Section Series #1 - Ex

Chapter 11

CHAPTER 11

"Wohoo! Sa wakas natapos din ang event, makakapag pahinga na din sa practice." sabi ni Al ng makapasok kami sa classroom.

Ang tahimik na silid-aralan ay unti-unting umingay dahil sa pagpasok namin. Naka gilid pa rin ang mga upuan namin.

"Whaa! Kapagod." sabi ni Nancy sabay upo sa upuan.

"Guys, pinag bigyan tayo ng mga teachers na magpahinga ngayong araw at bukas ay balik discussion na ulit tayo. Maghahabol tayo ng lesson." announcement ni Kathleen.

"Yown!"

"Tara na, comshop na pre!"

"At bawal umuwi o lumabas ng school. Ayun ang mahigpit na paalala ni Ma'am Rivamonte." dagdag ni Kathleen na nagpasama sa mukha ng mga baliw kong kaklase.

"Mag pahinga na lang tayo dito, guys." sabi ni Finn sa mga kaklase.

Nagsimula na kaming mag kanya kanyang mundo ng mga kaklase ko. Napili kong umupo malapit sa bintana at makinig ng music sa earphone habang pinagmamasdan ang mga ibon na naka tambay itaas ng pader na malapit sa amin.

Naramdaman kong may sumandal sa akin at nakita ko si Yanzee na naka upo na sa tabi ko. Kinuha niya ang isang earphone sa kaliwang tainga ko at sinuot iyon.

"Anong ginagawa mo dito? Sino kasama ng mga kaklase mo doon?" tanong ko dito.

"Kaya na nila sarili nila." sagot nito sa akin. "Eh, ikaw bakit ka nag sesenti dito? Ayon sila Finn ah, bakit hindi ka sumasali sa kanila?"

"Gusto ko lang magpahinga, nakakapagod din yung mga nakaraang araw." sagot ko at humilig siya sa upuan.

"Sabagay, kami nga kanina ay inabot pa ng alas dose ng madaling araw matapos lang yung costume." sagot nito at nangalumbaba. "Tapos maghahabol pa sa mga activities ngayon, hayst."

Sasagot na sana ako ng sumabat si Al sa usapan namin.

"Ano ginagawa niyo diyan?" tanong nito. Ngayon ko lang napansin na may hawak siyang gitara.

"Naliligo." pilosopong sagot ni Yanzee.

"Naliligo eh, nag uusap kayo." sagot ni Al.

"Eh, alam mo naman pala nagtatanong ka pa." sagot ni Yanzee. Umiling iling na lang si Al.

"Kanino naman 'yang gitara?" tanong ko dito.

"Ah, ito? Hiniram ko lang kay Bobby kanina sa baba." sagot ni Al.

"Marunong ka ba niyan? Mamaya pang porma porma mo lang yan para kunwari sanay." sabad ni Yanzee.

"Hoy, Yanzee! Sanay ako. Oh, tignan mo." sagot nito at nag strum ng pamilyar na cords.

"Pft! Intro lang ata ng Magbalik ang kaya mo. Hahahahahaha!"

"Hoy! Grabe ka! Marami akong alam na cords. Oh ito, kapag alam mo yung tono kantahin mo." hamon ni Al.

"Sige ba!" sagot ni Yanzee.

Sinimulan ng mag strum ni Al. Nakita kong napa ngisi si Yanzee nang marinig ang tono ng kanta. Nang matapos ang intro siguro ay tsaka nagsimulang kumanta si Yanzee.

"It took one look
And forever lay out in front of me
One smile, then I died
Only to be revived by you"

Nagulat si Al ng sabayan ni Yanzee ang struming niya ngunit pinag patuloy niya pa rin ito.

"There I was
Thought I had everything figured out
Goes to show just how much I know
'Bout the way life plays out"