[UNICODE]
"အကျည်းတန် ခွေးစုတ်တစ်ကောင်"
ကျန်းရှုန်ဝမ်သည် ယောက်ျားလေးချင်း သဝန်တို၊ မိန်းကလေးများ စွဲလမ်းရသည့် ချောမောလှသော မျက်နှာလေးကိုကြည့်လိုက်သည်။ ထို့နောက် စိတ်ပျက်စွာ ခြေထောက်ဖြင့် ထိလုနီးပါးကန်ပြီး မတော်မတရား အကြံပေးလိုက်သည်။
"မင်းနေပူစာလှုံလိုက်လေ၊ မင်းအသားကိုပိုကြမ်းအောင်လုပ် ပြီးရင် ကြွက်သားအဖုအဖောင်းတွေ တက်အောင်လေ့ကျင့်လိုက်။ ဆံပင်ကတော့ ပြောင်နေအောင်တုံးချလိုက်ကွာ။ မင်းဒါတွေအကုန်လုပ်လိုက်ရင် မင်းဘဝကြီး ပိုစုတ်ပြတ်သတ်သွားမယ် ပိုပြီးယောက်ျားဆန်နေပြီတော့ ငယ်တဲ့ရုပ်ပေါက်တော့မှာမဟုတ်ဘူး။"
ထိုအကြံကို ဆက်နားမထောင်နိုင်တော့ဘဲ တိချိုဟဲမျက်ဖြူလှန်ပြလိုက်ပြီး သူ့ကန်နေသည့် ခြေထောက်ကိုရှောင်လိုက်ပြီး ရှည်လျားလှသောခြေတံရှည်ကြီးကိုမြှောက်ကာ စားပွဲနှင့် ဆိုဖာကြား ထားလိုက်သည်။ သူဆိုဖာပေါ်တွင် ကျောရိုးမဲ့အလား လဲပြီး ဖုန်းကိုထုတ်လိုက်သည်။
"ဒီလိုလုပ်လို့ ဦးလေးကျန်းလက်ခံမယ်ဆိုရင် လုပ်ပြီးတာကြာပြီပေါ့"ဦးလေးကျန်းလိုချင်သည်က ခံစားချက်၊ အပြင်ပန်းမဟုတ်။ ထို့အပြင် သူ့ဇာတ်ညွှန်းထဲက မင်းသားနှင့်မကိုက်ညီလျှင် လက်ခံမည့် ဆန္ဒမရှိပါ။ ထိုကဲ့သို့ အမူအကျင့်ကြောင့်လည်း လူအများ ခေါင်းကိုက်ကြရသည်။ သို့သော် လေးစားထိုက်သူ အမှန်ပင်။
ဇာတ်ကားတစ်ကားတွင် ဒါရိုက်တာကောင်းတစ်ယောက်လိုသည်။ ဇာတ်ညွှန်းကောင်း၊ မင်းသားကောင်း၊ အဖွဲ့ကောင်းနှင့် စိတ်ဝိညာဉ်ကောင်းလိုအပ်သည်။ ဦးလေးကျန်းလက်ထဲက ဇာတ်ညွှန်းကိုဖတ်လိုက်သည့်အချိန်တွင် စိတ်ဘဝင်ခိုက်သွားခဲ့သည်။ ဇာတ်ညွှန်းကောင်းနှင့်အတူ ဦးလေးကျန်း အစွမ်းကုန် ဇာတ်ကားကောင်းအဖြစ် ဖန်တီးတော့မည်ကို ယုံကြည်နေသည်။
အခုက ဟွမ်ဒုက ပိတ်ပင်ခံနေရပြီး အလုပ်များလည်း တစ်ခုပြီးတစ်ခု ရပ်စဲခံနေရသည်။ နှစ်ဝက်လောက် အတိုင်းတာမှာတင် တီဗီဖန်သားပြင်ပေါ်က ပျောက်ကွယ်နေလေသည်။ သူ့ချစ်ခင်သည့် ပရိသတ်ကလွဲပြီး မည်သူမျှ တက်သစ်စ မင်းသားတစ်ယောက်ကို အလေးထားနေသည်မဟုတ်။
BINABASA MO ANG
One Useless rebirth ( မြန်မာဘာသာပြန်)
Romance[UNICODE] ကောင်လေးနှစ်ယောက်၊ တစ်ယောက်က အလွတ်တန်းဓာတ်ပုံဆရာ၊ နောက်တစ်ယောက်က နာမည်ကြီး ရုပ်ရှင်ဘုရင်လို့ ခေါ်စမှတ်ပြုနိုင်တဲ့ သရုပ်ဆောင်မင်းသား... သူတို့ရဲ့ တွေ့ဆုံပုံလေးက... ဓာတ်ပုံဆရာလေး ဟဲပိုင်က ရုပ်ရှင်ဘုရင် တိချိုဟဲ အသတ်ခံရတဲ့ မြင်ကွင်းကိုမှ အမှတ...
