روايه عشقت من دمر حياتي

الحلقه الخامسه عشر

مر اسبوع انتقلت به سلمي من العنايه لغرفه عاديه لم يفارقها جاسم بينما لم تنتهي مخططات لورا وكاندي...خالد وسما ومحمد وسالي قطعو إجازتهم عشان شغل خالد ومحمد
يتصل عبدالله وخالد ومحمد يوميا للاطمئنان علي حال سلمي وجاسم
جاسم بحزن:انتي وعدتيني انك هتتمسكي بالحياه وتسمعيني...ارجوكي ارحمي قلبي العاشق ارحميني يا سلمي.
وجد يد توضع علي كتفه ليلقيه بغضب جحيمي:أخبرتك آلاف المرات بان تبتعدي عني انا إذا لم أريدك في المستشفي سأفعل ذلك
كاندي بدلع:لما كل ذلك انت تحب ميته
جاسم بجمود:حبيبتي ليسه ميته
كاندي بغضب:سأقتلها
امسك جاسم كاندي من معصمها وخرج بها صارخا:أين مدير المستشفي
يوسف:ماذا هناك سيدي
جاسم بفحيح:سألت سؤال أين المدير اخبروني أين المدير
نازيا بهدوء:في الطابق السابع
أخذ جاسم تلك الحرباء للمدير الذي كان يدعي أريان
جاسم بجمود:اريد فصل تلك الممرضه التي من المفترض بانها تنقذ الناس
آريان بهدوء:تفضل سيدي من انت أولا
جلس جاسم بكبريائه المعهود:انا رجل أعمال مصري ادعي جاسم النويري وتلك الممرضه لا تري عملها وانها هددتني بقتلها لزوجتي مريضه في تلك المستشفي
آريان بغضب:هذا صحيح كاندي
كاندي بخوف:لا سيدي هذا ليس صحيح أبداً
جاسم بهدوء:إذا سأقوم بشكوي للسلطات
آريان:أهدئ سيدي المستشفي ستضرر
جاسم بجمود:المستشفي تضررت عندما سمحت لتلك الغبيه بالعمل بها
كاندي بخوف:انا اسفه لن افعلها مره اخري
آريان بجمود:اعتذر لن تكون هناك مره اخري انتي موقوفه عن العمل كاندي رولنس الان اذهبي
كاندي بغضب:سيدي انا......
آريان بغضب:قولت اذهبي
ذهبت كاندي لتلملم أشيائها وتترك المستشفي
آريان بأسف :اعتذر سيدي عن ما بدر منها
جاسم بكبرياء :متقبل اعتذارك ولكن أرجو بان تحزر عندما تختار من يعمل هنا
تركه وذهب لمعشوقته
دلف جاسم لغرفه معشوقته ليأتيه اتصال من يامن صديقه ليبتسم بصفاء ويجيب عليه:ازيك يا يامن
يامن بهدوء:الحمد لله يا جاسم اخبارك واخبار مراتك
جاسم بهدوء:الحمد لله احنا كويسين
يامن بهدوء:انا وافقت علي عرضك
جاسم بابتسامه:كنت عارف انك هتوافق سواء دلوقتي او بعدين
يامن بهدوء:مهاب ساكن في الشقه الي قدامي
جاسم بهدوء:قولتلكم لازم توضحو كل حاجه لبعض
يامن بهدوء:الموضوع انتهي من زمان وهو الي غلط زمان لما ساعد اخواتي وولاد عمي عشان يقتلو مراتي وابني
جاسم بغضب:وافرض انه مساعدهمش
يامن بغضب:متنساش ان مهاب كان صاحبي انا وريان اخويا
جاسم بهدوء:مش ناسي يا يامن بس ده ميدلش انه يخطط عشان يقتل مرات وابن صاحبه
يامن بهدوء:جاسم انا هنام عشان هروح بكره الشركه انا اصلا مش مهم عندي يظهر او مظهرش انا قولتلك بس عشان انت كنت بتدور عليه سلام وسلامي لمراتك
اغلق الخط
جاسم بغموض:هنشوف يا يامن
لاحظ جاسم حركه سلمي ركض اليها بسرعه ليجدها تستعيد وعيها تركها وركض للخراج مناديا الطبيب يوسف
........................................................................
في فيلا وليد
وليد بهدوء:وحشني اوي حياتنا يا اسراء
اسراء بحزن:انت الي بعتها مقابل الفلوس
وليد بغضب:انا مبعتهاش يا اسراء انا بأمن حياه عيالي
اسراء بسخريه:تامن حياه عيالك ازاي يا وليد ابنك الاولاني ضابط في المخابرات عنده شقه حلوه وضخمه وابنك الثاني رجل أعمال ايوا مش كبير بس هيكبر انا مش خايفة عليهم
وليد بهدوء:راجل عنده ولدين توام في إعدادي اشم علي ظهر ايدي ان عيالي هيبقو رجاله
اسراء بسخريه:لا كنت تثق انهم هيبقي رجاله ومش محتاجين فلوس ابوهم
وليد بسخريه:متنسيش ان جاسم كان بياخد فلوس كتير ومازال بياخد
اسراء بهدوء:بقاله خمس سنين ماخدش جنيه
وليد بضيق:خلاص يا اسراء
اسراء بهدوء:خلاص يا وليد
..................................................................
عبدالله بفرحه:ربنا يفرحك يا ابني في رعاية الله
غاده بقلق:كنت بتكلم جاسم
عبدالله بفرحه:سلمي فاقت من الغيبوبه يا غاده وهتدخل العمليه الثانية بكره
غاده بفرحه:الحمد لله أحمدك واشكر فضلك يا رب سالي وسما هيفرحو اوووي
عبدالله بابتسامه: الحمد لله يا غاده الحمد لله
غاده بقلق:هو الدكتور قال انها ممكن تعمل كام عمليه
عبدالله بقلق:جاسم قال ان الدكتور  قاله انها ممكن تدخل ٣عمليات وعلاج طبيعي لا تقل مدته عن خمس شهور
غاده بابتسامه:الحمد لله يا عبدالله (بقلق)هي ممكن تدخل في غيبوبه مره تانيه في العمليه الجايه
عبدالله بهدوء:لا ان شاء الله مش هتدخل في غيبوبه مره تانيه اول عمليه هي الي بتبقي صعبه فعشان كده دخلت في غيبوبه بسيطه
غاده بقلق:يسمع من بقك ربنا يا رب اني استودعتك ابنتي فأرجعها لي سالمه معافه يا رب
عبدالله بحب:امين يا رب
............................................................
سما بفرحه:سلمي فاقت يا خالد
خالد بحب:الحمد لله يا حبيبتي احمدي ربنا
سما بحب:الحمد لله ان ربنا رجعلي اختي ودخلك حياتي
خالد بحب:انا محظوظ انك في حياتي(بقلق)حبيبتي انتي تعبانه
سما بغيظ:ليه
خالد بضحك:اصل انتي بقالك فتره يا رومانسيه يا هاديه
سما بغيظ:ماشي يا خالد اما وريتك يا ابن ام خالد
خالد بضحك:الحمد لله اديكي رجعتي فكرت ان مراتي اختفت
سما بضحكه خبيثه:هرجعهالك يا حبيبي متخافش
خالد بقلق ومرح:ربنا يستر
ضحكت سما ليبادلها خالد الضحك
..................................................................
جاسم بهدوء:انتي كويسه
سلمي بهدوء:الحمد لله يا جاسم انا كويسه
لورا بابتسامه:هل انتي بخير مدام النويري
سلمي بغيظ:نعم بخير أدعو سلمي
لورا بهدوء:حاضر سيدتي سلاماتي لك
خرجت لورا من الغرفه بينما ضحك جاسم
سلمي بغيظ:بتضحك علي ايه
جاسم بضحك:وفيها ايه اما تقولك مدام النويري
سلمي بغيظ:اسمي سلمي مش مدام النويري بيستفزني اوووي ان حد يناديني بألقاب
جاسم بغمز:هنا مبنادوش غير بالقاب فأتعودي
سلمي بغيظ:باذن الله
......................................................
رانيا بخوف:كنت عايزه أقول حاجه يا مهاب
مهاب بحب:قولي با قلبي (بقلق)مالك يا رانيا ليه حاسك خايفه
رانيا بخوف:يامن وعيلته ساكنين في الشقه الي قدامنا
صمت هو لتصمت هي منتظره غضبه بقلق وخوف لتنصدم عندما يقول
مهاب بغموض:وماله جه لاضاه
...
استوووووب...الحلقه الخامسه عشر خلصت
اتمني ان تنال إعجابكم

توقعاتكم
ياتري مهاب بيخطط لأيه؟
ياتري جاسم بيخطط لأيه؟
ياتري يامن هيسكت ولا هيدبر حاجه؟
ياتري سلمي هتخرج من العمليه الجايه عادي ولا هيحصل حاجه؟
ياتري لورا ممكن تتعظ من الي حصل لكاندي ولا لا؟
اتمني لكم قراءه ممتعه

روايه عشقت من دمر حياتي
بقلم /مريم عماد