
Beyond the Pain(Completed)
FanfictionMy Love is Beyond the Pain Main Couple - Minjoon Side Couple - Vhope 27.6.20 (Sat)