1. Close to... You (မင်းနဲ့နီးဖို့) Completed

P 17

"ငါမှာတာ ပါလာပြီလား"

"ဟုတ်ကဲ့ ပါလာပါပြီ ဒီမှာပါ"

သွေးစွန်းနေသော အနွေးထည်ကို အရှေ့တွင် ရှိသော လူကို ပေးလိုက်သည်။ အညိုရောင်၀တ်ရုံကို ၀တ်ထားပြီး နှုတ်ခမ်းမွေးများလည်း ရှည်နေသည်။ မျက်နှာတွင် ပေါက်နေသော အသားပိုဘု များကို ကြည့်လျှင် တော်တော်တော့ ကြောက်ဖို့ကောင်းသည်။

"မင်း အသက် ၁၈နှစ်တောင် မပြည့်သေးဘူးမလား မိဘ အုပ်ထိန်းမှု အောက်မှာပဲ ရှိသေးတဲ့ သူတွေကို ငါ မလုပ်ပေးဘူး"

"ကျွန်တော် အသက် ၁၈နှစ် မပြည့်သေးပေမယ့် မိဘ အုပ်ထိန်းမှု အောက်မှာ မဟုတ်ပါဘူး ကိုယ်ပိုင် ၀င်ငွေ ရှိပါတယ် "

"ဘာလို့ လုပ်ချင်ရတာလဲ ခဏတာ  စိတ်ကစားတာလေးကို ဒီလောက်ထိ လုပ်ဖို့ မလိုပါဘူး"

"ဒီလူမရှိရင် မဖြစ်တော့ဘူးဆိုတဲ့ ခံစားချက်မျိုး ခံစားဖူးလား သူ့ကို ချစ်လို့ ရင်ဘတ်တွေပါ အောင့်လာတဲ့အထိ ကျွန်တော် ခံစားရတယ် ကျေးဇူးပြုပြီး ကျွန်တော့်ကို ကူညီပါ"

"ခရစ်ယာန်တစ်ယောက်က ဒီလိုအရာတွေကို ယုံကြည်လို့လား"

"ကျွန်တော်က အချစ်ကို ပိုယုံတာ သူ့ကို ပိုင်ဆိုင်ရဖို့ အားလုံးလုပ်နိုင်တယ်"

"စပြီးရင် နောက်ဆုတ်လို့ မရဘူးနော် မင်းလုပ်ချင်တာ သေချာပြီလား"

"ဟုတ်ကဲ့"

ကျွန်တော့၏ မျက်လုံးများကို ထိုလူကြီးက အချိန်ခဏကြာတဲ့ အထိ စိုက်ကြည့်နေသည်။ ထို့နောက်တွင်တော့ အကို့သွေးတွေ စွန်းနေသည့် အနွေးထည်ကို ယူကာ ထွက်သွားလေသည်။

အကို့သွေးနဲ့ ဆွဲတဲ့ အင်းကွက်ဟာ ရေးထိုးနေစဉ် ရရှိသော နာကျင်မှုက ဘယ်အရာနဲ့မှ မတူ။ စူးအောင့်နေအောင် ခံစားရသည်။ ရေးထိုးပြီးသွားချိန်မှာတော့ နာကျင်မှုက မရှိတော့ပေ။

"ဒီနေ့ညသန်းခေါင်ကစပြီး သူက မင်းအပိုင်ဖြစ်သွားလိမ့်မယ်"

နွမ်းခါး မျက်ရည်များ ဝဲကာ ဘယ်ဘက်ကျောပေါ်က အင်းကွက်ကို တို့ထိမိသည်။

"မင်းရွေးတဲ့လမ်းကို မှန်အောင် လျှောက်နိုင်ပါစေ ကောင်လေး"