Sweet but PSYCHO [Completed]

•02•

- Нүдээ ань. Тэгээд нүглээ наманчил...

***

     Өвдөлтийг мэдрэх тусам өөрийн бүтээсэн ертөнц рүүгээ зугтахыг хүснэ. Нүгэл үйлдээд ч хамаагүй... Зүгээр л ... Өвдмөөргүй байгаа болохоор...

***

"Тэр өглөөнөөс хойш уйлж байна."

     Жимин ахыг ийн хэлэхэд би толгой дохин түүнд зориулж авсан чихрээ халаасандаа хийв.

"Өчигдөр орой түүнд хүчээр тайвшруулах тариа хийчихсэн юм."

"Дахиад л орилж, энэ тэндхийн юмаа түйвээсэн байх нь ээ?"

Тэр нөхцөл байдлыг шуудхан ойлгосонд би дахин толгой дохьлоо.

     Өчигдөр оройны тэр Сэра, өдөр нь миний уулзсан Сэра биш болчихсон байсныг юун түрүүнд өчье.

Энэ бол шезофренигийн шинж тэмдэг.

Тэд өөрчлөгддөг. Хүссэндээ биш ээ. Тэд зүгээр л өөрсдийгөө ойлгодоггүй юм.

"Бусад өвчтөнгүүддээ цаг гаргаж чадаж байгаа биз дээ?"

"Мэдээж... Түүнээс гадна дахиад хоёр ч өвчтөнг би хариуцаж байгаа."

     Энэ эмнэлэг ганцхан Сэра гэдэг өвчтөнтэй биш шүү дээ. Би ажилдаа төвлөрч, ухаалаг байх хэрэгтэй. Гэхдээ Сэрагийн нөлөөг давж гарахад бэрх байсныг эвдэрхий балнаас минь харж болно.