Solar Academy: School for the Tamers

5. Choice

Nanatili akong walang imik buong araw. Ni hindi ko man lang natapos ang iba ko pang mga gawain dahil hindi mawala sa isip ko ang nangyari kanina.

Awtomatikong nanginginig ang mga kamay ko kapag naalala ang mga kaganapan kaninang umaga.

He's coming. . . he's going to take my body and destroy everything.

Nararamdaman ko na naman ang mabilis na pagtibok ng puso ko. Parang natutuyo ang lalamunan ko at nabibingi ako. Nilalamon ako ng dilim at ang tanging naririnig ko lang ay ang boses niyang paulit-ulit na nagsasalita sa isip ko.

Anong. . . gagawin ko-

"Erks?"

Bumalik ako sa katinuan at nawala ang dilim sa paligid ko. Natauhan ako nang marinig ang boses ni Rouge na nagsalita.

May dala-dala siyang kawali kung nasaan ang bagong luto niyang ulam. Dinala niya ito sa lamesa kung saan ako nakaupo.

"Kanina ka pa tahimik ah. Wala na nga akong makita, wala pa akong naririnig," natatawang sambit niya habang inililipat ang ulam sa lalagyanan.

Pilit akong tumawa sa sinabi niya bago ako tumayo at naghain sa lamesa.

"A-Ah, haha. May iniisip lang ako. Hindi mo na kailangang alalahanin iyon."

"Ahh. Sige, sabi mo eh."

Sabay kaming kumain ni Rouge. Hindi nawawala ang tingin ko sa kaniya habang ngumunguya ako ng pagkain.

Hindi pa rin mawala sa isip ko ang nangyari kanina. Bumibigat ang pakiramdam ko kapag naalala ko ang mga sinabi niya. . .

Hindi ako pwedeng-

"Erks."

Natigilan ako sa pag-iisip. My eyebrows rose as I heard my name.

Agad akong napatingin sa babaeng kaharap ko na tumigil din sa pagkain.

"Would you mind?"

"Pwede mo bang kunin ang kahon na nasa loob ng unang drawer?"

Hindi kaagad ako nakasagot sa sinabi ni Rouge. Nabigla ako sa biglaang pagsasalita niya.

"S-Sige."

Tumayo ako mula sa pagkakaupo at pumunta sa lamesang tinuturo niya. Sinunod ko ang sinabi niya at kinuha ang kahon na nasa unang drawer.

"Eto ba?"

Itinapat ko ang kahon sa harapan niya. Natauhan ako nang hindi siya sumagot at natatawa siyang napailing sa akin.

"O-Oh, sorry."

Bumalik ako sa pagkakaupo sa harapan ni Rouge habang hawak-hawak ang isang maliit na kahon.

"Anong gagawin ko rito?" marahang tanong ko.

"Open it."

Kunot noo akong napatingin sa babaeng kaharap ko na may malawak na ngiti. Kahit naguguluhan ay binuksan ko ang maliit na kahon.

I paused for a moment when I saw what's inside. I was stunned.

Inside, there is a silver necklace with a rose pendant.

"Happy Birthday, Persephone."

Mariin akong napakagat sa ibabang labi. Nararamdaman kong nagtutubig ang mga mata ko. Pinipigilan ko ang sarili kong gumawa ng kahit anong tunog na magpapaalam kay Rouge na naiiyak ako.

"P-Paano mo nalaman. . . for pete's sake, you can't even see the calendar."

I heard her chuckled. Just like the first time we met, itinaas niya ang hintuturo niya sa ere.