ذهب خالد ومحمد برفقه سما وسالي لجناحهم بادئين حياتهم فهل ستدوم السعاده ام ماذا ؟
.........................................................
في الطائره في مقاعد الدرجه الاولي المخصصه لرجال الاعمال المتجه لالمانيا كان يجلس جاسم وامامه جهازه الخاص (اللاب توب)يعمل بانسجام وكانت تجلس جواره سلمي لا تعلم ماذا تفعل او ماذا تقول ولكنها تشعر بالضيق من ذلك الجاسم العملي لاحظ جاسم ضيقها ونظر لها بهدوء معقبا:هخلص الصفقه دي بس
نظرت له سلمي باستغراب:براحتك هو انا اتكلمت
جاسم بخبث:نظراتك بتتكلم مع اننا صفقه بالنسبه لبعض
سلمي بضيق:صفقه امممم حلو الكلمه دي موافقه انها تبقي كده بس يا ريت تلتزم بالقواعد والبنود لان الشرط الجزائي كبير
جاسم بفخر :مستعد ادفعه ٣مرات انتي مش بتكلمي عيل انتي بتكلمي جاسم النويري وخليكي فاكره
سلمي بغيظ:متفكرش نفسك بالي هتعمله يا جاسم هيشفعلك لا انت دلوقتي عدوي اللي دمر حياتي
جاسم ببرود:زوج عدو لا حلوه دي موافق ونشوف هتنتقمي مني ازاي يا سلمي عبدالله
سلمي ببرود:انا مش هنتقم انا هسيبك لضميرك ولربنا يا جاسم وليد
جاسم بغضب:جاسم النويري
تصمت سلمي ويصمت جاسم هو الاخر ناظرا لجهازه مره اخري ليغلقه ويضعه في حقيبته ويجلس بهدوء مخيف مردفا لها:انتي مبتخافيش من الطياره شكلك ركبتيها قبل كده
سلمي بهدوء:للاسف مش فاكره ركبتها قبل كده ولا لا بس حاسه انها مش اول مره ومش خايفه
جاسم بهدوء:شكلك ركبتيها
سلمي بهدوء:ممكن خلينا نخلص رحله العلاج دي ونرجع مصر نطلق وكل واحد يعيش حياته
جاسم بشر:قولتها لابوكي وهقولهالك انتي بقيتي في بيتي ومراتي وعمر ما هتبعدي عني او هتسيبي بيتي غير علي قبرك
سلمي بكره:بالنسبالي بيتك وكوني مراتك قبري يا جاسم انا متجوزه من دمر حياتي انا اتجوزت الي خبطني بعربيته وبسببه فقدت الذاكره واتشليت اول ما فوقت وبدات أعيش لقيت امنيات كتيره نفسي أحققها من ضمنه أقع في قصه حب وابقي احلي بطله ومعايا البطل بتاعي واحلي حياه تبقي روايه جميله وانت جيت دمرت كل حاجه حلوه
شعر جاسم بان كرامته تهان نعم يعلم بان كلامها صحيح ولكن اراد الانتقام ليقول بغضب وغيظ وكره:يعني انتي مدمرتيش حياتي انا كمان انتي خلتيني ابعد عن الانسانه الوحيده الي حبيتها خليتها تكرهني وبدل ما تدعيلي تدعي عليا انتي دمرتي حياتي الحلوه
سلمي بغضب:يبقي اخلص رحله علاجي وتطلقني وترجعلها
جاسم بغضب :هو في حاجه بتدمر بتتصلح تاني
هنا ضحكت سلمي بشده لينتظر جاسم بان تتوقف وبالفعل ثواني وتوقفت عن الضحك معقبه:أديك قولتها بنفسك اللي ادمر عمره ما بيتصلح وانت دمرتني هل ممكن اتصلح ماما قالت لطنط اسراء نفس الجمله قبل كده ومامتك ردت عليها باللي يتكسر يتصلح
جاسم ببرود:عشان انتي مدمرتيش يا سلمي
سلمي بعصبيه:لا ادمرت اما مبقاش عارفه حاجه عن حياتي يبقي ادمرت لما ابقي مش فاكره القديم من حياتي يبقي ادمرت لما احضر عزا اعز صديقه ليا وتعتبر الصديقة الوحيده وانا مش فكراها يبقي ادمرت لما اسئلت اخواتي عن شخصيتي يبقي ادمرت لما ابقي مشلوله مش قادره امشي علي رجلي يبقي ادمرت لما اتجوزك يا جاسم يبقي اكبر دمار ليا انا بكرهك يا ابن النويري
جاسم ببرود:يعني انا اللي واقع في دباديبك يعني شعور متبادل يا سلمي متخافيش
أدارت سلمي وجهها للجهه الاخري ولم تجيب علي كلماته لتكتمل الرحلة ويصلو للفيلا الذي قام جاسم بتأجيرها ذهب كل منهم لغرفه للارتياح من عناء السفر
...........................................................................
في الصباح
يستيقظ خالد علي مهرجانات (اديني رمضان😂) ليجد تلك المجنونه تقوم بالرقص الجنوني وبحركات شعبيه متقنه لتنظر له سما بضحك:يلا يا بيبي تعالي ارقص معايا
نظر خالد حوله مشيرا لنفسه بمعني انا لتنظر له سما بحاجب مرتفع:لا امي هكلمها تيجي ترقص معايا اخلص يا خلودي خلينا نعمل رياضه ضحك خالد علي تلك المشاكسة :نص ساعه يا قلبي واجيلك بس شغلي حاجه تانيه
سما بضحك:من عونيا هشغل فرتكه فرتكه
يخبط خالد مقدمه رأسه بيأس ويدلف للحمام وبعد وقت خرج مرتديا بنطال قطني فقط وشعره الكثيف ينزل علي عيناه لتغمض سما عيناها بسرعه صارخه وراكضه للفراش لتقف عليه مردفه:البس يا خالد تيشرت عيب كده استغفر الله العظيم من كل ذنبا عظيم
خالد بسخريه:معلش الجو حر ايه مش عايزه ترقصي ولا ايه
سما بغضب:البس تيشرت ونشغل اغاني ونرقص يسطا
خالد بصدمه:يسطا هو انا متجوز سواق ميكروباص ده انتي موصلتيش لتباع
سما بضحك:عتبه عتبه عتبه
خالد بغيظ:انا لو منك اهرب لتركض سما وخلفها خالد
..............................................................................
في غرفه محمد
يستيقظ محمد علي صراخ سالي لينظر لها ليجد في يدها مكنسه يدويه واقفه علي المقعد
محمد بخضه:في ايه يا حبيبتي
سالي برعب:ف فا فار
محمد ببرود:انا داخل الحمام اجهز عشان ننزل نفطر يا حبيبتي اجهزي انتي كمان واستهدي بالله فار ايه في المكان ده انتي شفتيه بعينك
سالي بخوف:لا بس في اثار رجل حاجه من القوارض تحت الكرسي
ضحك محمد:معلش يعني لو تحت الكرسي انتي واقفه علي نفس الكرسي ليه ربنا يهديكي يا سالي يا حبيبتي يلا عشان انا جعان وكمان عايزين نسافر هني مون انهارده
سالي بابتسامه:يلا يا حبيبي
محمد باستغراب:والفار
سالي ببرائه ما انت قولت مفيش فيران في المكان ده وانت بصراحه نومك تقيل جدا وكنت جعانه وعايزاك تصحي فملقتش طريقه غير دي
كبت محمد ضحكاته وغيظ وقام بإلقاء علبه المناديل عليها ويدلف للحمام بغيظ
.....................................................................
في منزل عبدالله
غاده بحزن:البيت فضي يا عبدالله
عبدالله بحزن:كان لازم الخطوة دي بس جت بدري اوووي
غاده بحب:المهم اننا اطمنا عليهم
عبدالله بحزن:مش كلهم
غاده بأمل:بإذن الله كلهم يا حبيبي
عبدالله بهدوء:باذن الله
.....................................................................
في ألمانيا
دق جاسم باب غرفه سلمي بهدوء مردفا:يلا يا سلمي معاد الدكتور عشان يشوف حالتك ويحدد العملية
كانت سلمي تحاول الجلوس علي كرسيها ولكنها لم تستطع لتصتدم بالأرض يسمع جاسم ذلك الارتطام ليدلف بسرعه ليجدها علي الارض ويديها تظهر عليها الجرح البسيط يركض نحوها ويحملها ويضعها علي الفراش:انتي كويسه يا سلمي
سلمي بألم:الحمد لله بس ايدي بتوجعني شويه وكنت عايزه اقعد علي الكرسي بس
جاسم بهدوء:ممكن أساعدك
سلمي بهدوء:بس قعدني علي الكرسي وانا هعرف اتعامل
جاسم بهدوء:تمام
وبالفعل اجلسها علي الكرسي ولاحظ يدها المجروحه
جاسم بهدوء:ثواني وراجع
وبالفعل دلف للحمام واخرج صندوق الإسعافات وخرج لها ليداوي جرحها ثم يخرج من الغرفة لتنظر سلمي ليدهابهدوء واستغراب وبالفعل تذهب لتغير ملابسها
بعد الانتهاء تخرج وتجده ينتظر امام غرفتها بهدوء وفجأه يحملها لتصرخ به:نزلني يا ابن النوريري نزلني يا جاسم نززززززلني يا عم بقي
وبالفعل نزل جاسم الدرج وقام بوضعها علي كرسي الانتريه
جاسم بجمود:لويس لويس تعال الي هنا
لويس:نعم سيدي
جاسم بهدوء:احضر هذا المقعد وضعه في السياره
لويس بإطاعه :حاضر سيدي اتامرني بشي اخر
جاسم بهدوء:لا اذهب الان
ذهب لويس وتنظر سلمي له بهدوء نعم تشعر بانها تستطيع الترجمة لهاذا الحوار الألماني
جاسم بهدوء:فهمتي الحوار
سلمي بهدوء:اه شكلي دارسه ألماني او واخده كورسات
فجأه يحمل جاسم سلمي مره اخري لتصرخ به:مش فرح ام ترتر هو يا استاذ انت نزلني وبطل الحركة دي
يتركها جاسم لتسقط ارضا وتقول بعصبيه:ايه الغباء ده يا عم انت بترمي شكارة رز
جاسم ببرود:مش قولتي انزلك اديني نزلتك
سلمي بغيظ:هاتلي الكرسي عشان اقعد عليه
جاسم ببرود:الكرسي وصل السياره ومش هجيبه
سلمي بغضب:جاسم بطل غلاسه هات الكرسي
جاسم ببرود:لا
سلمي بغضب:هتجيبه
جاسم ببرود:لا
سلمي بغضب:خلاص دخليني هنا المنظر حلوه من هنا
يحملها جاسم بهدوء للمره الثالثه: جاسم النويري بيعمل اللي هو عايزه يا سلمي
سلمي بغضب:يبقي انت كمان متعرفنيش نزلني يا جاسم
جاسم ببرود:ولو منزلتكيش
سلمي بغضب:هصرخ وأقول انك خاطفني
جاسم ببرود:عند ام ترتر يا سلمي اخرسي بقي عشان مصدع
تصمت سلمي بغضب وغيظ تقوم بسب جاسم في سرها بغيظ
جاسم بهدوء:الشتيمه حرام يا بنت عبدالله
سلمي بغيظ:عارفه يا ابن وليد
ركب جاسم السياره وبجواره سلمي وبعد وقت قصير وصل جاسم للمستشفي وكان الطريق يستحوذ عليه الصمت
دلف جاسم وسلمي للطبيب ليقوم الطبيب بعمل الفحص اللازم والتضقيق في الفحص الذي قامت به سلمي في بلدها ليقوم بتحديد ميعاد للعمليه الا وهو بعد ثلاثه أيام
.........................................................
اجتمع خالد وسما ومحمد وسالي علي طاوله الافطار تحت مشاكسه سما للجميع وقام بقضاء اليوم بسعاده وحب وصعد الجميع لجناحه وقامو بتجهيز حقيبتهم للسفر لهاني مون
سافر خالد لشرم الشيخ
وسافر محمد لمرسي علم
........................................................................
بعد غروب الشمس شعر مروان بالملل وذهب للنيل المكان الذي قابل به جني منذ شهرين داعيا الله علي لقائها قام بتغير ملابسه وذهب للنيل ليجد ملاكه كما سماها في خياله تجلس شارده في شي ما ليقطع هو تفكيرها بكلمات قليله:ازيك يا جني ممكن اقعد معاكي
جني بهدوء:الحمد لله يا مروان اتفضل
جلس مروان بجانبها ولكن بينهم مسافه
مروان بهدوء:تعرفي يا جني انا كنت بحب اخت خالد كان اسمها شهد بس لما قابلتك وعرفتك اكتشف ان عمره ما كان حب ممكن يكون إعجاب ممكن يكون مسئوليه تجاها لانها اخت صاحبي بس انتي حسيت بشعور غريب اول مره أحسه حسيت باني بحبك يا جني ايوا انا بحبك تتجوزيني
جني بصدمه:...........................
استوووووووب...انتهت الحلقه الحادية عشر
اتمني ان تنال إعجابكم
توقعاتكم
هل سعاده خالد وسما هتكمل؟
هل سعاده محمد وسالي هتكمل؟
ايه رد فعل جني علي اعتراف مروان؟
هل جني بتبادل مروان نفس المشاعر؟
هل في أمل في قصه جاسم وسلمي ؟
هل ممكن يبطلو خناق؟
اتمني لكم قرائه ممتعه
روايه عشقت من دمر حياتي
بقلم/مريم عماد
أنت تقرأ
روايه عشقت من دمر حياتي
العاطفيةعشقت من دمر حياتي اسم علي مسمي هو دمر حياتها وكسرها وكسر فرحتها ليواجهه رد فعل قاسي منها هو دمر حياتها وهي من أصلحت حياته وجعلتها ورديه هو من اتعسها وجعلها حزينه منطفئة وهي من جعلت حياته جميله سعيده مملوئه برضا الله تعالي فهل فعلت البطله ذلك بك...
