Section Series #1 - Ex

Chapter 14

CHAPTER 14

"Hey, hey! Announcement! Makinig muna kayo!" sigaw ni Kathleen kasabay ng paghampas niya sa lamesa. "Saglit lang 'to at dapat hindi ito malaman ng mga teachers. Bilisan niyo na!" Nagkanya kanyang ayos naman ang mga kaklase ko ng upo.

"Ano ba yon, Kath?" tanong ni Al habang nagsusuot ng headband sa buhok.

"Oo nga, baka mamaya nantitrip ka lang." sabat ni Ed.

"Eh, paano ako magsisimula kung dada kayo ng dada diyan?" sagot ni Kathleen sa kanila. "Manahimik muna kasi kayo." Tumingin ito sa pwesto ni Finn. "Vice pres, ikaw na amg anunsyon tutal ikaw ang nakaka-alam."

Tumayo si Finn sa harap ng lamesa.

"Nagka-usap kami ng presidente ng Mabini at Silang na magkaroon ng iisang teacher's day program for afternoon session. Bago ang recess natin gaganapin ang mini program." panimula ni Finn.

Actually, alam na namin ang plano nila na ito dahil kay Yanzee na siyang nag organisa ng programa. Unfair naman daw kung ang Morning Session lang ang merong program para sa mga teachers nila, syempre dapat daw kami din.

"At kailangan hindi malaman ng mga teachers, lalo na nang adviser natin. Maliwanag ba?" tanong ni Finn. Sumagot naman ang mga kaklase ko sa kanya. Si Kathleen ang President namin pero kadalasan kay Finn sila sumusunod dahil na din siguro takot sila dito.

Matapos ang anunsyon ni Finn at dumating na ang subject teacher namin para sa araw na iyon. Paminsan-minsan ay nagpapaalam si Finn na mag-cr para masilip ang mga ginagawa nila Yanzee at Bobby para sa gaganapin mamaya.

Mabilis natapos ang oras at isang oras na lang bago mag-recess. Sinamahan namin si Finn na bumaba sa classroom nina Yanzee na kasalukuyang nag-aayos ng upuan.

"Ayos na ba lahat?" tanong ni Finn nang maka-lapit kay Yanzee.

"Yup. Everything is okay. Tapos na kami mag-ayos dito. Bobby! How's the flow of program?" sigaw ni Yanzee. Pumasok naman si Bobby sa classroom na may hawak na isang bond paper.

"Naka-usap ko na si Al, game sila na mag jamming kami mamaya at okay na din yung ibang mga mag perform." sagot ni Bobby. Nag thumbs up namin si Yanzee sa kanya.

"Guys! Umayos na kayo, tatawagin na namin yung mga teachers." paalala ni Yanzee sa mga kaklase at lumabas na silang dalawa ni Finn para tawagin ang teacher.

Kami namang mga naiwan ay umupo at inaantay ang mga teachers na paghahandugan namin ng maliit ng programa. Maya-maya unti unti ng dumadating ang mga teachers namin at umupo sa upuan na naka-lagay sa gitna.

Nang makumpleto na ang mga guro namin ay nag-umpisa ng magsalita si Bobby.

"Maganda Hapon sa lahat, lalo na sa ating mga guro! Alam niyo naman kung bakit tayo nandito pero sasabihin ko pa rin. Nandito tayo para sa maliit lang na programa para sa ating mga munting guro. Mag uumpisa ang ating programa sa munting awitin ng ating mga nag gagandahang president ng klase. Please welcome, Kathleen De Guzman at Yanzee Penelope ng Grade 10 Luna at Mabini!" anunsyo ni Bobby at agad kaming nagpalakpakan nang pumpwesto na silang dalawa sa harap.

Maya maya ay narinig na namin ang pamilyar na kanta sa pinatugtog ni Simon. Naunang kumanta si Kathleen.

"Thank you for teaching me how to love
Showing me what the world means
What I've been dreamin' of
And now I know, there is nothing that I could not do
Thanks to you"

Isang stansa pa lang ang kinakanta ay napuno na nang hiyawan at palakpakan ang buong silid. Mas lalong lumakas ang hiyawan ng kumanta na si Yanzee.