روايه عشقت من دمر حياتي

الحلقه الخامسه والعشرون

(في منزل خالد وسما)
نظرت سما لتلك الفتاه التي كانت ترتدي جيب طويل وواسع وقميص فضفاض وحجاب لا يخرج منه اَي شعر ولا تضع الميكب ولكنها بملامح كاميليا الحرباء الملونة
سما بغيظ:اممم قولتلي بقي عامله علي اهلك الخضرا الشريفه بس ماشيه علي حل شعرك من وراهم
كاميليا بخبث:حاجه متخصكيش يا صغننه
وقامت بالدخول لتنظر لها سما ودت لو قامت بقتلها
رسمت كاميليا للحزن والخجل وجلست بجوار والدها الحاج جمال وشقيقها عدي
خالد بصدمه لسما بهمس:مش دي اللي جت من يومين
سما بسخريه بهمس:لا هي يا حبيبي بس اهلها ميعرفوش انهم فشلو في تربيتها
عم جمال بغضب:دلوجت تكتب علي بتي لغايه اما تولد وتسجل العيل اللي في بطنها وتطلجها براحتك بعد اكده
خالد ببرود:اعذرني يا عم جمال انا معرفش بنتك اصلا شوف مين اللي عمل كده معاها وبنتك جايه تتدبسها فيا
كاميليا مدعيه البكاء:صدقني يا بابا هو اللي ضحك عليا وقالي انه بيعشقني وأنه هيتجوزني في السر وبعدها يعلن جوازنا
سما بسخريه:وانتي معندكيش عقل تفكري بيه
كاميليا بحزن:حبيته زي ما هو كدب عليا وقالي ان بيحبني
عم جمال بغيظ:انا مش بجول ان بتي مغلطتش لا هي غلطت واحنا عايزين نستر عليها
نظرت سما لخالد بهدوء منتظره رده ليقول خالد بهدوء:شوفو مين اللي عمل كده وخلوه هو اللي يستر عليها
عم جمال بغضب:انت اللي عملت اكده
خالد ببرود:مش انا انا يادوب عريس متجوز من ٣شهور وبحب مراتي مش هروح اتجوز واحده تانية
كاميليا بغيظ:انت متجوزني انا الاول
خالد ببرود:مكنتش هروح اتجوز واحده تانيه روحي شوفي الحيوان اللي وقعك في حبه بعد اذنك الكلام خلص
نظر عم جمال وعدي وكاميليا لبعضهم ثم لخالد وذهبو خارج المنزل بينما نظرت سما له:هنعمل ايه
خالد ببرود:لازم نعرف مين الحيوان اللي عمل كده والغبيه دي حطتني مكانه
............................................................
في منزل مهاب القديم
مهاب بهدوء:متاكد يا عم فتحي
عم فتحي بتأكيد:متاكد يا ابني
مهاب بتذكر: طيب مين اللي كان ساكن في الشقه اللي بتطل علي شقتنا
عم فتحي بتذكر:واحد عايش في اسكندريه بس كان بيجي كتير وخصوصا وانت في مهماتك
مهاب بهدوء:اسمه ايه
عم فتحي بتذكر:اسمه سامر الحديدي معايا صوره ليه لو عايز تشوفها
مهاب بهدوء:ياريت
اعطي عم فتحي الصورة لمهاب لينصدم عندما يجد صديقه وابن عم يامن مراد المغربي وليس سامر الحديدي كما يعتقد البواب ليذهب
............................................................
(في منزل كاميليا)
كانت كاميليا تجلس تفكر ماذا ستفعل فوالدها وشقيقها قررو سفرها معهم لتقوم بالاتصال علي احدهم
كاميليا بدلع:الوووو يا بيبي
الشاب بحب مزيف:الووو يا حبيب البيبي اخبارك واخبار النونو
كاميليا بحزن:خططتنا بدات تخرب خالد رفض يعترف بيا زوجه او يعترف باللي في بطني
الشاب بتفكير:كاميليا سيرتي متجيش فاهمه ولا لا
كاميليا بغيظ:قولتلي ملكش دعوه وقولتلك حاضر بس لو معرفتش اتصرف سوري يا بيبي انا عيلتي من الصعيد سلام بقي عشان رايحه علي البلد
الشاب بغيظ:مليش دعوه يا كوكي باي يا قلبي
...............................................................
في منزل جاسم اجتمع خالد وسما وعاصم وجاسم وسلمي
خالد بهدوء:جبتلك الصندوق اللي حاولت افتحه كتير ومعرفش
سلمي بابتسامه:دي ميزه الصندوق مهما حاولت تفتحه مش هتعرف لازم رقم سري ولشخص معين هو اللي يفتحه يا انا يا شهد
عاصم ببرود:افتحيه دلوقتي
قامت سلمي بإدخال الرقم السري لتفتح الصندوق وتنجح تخرج مزكره من ذاك الصندوق بهدوء وتقوم بفتحها
(عز الدين النويري صاحب شركه النويري للتصنيع واسترداد الادويه شركه ظاهريا من انجح الشركات باطنيا بتاجر بالناس وبتجرب عليهم أدويه بتشبه مفعول المخدرات معايا ورق يثبت ده ... ده غير الموظفين اللي مكنش بيعجبهم الشغل في الشركه دي لان عندهم ضمير دي الشركه الوحيده اللي مفيهاش استقالات وخصوصا لدكاترة صيدله وكل اللي قريبين من المعمل واللي بيكتشفو الشغل الصحيح للشركه دي بيكون مصيره الموت في ورق مع سلمي بيثبت الكلام ده كله أوراق الصفقات المشبوهه اللي بيعملها عز الدين النويري دخل عليا بالحب والغرام وأنه مش هيقدر يسبني كل ده عشان اكتشفته ولما رفضت عرضه بدات اشك ان بيحطلي حاجه في اَي حاجه ممكن أكلها او اشربها في الشركه والحاجه دي دوا أعراضه دوخان زغلله صداع وآخر الأعراض ودي تعتبر النهايه هي هبوط حاد في الدورة الدمويه الدوا ده مفعوله مش بيظهر من اول مره لا لازم مداومه علي الدوا ده عرفت عن الدوا ده لما بدات اتعب كانت زميله ليا قالتلي علي الدوا ده الشركه دي لازم تتقفل عز الدين مش بيظهر باسمه في الشغل ده ولا حتي بشكله)
خالد بحزن:يعني الحيوان ده قتل اختي
جاسم بسخريه لعاصم:مش قولتلك الحيوان ده هو وابوه ملهومش في الشركه بس حضرتك ازاي ده حقهم اهو اخدو حقهم واحنا بعدنا عن الشركه لحد ما بقت دمار
عاصم ببرود:مازلت عند كلمتي حقهم يعملو بيه اللي هما عايزينه بس احنا كأمن دوله نعاقبهم
سما بهدوء :طيب وهنعمل ايه
سلمي بتفكير:نقدم المذكرات والورق اللي فيه الصفقات المشبوهه للمخابرات
عاصم بهدوء:هاخد الورق وهقدمه لسيادة اللواء ويبقي فريقنا هو أللي مسئول عن القضيه دي
خالد بهدوء:وافرض اللواء رفض اننا نمسك القضيه دي وطلب من اَي فرقه تانيه
عاصم بهدوء:معتقدش يا خالد احنا يعتبر فريق ناجح قليل ما بيمسك قضيه وبتفشل فيها
سلمي لجاسم:انا هروح اجيب الورق من بيت ماما وبابا
سما بهدوء:انا هاجي معاكي
سلمي بهدوء:خليكي يا سما شكلك تعبانه انا هروح انا وجاسم
وبالفعل ذهبت سلمي برفقه جاسم لمنزل والديها الذين رحبو بهم جدا جلس جاسم مع غاده وعبدالله بينما دلفت سلمي لإحضار ذلك الملف التي اعطته شهد لها قبل موتها بفتره قصيره
عبدالله بابتسامه :اخبارك يا ابني
جاسم بهدوء:الحمد لله يا عم عبدالله
سلمي بابتسامه:لقيته يلا يا جاسم
غاده بقلق:مالك يا حبيبتي انتي تعبانه
سلمي بضحك:ماقولتلك يا غاده حساب قديم وبصفيه
غاده بفقدان أمل:فين ايامك وانتي فاقده الذاكره كنتي بتقوليلي ماما
سلمي بصدمه:ايه ده لساني عايز قطعه انا اقولك ماما استغفر الله العظيم انا
غاده بغيظ:بره يا بنت الهبله
ضحك الجميع علي مشاكسه غاده لبناتها جميعهم
جاسم بابتسامه:يلا يا سلمي الناس في البيت
سلمي بهدوء:يلا يا جاسم بعد اذنك يا غاده بعد اذنك يا بابا
وذهبت لتنظر غاده لعبدالله بغيظ:شوفت بنتك
عبدالله بضحك:ماهي كانت كده في الاول
غاده بحنان:ربنا يباركلنا فيهم كلهم يا رب
عبدالله بحنان:الحمد لله
..................................................................
في منزل جاسم
عادت سلمي برفقه جاسم الي منزلهم ليجدو الجميع يجلس بهدوء لتقدم سلمي لعاصم وخالد المذكرات والأوراق لتبدأ رحله الانتقام من عز الدين النويري
.....................................................................
في صباح يوم جديد
ذهب الجميع الي عملهم ليتوجه عاصم لمكتب اللواء
عاصم بهدوء:تمام يا فندم حضرتك فاكر لما قولتلك ان عايز افتح قضيه لرجل الاعمال عز الدين النويري
اللواء سليم ببرود:قولتلك معندناش ادله تثبت اللي بتقوله وان رجل أعمال ماشي مستقيم
عاصم ببرود:مين قال لسيادتك اني معيش ادله انا معايا ادله تدينه بأكثر من جريمه من ضمنه قتل اخت المقدم خالد احمد مع سبق الإصرار والترصد
اللواء سليم بهدوء:قدم الأدلة والقيادات هتدرس الموضوع وخلال اسبوعين بالكتير أكون قولتلك ردي
قدم عاصم لها المذكرات والملف ليبدا اللواء بدرس الملف والتراسل مع القيادات
قام عاصم ببعث رساله الي جاسم (كله تمام نبدأ العد التنازلي)
ليبتسم جاسم لرسالة شقيقه وتوأمه ليبعث رساله(soon)
...............................................................
في منزل كاميليا
دق الباب لتذهب كاميليا لفتح الباب لتجد سما امامها
كاميليا بدلع:خير يا صغنن
سما بابتسامه:حبيبتي يا كوكي قولت بما اننا متجوزين نفس الراجل فكنت جايه اقعد معاكي شويه
كاميليا بدلع:قريب جدا يا قلبي هيبقي ملكي انا وانتي هتقعدي مع اهلك تربي النونو اللي في بطنك وتنسي خلودي حبيبي
سما بنبرة مرعبه:ما ممكن يحصل العكس بس انتي مش هتبقي مراته اصلا فهتبقي نهايتك علي ايدي انا
كاميليا برعب مستفز:يا مامي انا خوفت
سما بغموض:سؤال واحد بس وإجابته هتحدد مصيرك العيل اللي في بطنك ده ابن خالد ولا غيره
كاميليا بهدوء:ابن خالد حبيبي وجوزي انا مراته الاولي يعني انتي الدخيله
سما بسخريه:علي الأقل اتقدملي ادام اهلي واتجوزني قدام الناس مش زيك يعني انا لو دخيله فانا الظاهره للعالم اني مرات خالد احمد باي يا قطه
وذهبت وتركتها تاكل في نفسها وتتوعد بملكيته خالد
.................................................................................
في الاسكندريه
كانت فاطمه تجلس في غرفتها تغلق علي نفسها باب غرفتها رفضت دخول مراد لها وكل ما تشعر باقترابه تشعر بالخوف والقلق نعم تعيش مع عائلتها والدها وشقيقها ولكنها لا تشعر بالأمان بعد ترك يامن ورحمه لها
استمع لدق باب ليقول هو بصوت غاضب:افتحي يا فاطمه والا هكسر الباب وهكسر عظمك
فاطمه ببكاء وخوف وصراخ:ابعد عني سبني انت عايز مني ايه خد الفلوس بس سيبني انا بكرهك
مراد بسخريه:مش الفلوس بس ابني كمان هاخده
فاطمه بصراخ:لا ده ابني انا ابعد يا مراد طلقني يا مراد طلقني
والده مراد ببكاء:متعمليش في نفسك كده يا بنتي
مراد بغضب سيبيها يا امي الهي تموت وأخلص منها
فاطمه بتعب ودوار:امي......
اغلق عيناها لترتطم بالأرض ليسمع مراد صوت الارتطام ولكنه يمتلك قلب حجري لم يهمه ذلك لتقف والدته أمامه بتوسل:ارجوك يا ابني اكسر الباب البت هتلاقيها أغمي عليها البت حامل
توجه مراد ناحيه الغرفه ببرود وقام بكسر الباب ليجدها علي الارض غارقه بدمائها ليعلم هو والدته بانها فقدت جنينها يحملها مراد بهدوء ويذهب للمستشفي بداخله شعوران متضادان الاول هو عدم الاكتراث لما حدث والثاني هو حزنه علي ابنه الذي لم يري النور وزوجته التي يحبها ولكن حبه لنفسه وللاموال اكبر من حبه لزوجته وابنه
ليصل للمستشفي وتأكد له الطبيبه موت الجنين وتعب الأم الشديد
..........................................................................................
(في منزل يامن)
قام يامن بالاتصال علي والدة مراد فهو يحبها ويعتبرها في مقام والدته المتوفيه
يامن بهدوء:انا يامن يا طنط متقوليش لحد اني بكلمك ولو جنبك حد كلميني علي اني صاحبتك
والده مراد:حبيبتي يا وجدان اخبارك قاطعه اتصالات ليه
يامن بابتسامه:انا الحمد لله يا طنط والله انتي عارف انا معدش ليا اتصالات بالعائلة كنت عايز حضرتك في خدمه
والدة مراد بهدوء:خدمة ايه اتفضلي يا حبيبتي انا أخدمك بعنيا
يامن بهدوء:اللي حاول يقتل رحمه واخد مني ابن من عيالي هو مراد بمساعده مهاب
والدة مراد:الاول اه بس التاني لا يا حبيبتي
يامن بتأكيد:متاكده ان مهاب مكنش مشترك
والدة مراد:ايوا يا ستي متاكده
يامن بهدوء:تمام اووووي سلام يا طنط
والدة مراد:سلام يا جميل سلميلي علي ابنك ومراته وابنه
يامن بابتسامه:من عيوني
اغلقت الخط
مراد بهدوء:بتكلمي مين يا امي
والدة مراد بهدوء:واحده صحبتي كانت بتاخد رأيي في البلوزة سوده ولا بيضه احسن
مراد بشك:امممم ماشي يا امي
..............................................................................
في اتصال بين سلمي وسما
سما بهدوء:ياتري بقي يا سولي بعد ما رجعت ذاكرتك وبقيتي بتعرفي تمشي وتحركي ايدك ايه رايك في جاسم
سلمي بهدوء:بصي يا ستي انا معرفش ايه شعوري الموجه ناحيه جاسم بس لما فوقت في المستشفي كنت حاسه ان هو ده اللي قلبي معاه بس انا عايزه انتقم الاول مش فاضيه للحب
سما بابتسامه:الانتقام مش هيبعدكم عن انكم تعترفو لبعض بحبكم اقولك حاجه احنا كنا ماشين في خطه عشان يعترفلك بحبه
سلمي بهدوء يبقي اكمل الخطه ايه هي بقي
حكت سما لسلمي الخطه لتبتسم سلمي مقرره إكمال خطتها
..............................................................................
في اتصال بين متولي ومروان
مروان بهدوء:بعد إذنك يا عمي ممكن نعمل خطوبه الاسبوع الجاي وكتب الكتاب مع الفرح الشهر الجاي عايز اخرج مع جني
متولي بابتسامه:هشوف يا ابني الظروف وأقولك
مروان بابتسامه:شكرا ليك يا عمي براحتك بس ممكن اخرج مع جني النهارده
متولي بهدوء:لغايه دلوقتي قرائه فتحه بس يا مروان انتظر يا بني لحد ما تبقي خطوبتكم رسمي
مروان بابتسامه:حاضر يا عمي
...
استووووووب...الحلقه الخامسه والعشرون خلصت
اتمني لكم قراءه ممتعه

توقعاتكم
ياتري امتي الحقيقه هتظهر في موضوع يامن ومهاب؟
ياتري القيادات هتقبل القضيه الموجه لعز الدين النويري؟
ياتري القيادات ممكن تختار فريق عاصم وخالد ومروان ولا هتختار فريق اخر ؟
ياتري ابو الطفل اللي في بطن كاميليا مين وليه اختارت خالد؟
ياتري خالد ازاي هيعرف يثبت ان هو ميعرفش كاميليا؟
ياتري سلمي هتقدر تنتقم من عز الدين ولا لا؟
ياتري ايه اللي بين عاصم وجاسم؟
ياتري عاصم وجاسم أعداء اصلا ؟
اتمني ان تنال إعجابكم

روايه عشقت من دمر حياتي
بقلم/مريم عماد