Solar Academy: School for the Tamers

29. Run or Fight

Sobrang bilis ng pangyayari. . . kahit na para sa akin ay bumagal ang oras, sa katotohanan, ilang segundo lang ang dumaan.

Hindi ko alam ang nangyari. . . wala akong kaide-ideya sa ginawa ko. . . ang alam ko lang— hindi ako ang gumamit ng commandment.

Umalingawngaw ang boses ni Zabeth sa paligid na agad na nakakuha ng atensyon ng lahat. Hindi makapaniwalang napatingin sa kaniya sina Acel at Chain. Maski ang mga gifteds na kasama niya.

Walang tigil siya sa pagsigaw at pag-iyak. Habang hawak-hawak ang mga mata niya. . . mga mata niyang nahuhulog-

"AHHHHHH!" Matinis na boses niya ang tanging naging ingay.

Parang natuyo ang lalamunan ko at hindi ako makagalaw sa pwesto ko. Pilit niyang kinukuha ang mga mata niya at binabalik ito. Pero parang bola itong nadudulas at hindi mapasok.

"WHAT DID YOU DO YOU FUCKING BITCH!" galit at naiiyak na sambit niya.

Hindi ako nakakibo. Hindi alam ng mga nandito kung sino ang kausap niya. . . dahil kaming dalawa lang ang nakakaalam ng nangyari.

I used my 3rd commandment-

No.

That God used the 3rd commandment against her-

Sobrang bilis at lakas ng pagtibok ng puso ko. Walang tigil ang pagpatak ng pawis ko kahit tumatama sa balat ko ang paghampas ng hangin.

Hindi ko alam kung saan ako matatakot-

Kung sa kakayahan na kaya kong gawin. . . o ang katotohanang-

Unti-unti na niyang nakokontrol ang kakayahan na 'yon. At malaya na niyang nagagamit ang mga commandments.

Napalunok ako nang malalim kahit natutuyo ang lalamunan ko. Nagsisimulang manginig ang mga kamay ko, unti-unti kong tinatakpan ang kanan kong mata.

What's the sense. . . even if I stopped using my commandments to maintain my humanity-

If that God can already use it on his own-

"MGA WALANG KWENTA! ANO PANG HININTAY NINYO?!"

Muli akong bumalik sa katinuan at natauhan ako nang muling marinig ang boses ni Zabeth. Walang tigil siya sa pagbalik ng mga mata niya habang lumuluha ng dugo.

Bakas sa mukha niya ang pagkakainis at galit.

"KILL THEM! GET THE GIRL!" ma-awtoridad niyang sambit.

Hindi ako nakakibo at nakakilos sa narinig. Nagsisunod ang mga gifteds ni Zabeth sa sinabi niya at doon ko lang nakita nang mabuti kung gaano sila karami na nagtatago sa mga puno.

The first thing that popped in my mind is to run. . . but I can't move my body.

Para bang literal na napako ako sa kinatatayuan ko dahil sa kahit anong pilit kong igalaw ang katawan ko ay hindi ko ito magawa. Para bang naubos ang lakas ko. . . at natatakot din ako-

Natatakot ako na. . . na baka hindi ko na kayang kontrolin pa nang buo ang katawan ko-

"Woi, kitten! What are you doing?!" biglaang sambit ng isang pamilyar na lalaki na nakakuha ng atensyon ko.

Hindi kaagad naproseso ng utak ko ang ginawa ni Chain. Unti-unti na lang namilog ang mga mata ko at napaaawang nang kaunti ang bibig nang maramdaman ko ang pag-angat ko.

Parang bumagal ang pagtakbo ng oras nang nagmamadaling tumakbo si Chain sa direksyon ko at hindi siya nagdalawang isip na buhatin ako sa pagdaan niya.

"T-Teka-"