روايه عشقت من دمر حياتي

الحلقه السابعه عشر

دلفت سلمي غرفه كبيره وضخمه لا يوجد بها اَي شخص ولا حتي جاسم  ولكن هناك الكثير من زجاجات النبيذ مختلفه الأنواع تبتسم بشر وتحمد الله علي عدم وجود جاسم في تلك الغرفه تنظر لذلك المقعد الفارغ والذي يوجد أمامه علي البار كاس نبيذ وزجاجه ممتلئه وثلج تذهب بسرعه وتجلس علي الكرسي وترمي عكازها من بين يدها وتظل تشر وتشرب الي ان تنهي الزجاجه كامله
سلمي بثملان: طار في الهوا شاشي وانتي متدراشي يا جدع هههههههه عليا الطلاق هطلق انهارده
جاسم من خلفها ببرود:مش قولتلك متنزليش يا سلمي
سلمي بدلع:حبيبي يا جسومه تعالي عايزه ازازه تانيه بليز
امسكها جاسم من ذراعها بعنف كاد ان يخلع ذراعها من مكانه:وحياه امك يا سلمي لو مطلعتش اوضتك دلوقتي لهتكون رده فعلي مش هتعجبك
سلمي بصراخ:دراعي يا جاسم هيتكسر في ايدك
ترك جاسم دراعها لتكمل هي بدلع:وبعدين يعني فيها ايه اما توريني المكان ده
جاسم بغضب:سلمي اطلعي اوضتك
سلمي بغضب:مش عايزه(بابتسامه) ومر عذاب واحلي عذاب عذاب الحب اهااا عذاب الحب
جاسم بغضب:لا انتي تقلتي في الشرب بقي
وقام بحملها علي كتفه لتضرب سلمي قدمها في الهواء ويدها في ظهره:نزلني يا جاسم مش بحب انك تشيلني كده
جاسم بغضب:تخرسي خالص فاهمه ولا لا
سلمي بدلع:عايزني اخرس يا جاسومتي
شعر جاسم بضربات قلبه تزداد ليعلم بانه في خطر من تلك المتهوره وصل غرفتها وقام بدلوف بها للحمام وقام بغسل وجهها لتصرخ به:ابعد عني انا مبسوطه كده
جاسم بغضب:انتي مبسوطه وانتي مفيش في دماغك عقل
اخرجها من الحمام ودثرها جيدان بالغطاء وجلس علي كرسي بجوار الفراش:نامي يا سلمي
سلمي بنعاس:انا بحبك وعارفه انك بتحبني بس هنتظرها منك يا جاسم انا بحبك متسبنيش
جاسم بحب:مش هسيبك بس ارجوكي نامي وبكره نتكلم
نامت سلمي بسرعه عندما سمعت أمره لها بالنوم أمسكت يده وقامت باحتضانها وغطت بثبات عميق اما هو فحاول سحب يده بهدوء عده مرات ونجح في نهايه المطاف توجه بسرعه لغرفه النبيذ وقام باغلاقها بمفتاح وقام بالدفوف لغرفته واغلق الباب وجلس علي فراشه وضع يده علي قلبه الذي ينبض بسرعه وكأنه يصرخ بحبها:قربك بقي غلط يا سلمي لازم انتهي من الموضوع ده بأسرع وقت ممكن
............................................................
في مصر عند خالد وسما
(فجرا)
سما بنعاس:انت رايح فين ولابس كده ليه
خالد بهدوء:عندي مهمه وممكن أغيب يومين
سما بتكشيره:من الاول يومين
خالد بابتسامه:معلش يا قلبي الشغل شغل روحي جامعتك وارجعي عند مامتك لو عايزه
سما بحب:ابقي كلمني كل شويه
خالد بابتسامه:حاضر يا حبيبتي (بحاجب مرفوع)راحه فين
سما وهي تقوم من الفراش:احضر فطار نفطر مع بعض قبل ما تمشي
خالد بابتسامه:ماشي يا قلبي
حضرت سما فطار خفيف وجلست تفطر مع خالد انتهو من الفطار وذهب خالد لعمله بينما أزالت سما بقايا الطعام وذهبت لتكمل نومها
............................................................
صباحا الساعه ١٠
عند غاده وعبدالله
كانت غاده تتحدث مع ابنتها سما علي الهاتف
غاده بهدوء:لا يا قلبي تعالي علي بيت سالي وبعدين روحي معانا
سما بهدوء:ماما انا مش هبات معاكم انا هبات في بيتي
غاده بضيق:لوحدك يا سما
سما بابتسامه:ايوا يا ماما لوحدي عادي يعني انا هقابلكم عند سالي بعد ما اخلص المحاضره
غاده بابتسامه:ماشي يا قلبي
سما بسرعه:ماما صح انتم رايحين عن سالي ليه
غاده بفرحه:هتبقي خالتو يا سماسيمو
سما بفرحه:بجد يا ماما مبروك والله انا مبسوطه خالص هخلص واجيلك سلام بقي يا غاده
غاده بغضب:سلام يا متربيه
سما بضحكه:عندك شك اني متربيه يلا سلام بقي عشان المحاضره وخالد بيتصل
غاده بابتسامه:سلام يا قلبي
اغلقت سما مع غاده وردت علي اتصال خالد
خالد بغضب:سما بتكلمي مين
سما بفرحه:بكلم ماما تخيل سالي حامل يا خالد بجد انا مبسوطه
خالد بفرحه:مبروك يا قلبي عقبالنا
سما بخجل:الله يبارك فيك اخبارك دلوقتي
خالد بابتسامه:طول ما انتي كويسه انا كويس يا قلب خالد
سما بابتسامه:مش عايزه افصل الاتصال بس عندي دكتور رخم اووووي برفض حد يدخل معاه تخيل بقي يتخل بعده فهقفل واكلمك بليل
خالد بحب:ماشي يا سماسيمو سلام يا حبي
سما بحب:سلام يا قلبي
ذهبت سما لقاعه المحاضرات لتنتظر دخول الدكتور لبدء المحاضره
........................................................................
في ألمانيا
استيقظت سلمي تشعر بصداع يأكل رأسها لا تعلم ما سببه تتذكر شربها الخمر البارحة لتصدم بشده كيف فعلت ذلك بحثت عن عكازها لتجده ملقي جوار فراشها علي الارض باهمال تلتقطه وتذهب للحمام تأخد شاور وترتدي بيجامه باللون البني وترتدي إسدال  وتصلي فرضها وتبكي لعلمها بان النبيذ محرم تستغفر ربها كثير وتنزل للاسف لتجده يجلس علي احدي الكراسي الخاصه بالسفره والبرود يسيطر علي وجهه تجلس جواره بدون كلمه
جاسم ببرود:الي حصل انبارح ميتكررش تاني
سلمي بحزن:اكيد مش هيتكرر تاني
بداخل جاسم جزء يأنب نفسه لترك باب الغرفه مفتوحا وجزء يقول له بانه ليس المخطئ وانها هي الغبيه الي دلفت للغرفه وشربت من الخمر هو لم يخطئ
لم تتجرأ سلمي علي التكلم ولم يتجرأ هو ايضا علي التكلم ليسود الصمت باقي اليوم
.....................................................................
في مصر بفيلا النويري
عاصم بغضب:حضرتك الي سمحتله يعمل كل ده
وليد بهدوء:انت مش قولت انت وأخوك ان الشركه دي مش من حقنا وانها حق عمك وابنه ادينا اهووو ادنهاله واكتفيت انا بسلسلة السوبر ماركت يبقي ملناش دعوه
عاصم بغضب:هي فعلا بتاعته واحنا متكلمناش لما حولها شركه ادويه سواء قام باستيراد والتصدير او صنع العقارات بس انه يدمر الشعب بالأدوية الفاسدة اللي ليشتريها او بيصنعها يبقي لينا دعوه ولازم نوقفه عند حده
وليد بهدوء:انت عايز ايه دلوقتي
عاصم ببرود وضع يده في جيب بنطاله :ملكش دعوه باللي هعمله ومتقفش في وشي بدل ما انسي انك ابويا وتروح في الرجلين
ذهب وتركه
..................................................................
في كليه فنون جميله
شعرت سما بالدوار وهي تخرج من قاعه المحاضرات سندت علي الحائط لتقترب زميله لها بهدوء:انتي كويسه يا سما
سما بدوار:اه كويسه الحمد لله يا مروج
مروج بهدوء:لا مش كويسه تعالي نروح المستشفي الي جنبنا(بضيق)وبعدين انتي حاسه انك تعبانه بتيجي الكليه انهارده ليه
سما بتعب:عادي يا مروج
أسندت مروج سما وتوجهت لخارج الكليه ووجهتها الأساسية هي المستشفي:لا مش عادي يا سما يلا استحملي شويه
ذهبت مروج سانده سما للمستشفي لتصل اليها ويقومو باللازم لتعرف سما خبر حملها تشعر بالسعادة ولكن هناك بعض القلق هل ستكمل جامعتها ام ماذا؟
..................................................................
في منزل سالي ومحمد
عبدالله بقلق:بنتك اتاخرت ليه يا غاده
غاده باستغراب:مش عارفه يا عبدالله هكلمها أشوفها
اتصلت غاده علي سما ولكنها لم تجيب تشعر بالقلق لتتصل مره اخري لتجيب مروج وتخبرها بخبر حمل سما وانها ستصل بعد وقت قصير وصممت مروج باصالها وعدم إرسال احد لأخذ سما
تنشر غاده خبر حمل سما وتكون الفرحه فرحتين
بعد وقت تصل سما لمنزل اختها وتنهال عليها مباركات الجميع
.....................................................................
في منزل سما
مساءا
سما بفرحه:بس يا سيدي
خالد بفرحه:مبروك يا قلبي
سما بخجل:الله يبارك فيك يا حبيبي
خالد بهدوء:انا مسافر اسبوع يا سلمي باذن الله اسبوع وهرجع
سما بابتسامه:ترجع بالسلامه يا حبيبي
ليكملو كلامه مع بعضهم بحب
........................................................................
في منزل الباشا او عز الدين النويري
قامو بتوقيع ورق الصفقه المشبوه
عز الدين ببرود:ستحضرون فئران التجارب هؤلاء لمصنعي فالآخرون كانو ضعافا وماتو للاسف
جاك ببرود:لا يهم المهم هو صنع هذا الدواء ليكون ملائما للهيروين
ويليم بخبث:ماذا فعلت في تلك الفتاتان اللتين حاولتا اكتشافنا
عز الدين بخبث:لا تقلق لقت ذهبت روحهما لخالقهما
ضحك الثلاث رجال بخبث شديد وانتصار فظيع
...
استوووووب...الحلقه السابعه عشر انتهت
اتمني ان تنال إعجابكم

توقعاتكم
ياتري مين هما البنتين اللي العصابه دي بتتكلم عنهم؟
ياتري عز الدين يقرب ايه لعاصم وجاسم؟
ياتري السعاده هتكمل ولا هتنقلب لغم ونكد؟
هل موت شهد ليه علاقه بعز الدين؟
ياتري عاصم كان بيتكلم عن عز ولا علي حد تاني؟
اتمني لكم قراءه ممتعه

عشقت من دمر حياتي