الاخيره
سلمي بهدوء:هنعمل ايه في المصنع اللي ادمر ده
جاسم بهدوء:انا فاكر ان المصنع متأمن عليه
سلمي بقلق:طيب والصفقات اللي المفروض تتسلم
جاسم بابتسامه:عندي في المخزن أدوات تكفي ميت صفقه لمده كام سنه عقبال اما نشوف حل لموضوع المخزن
ابتسمت سلمي براحه
.................................................................................
بعد مرور اسبوع
كان جاسم يجلس علي مكتبه ليفتح صفحه الأخبار ليجد خبر ادخل لقلبه السرور وهو(القبض علي رجل الاعمال عز الدين محي النويري ومحي النويري لإثبات ان عز الدين النويري هو الباشا الذي يهدد امن الدولة ومحي النويري لتستره علي مجرم)
خرج جاسم بسرعه ليخرج للجنينه ليجدها تجلس علي النجيلة تبتسم لجمال الجو ليجلس جوارها:الجميل قاعد لوحده ليه
سلمي بابتسامه:بفكر فيك
جاسم بحب:وياتري انا حلو للدرجاتي عشان. سلمي هانم تفكر فيا
سلمي بحب:طبعا انت في عيني فارس قوي وشجاع انقذ اميرته
جاسم بابتسامه:تم القبض علي عز الدين ومحي النويري لإثبات انه الباشا الذي يهدد امن الدولة
سلمي بفرحه:احلف
جاسم بهدوء:الخبر منتشر
سلمي بدموع:الحمد لله استريحي يا شهد خلاص حقك رجع
جاسم بابتسامه:الحمد لله بس انا عايز اعرف الدموع دي ليه
سلمي بدموع:دموع الفرح
جاسم بحب:الدموع دي يا قلبي أغلي حاجه عندي اوعي في يوم تنزل لأي سبب
سلمي بحب:انا بحبك اوووي يا جاسم وكل يوم بشكر ربنا انه ويعني في طريقك وخلانك تخبطني لانه خلق من الدمار حب قوي
جاسم بحب:وانا بعشقك يا روح جاسم انا بقي بضرب نفسي بالجزمة اني كنت رافض اتجوزك في الاول
سلمي بضحك:ما انا كنت رافضه بردو في الاول
جاسم بحب:اقولك سر
سلمي بابتسامه:قول
جاسم بضحك:واحنا مسافرين قولتلك اني بحب واحده وسبتها واتجوزتك اكيد انتي مش فاكره لانك مش فاكره الفتره اللي فقدتي فيها الذاكره بي انا مكنتش بحب حد انتي اول واحده احبها او اعشقها
سلمي بضحك:الحمد لله اني مش فاكره والا كنت قتلك وتاويت جثتك
جاسم بضحك:يهون عليكي حب عمرك
سلمي بحب:لا طبعا ميهونش
ظلو يضحكون ويتبادلون الحوارات بحب وابتسامه كبيره
.................................................................................
في السجن
مراد بغضب:ازاي يعني قضيه الخلع حكمت في صفها
المحامي بأسف:يعني حضرتها معدتش مراتك
مراد بغضب:لازم تروح لابويا وتشوفو حل عشان اطلع
المحامي بأسف:ابوك اتبري منك بيقول ان معندوش أولاد اسمهم مراد انا بعتذر
مراد بغضب:بقي كده طبعا عشان عايز ياخذ فلوسي وورثي كله اطلع بس من هنا وانا هنتقم من الكل
.................................................................................
في صعيد مصر
في احد المنازل التي تدل علي غناء العائله الفاحش
دلف ياسر غرفته في المساء ليجد كاميليا تجلس علي سجاده الصلاة تبكي بحرقه لينتفض قلبه
ياسر بقلق:مالك يا كاميليا
كاميليا ببكاء:انا بعد عن ربنا وعملت حاجات كتير ضد تربيتي انا بكره نفسي انا عملت حاجه ضد تربيتي وطبعي وأخلاقي وديني انا كنت عارفه انك بتحبني وكنت مستعد انك تتقدملي بس انا من غبائي بعت الحلال بالحرام
ياسر بحزن:غلطنا مشترك يا كاميليا
كاميليا ببكاء بحسره:بالعكس انا غلطي اكبر انا لما سافرت القاهره معتش بصلي وقلعت الحجاب لبست هدوم متلبسهاش رقاصه في شارع محمد علي واتبليت علي حد بريئ انه هو ابو الطفل اللي في بطني
ياسر بحزن:كاميليا احنا مشتركين تعالي نصلح كل ده مع بعض
كاميليا بحسره:نصلحه ازاي
ياسر بهدوء:نصلي الاول وندعي ربنا يسامحنا نروح نحج ونعمل عمره ترجعي كاميليا وتعملي ياسر جديد انا فعلا ندمان
كاميليا بحزن:انا اسفه انا غلطانه انا بكره نفسي
ياسر بحزن:انا اللي اسف انا لسه بحبك يا كاميليا
كاميليا بحزن:وانا بحبك وللاسف مكتشفتش ده غير متاخر اوووي
ياسر بابتسامه:يبقي نساعد بعض نعمل شخصيه جديده
وهنا لم تستطع كاميليا التحمل لتسقط مغشي عليها بين يدين ياسر لينتفض ياسر ويأخذها بسرعه للمستشفي ليعلم بان الحمل لم يكتمل ليتوفي الجنين لايعلم يفرح ام يحزن ام ماذا حتي كاميليا لا تعلم لتحتسبه عند الله وتحمد الله وتبدأ حياتها مع ياسر بعد توبتهم من جديد
.................................................................................
في السجن
مراد بهدوء:مراد المغربي
عز بهدوء:عز الدين النويري
مراد بهدوء:جاي في قضيه ايه
عز بسخريه:حاجات كتير تعرف الباشا اللي كان مهدد امن البلد
مراد باستغراب:ومين ميعرفوش
عز الدين بسخريه:انا الباشا
مراد بصدمه:بجد انت اللي كنت قالب الدنيا
عز الدين ببرود:ايوا انا وانت بقي جاي ليه
مراد بسخريه:حاجات كتير بردو محاوله قتل ابن عمي وبنت عمي وعنف اسري وقتل عيالي في بطن امهم واخدت مؤبد وانت واخد حكم ايه
عز الدين بغيظ:زيك بالظبط
مراد بهدوء:سمعت انك مش جاي لواحدك
عز الدين بسخريه:والدي كان معايا بس انتحر
مراد باستغراب:معملتش زيه ليه
عز الدين بغضب:عشان اطلع انتقم
مراد بابتسامه:نفس الهدف الانتقام
....................................................................................
في منزل يامن
يامن بهدوء:في عريس متقدملك يا فاطمه
فاطمه بغضب:وانا قولتلك اتصرف مع اللي بيجولي انا مش عايزه اتجوز تاني
يامن بغيظ:بعيدا عن ان العمر لسه طويل ادامك الا انك هتفضلي عايشه علي زكري مراد
فاطمه بكره:لا طبعا
يامن بابتسامه:يبقي تتجوزي وتعيشي حياتك
فاطمه بتفكير:مين اللي امه داعيه عليه ياخد واحده معقده زي اكيد مطلق او ارمل ومعاه عيال
يامن بضحك:أولا هو امه بتدعيله مش بتدعي عليه (بغضب)ايه معقده دي انتي شايفه نفسك معقده وبعدين يا ستي هو لا مطلق ولا ارمل
فاطمه بهدوء:يبقي مينفعش يروح يتجوز واحده غيري
يامن بخبث:خلاص هروح اقول لعاصم سوري يا عصومه اختي بتقولي روح اتجوز واحده تانيه
فاطمه بحزن:انا منفعوش يا يامن
يامن بهدوء:بالعكس انا شايفك بتحبيه وهو بيحبك
فاطمه ببكاء:بس الحب ده حب ممنوع حب مكتوب عليه الموت قبل ما يعيش
يامن بهدوء:كل ده ليه عشان انتي كنتي متجوزه قبل كده
فاطمه ببكاء:بالظبط وهو لسه شاب متجوزش قبل كده مش هينفع
يامن بهدوء:انا مش هغصب عليكي حاجه يا فاطمه بس انا متاكد انك بتعشقيه وأنك هتدمري
فاطمه ببكاء وغيظ:يوووووه بقي
وتركته ودلفت غرفه تميم
تميم بابتسامه:خير يا عمتو
فاطمه وهي تمسح دموعها:مفيش يا قلب عمتو
تميم بابتسامه:اعملي اَي حاجه هتخليكي مبسوطه يا عمتو حتي لو هتبقي انانيه فيها
فكرت فاطمه فيم قاله تميم نعم تعترف بعشقها لعاصم من اول نظره ولكن هناك الكثير من العقبات ولكنها ستنجح لتخرج ليامن قائله بهدوء:انا موافقه
يامن بابتسامه:كنت متاكد فاطمه مش عايز تجربتك الفاشله مع مراد تدمر الباقي من عمرك فاهمه
فاطمه بهدوء:فاهمه
يامن بتفكير:انتي لسه بتحبي مراد
فاطمه بسخريه:اكتشفت انه مش حب يا يامن قلبي مفيش فيه غير عاصم متخافش
يامن بابتسامه:ربنا يريحك قلبك
فاطمه بابتسامه:امين
.....................................................................
بعد مرور شهر
في منزل جاسم وسلمي
سلمي بدوار:مش عارفه بس حاسه اني دايخه
جاسم بقلق:تعالي اخدك للمستشفي
سلمي بتعب:مش مستاهله
جاسم بغيظ:اللي بقوله يتنفذ يا سلمي يلا
سلمي بتعب:طيب والفرح كمان كام ساعه وانا لسه مجبتش الفستان
جاسم بغضب:احنا جاهزين الحمد لله نروح المستشفي نطمن عليكي وبعدين نطلع نجيب فستان وبدله ونرجع تكون بنات البيوتي سنتر جت
سلمي بغيظ:وانت هتقعد في البيت والبنات فيه
جاسم بغيظ:انتي في ايه ولا في ايه يا ستي هروح اجهز عند ابويا وامي
سلمي بهدوء:اذا كان كده ماشي كفايه انك هتتعاكس في الحفله
جاسم بفقدان أمل:عوض عليا عوض الصابرين انتي الغيره عندك رهيبة
سلمي بغيظ:جدا ويلا عشان انا دوخت تاني
وبالفعل ذهبو للمستشفي ليزف لهم خبر سعيد جدا بان سلمي وجاسم سيصبحو ابا وأما وان سلمي حامل
سلمي بغيظ:انتي وعدتني
جاسم بغيظ:انتي مش واثقه في زوقي قولتلك روحي اعملي الميكب اب بس يبقي خفيف فاهمه عقبال اما اجيبلك الفستان
سلمي بهدوء:ماشي يا جاسم بس لو معجبنيش
جاسم بهدوء: باذن الله هيعجبك
احضر جاسم فستان جميل ورقيق جدا لسلمي يناسبها جدا مع حذاء وحجاب وإكسسوارات اضافت لها جمال خاص لجمالها
وارتدي بدله انيقه جعلته عنوان للوسامه
وذهبو لفرح مروان وجني وعاصم وفاطمه التي كان مشتركا بينهم لتعمل الأجواء السعيده بفرح علي الجميع تكتمل الفرحه بمعرفه حمل سلمي
استوووووب
انتظروني في الخاتمه
روايه عشقت من دمر حياتي
بقلم/مريم عماد
أنت تقرأ
روايه عشقت من دمر حياتي
Romanceعشقت من دمر حياتي اسم علي مسمي هو دمر حياتها وكسرها وكسر فرحتها ليواجهه رد فعل قاسي منها هو دمر حياتها وهي من أصلحت حياته وجعلتها ورديه هو من اتعسها وجعلها حزينه منطفئة وهي من جعلت حياته جميله سعيده مملوئه برضا الله تعالي فهل فعلت البطله ذلك بك...
