روايه عشقت من دمر حياتي

الحلقه السادسه

محمود بمكر:تجوزني اصغر بنت عندك
عبدالله بصدمه:نعم حضرتك بتقول ايه
وضع محمود قدم فوق الاخري بكبرياء وجمود:زي ما سمعت بنتك الكبيرة ومكتوب كاتبها واكيد انا مش هتجوز واحده متجوزه او واحده فاقده الذاكره ومشلولة متبقاش غير بنتك الصغيره
عبدالله بغضب:وحضرتك تعرف عني كل حاجه بقي
محمود بابتسامه دهاء :اعرف عنك من ساعه ما اتولدت لغايه ما انت قاعد معايا دلوقتي
عبدالله بسخريه:اممممم طيب متشكر جدا يا محمود بيه انا مش علشان أعالج الاوله ادمر الثانيه مستغني عن خدمات حضرتك
محمود بجمود:وانت مفكر ان دخول الحمام زي خروجه ولا ايه
عبدالله بجمود:استقالتي هتكون علي مكتب حضرتك مش عبدالله صالح الي يتهدد ببناته الي أغلي ما في الكون
غادر عبدالله بغضب يأكل ثنايا قلبه ولكن يظهر علي وجهه البرود فقط
محمود بابتسامه قام بالاتصال علي شخص ما:تمام يا صاحبي لويت دراعه
صديقه:جميله عمري ما هنساها أبداً يا محمود
محمد بغضب:جميل ايه يا راجل انت احنا بينا الكلام اقفل يا وليد عندي شغل
ليبتسم وليد علي صديقه :سلام يا محمود
وقام باغلاق الخط
اسراء بحسره:معندكش مشكله تدمر ايه حد في غضون ابنك يبقي كويس
وليد بهدوء:اه معنديش مشكله
اسراء بانكسار ودموع:هتفضل أناني طول عمرك يا وليد وعمرك ما هتتعدل أبداً  وانا اسفه علي العمر الي ضاع مع واحد أناني
وذهبت لغرفتها بدموع كادت بان تقتلها نعم تعشق ابنها وتريده الابتعاد عن ذلك السم الابيض ولكنها  لا تريد تدمر بريئه للوصول لمبتغاها وخصيصا سلمي فإسراء أحبتها منذ اللحظه الاوله
.............................................
خالد بغضب:ما تقوم يا عم انت تعبت اهلي معاك
مروان بنعاس:سيبني انام شويه وبعدين هقوم
خالد بجمود:قوم ياض استغفر الله منك مش عارف بيصحوك في البيت ازاي
لم يجيب عليه وغطس في النوم مره اخري ليضرب خالد مقدمته رأسه بفقدان أمل
ليذهب لصديقه الاخر ويضع يده علي كتفه ليفيق بسرعه
خالد بهدوء:انت صاحي ولا ايه
ابتسم عاصم بسخريه:انا منتمتش اصلا
خالد بمرح:ايه الي شاغل عقلك
عاصم بجمود:مش عارف انا صح ولا غلط
خالد بغضب:انت لسه بتفكر طبعا صح وأكبر صح ابوك وأمك بيفكرو كأي ام وآب بيخافو علي عيالهم وللاسف دماغهم فيها انانيه
عاصم بسخريه:تعرف انهم بيحاولو يخلو عيله البنت تتجوز ابنهم عشان تسحبه من المستنقع الي هو عايش فيه ومش بيفكرو بحد غير ابنهم
مروان من خلفهم:حقهم يفكرو في ابنهم ويبقي نمبر ون يا عاصم بس للاسف وصلت لأنانية شويه
خالد بهدوء:علي العموم يلا عشان هنتأخر علي الشغل
قامو بروتينهم الصباحي وقامو بتناول وجبه خفيفه وذهبو لعملهم
.............................................
في النيابه
وكيل النيابه:الطب الشرعي اثبت انك مكنتش في وعيك غير كلام الناس وانت لما قولت غصب عنك
جاسم بقلق:هو فعلا غصب عني بس موصلتش للغياب عن الوعي
وكيل النيابه :طيب وأثار المخدرات الي في دمك حاليا معني كده انك متعاطي للمخدرات ودي قضيه تانيه خالص
لم يجيبه جاسم وظل صامتا
وكيل النيابه:عسكري فتحي خد السجين لسجنه
عسكري فتحي مقدما تحيه السلام:تمام يا فندم اتفضل معايا
ذهب فتحي ومعه جاسم بهدوء وصل لسجنه وجلس بمكان بعدين عن جميع الرجال
.............................................
سما بمرح:فينكم يا جودعان جعانه يا عبدو يا غاده يا بنت يا سلمي يا سالي
سلمي بقلق:مالك عامله دوشه ليه يا بت انتي
سما ببرائه :انا ده انا بريئه
لتجد السلاح الطائر مصوب نحوها ولكنها تفادته لتشعر بالانتصار
سما بمرح:ماجتش عليا
غاده بغضب:امك حرميه يا بنت الهبله
سما بغضب مصطنع:بعد اذنك يا مدام غاده امي مش حراميه امي عسل وشربات وقامت بالغمز لوالدتها
غاده بفرحه:حبيبه قلب ماما
سما غامزه لسلمي:بحب فيها اوووي ان اقل كلمه تلقيها فرحت
لتضحك سلمي وسما وتضحك معهم غاده
سما بمرح:الا بقولك با غدغود
غاده بابتسامه:قولي يا روح غدغود
سما بحب:عامله ايه انهارده
غاده بهدوء:الحمد لله يا قلبي كويسه
سما بضحك:دايما يا رب بس انا قصدي غدا
غاده بغضب:عيش وجبنه وطماطم يا كلبه انتي
يتبادلون الضحكات ويقطع ضحكهم دلوف عبدالله مهموما ليتوجه له الجميع
غاده بحنان:مالك يا حبيبي انهارده
عبدالله بحزن:انا سبت الشغل
شهقت غاده وروا عبدالله كل ما حدث
غاده بغضب:بقي عديم الضمير ده يطلب منك كده
سما بهدوء:ماما لو فكرنا بعقل هنلاقي ان العرض ده كويس
عبدالله بغضب جحيمي:انتي اتجننتي يا سما عايزه تتجوزي واحد قد ابوكي
سما بهدوء:بس اختي هتتعالج وترجع لحياتها تاني
سلمي بجمود:اختك مش هتقدر تعيش لو شافتك بتدفعي تمن حاجه انتي معملتهاش
سما بهدوء:صدقي............
سلمي بغضب:بس يا سما بس الي انتي عايزاه ده تلغيه خالص وعلاج مش هتعالج وبعدين فين خطيبي ده الي انتم بتقولو عليه لا رجالي دبلتي ولا زارني لا هو لا أهله والحيوان الي كان السبب في الي حصي ده ايه
(سلمي متعرفش ان جاسم هو الي خبطها بالعربية ومتعرفش انه في السجن الي تعرفه ان الي خبطها اختفي عشان ميتسجنش)
عبدالله بغضب:مش خطيبك وانسي الكلام ده
شعرت سلمي بالراحة لا تعلم ما مصدرها ايعقل بانها لا تحبه او علي الأقل لا تتقبله
سلمي بهدوء:امال والده قال ايه
كاد عبدالله الحديث ولكن قاطعته غاده
غاده بحب:بصي يا حبيبتي الكلام ده غلط انتي مفيش حد في حياتك دلوقتي الي عايزاكي تعرفيه انك محرره من اَي رابط
ابتسمت لها سلمي وشعرت براحه اكبر لتتأكد بانها تكره ذلك المدعو جاسم وان والده كاذب
............................................................
انتهي الثلاث شباب من عملهم وذهب خالد لمنزله يسترجع ذكرياته مع صغيرته دلف لغرفتها يبحدث بكل إنش بالمكان ليصل للمكتبه التي كانت تحتوي علي الكثير من الكتب ذو المواضيع المختلفة بعض الكتب تتحدث عن الدين والبعض الاخر تتحدث عن التاريخ الفرعوني فشهد كانت عاشقه لذلك التاريخ  وكتب روايات ولكنه لاحظ شي غريب وعندما دقق به ليجده صندوق يشبه الكتاب ويظهر عليه عده ارقام ليتضح بانها لا تفتح الا برقم سري حاول كثيرا فتحها بأرقام كثيره ولكنه فشل في كل مره
خالد بغيظ:ياتري الصندوق ده مخبي جواه ايه انا معرفوش
لا يعلم بان ذلك الصندوق يخبئ حقايق حول موت شهد وعن أشخاص مجهولين الهوية
..................................................................
سالي بغضب:انتي عاقله الي بتقوليه يا غبيه انتي
سلمي بغضب:اتفضلي قوليلها انا معتش هتكلم
سما بغيظ:في ايه يا جدعان
سالي بغضب:في خالد الي انا متاكده انك بتعشقيه مش بتحبيه
سلمي بغضب:في اني مش هتعالج لو انتي المضحية يا اختي
سما بتوتر:خالد ايه بس يا سالي ده اكبر مني بكتير وبعدين يا سلمي
سالي بغضب:اكبر منك برضو انا بقولك اهوو لو وصلت ان اخلي بابا يحبسك هعملها يا بنت غاده وعبدالله وخرجت
سلمي بحزن:للاسف انا مش عارفه موضوع خالد ده بس بقولك اهو لو هتعالج علي حسابك يبقي سوري مش عايزه اكرملي اكمل عمري كده وخرجت هي الاخري
...
استووووووب...الحلقه السادسة خلصت
اتمني ان تنال إعجابكم

توقعاتكم
ياتري ايه داخل الصندوق ده؟
ياتري خالد هيعرف يفتحه؟
ياتري ايه الرقم السري للصندوق ده؟
ياتري مين يعرف الرقم السري ده؟
ياتري سما هتفضل مصممه علي رايها وتتعلم زي ما محمود عايز؟
ياتري سما ممكن تستسلم لعائلتها؟
عايزه اعرف رأيكم في حياه عاصم ووليد هل هما غلط ولا صح
اتمني لكم قرائه ممتعه

روايه عشقت من دمر حياتي
بقلم :مريم عماد