Solar Academy: School for the Tamers

48. Underground Association

Parang pinagbagsakan ng mabigat na bagay ang magkabilang balikat ko nang biglang bumigat ang pakiramdam ko. Alerto ang mga mata ko habang nakayuko at hindi gumagalaw.

He's here!!!

One of the Big Shots, Barabbas!

"Red, hindi mo sinabing pupunta ka pala!" Malakas na sambit ni Barabbas na naglalakad papalapit sa amin.

Mabigat ang paghinga ko at pansin ko ring pasimpleng naka-iwas ang mga tingin ng mga kasama ko sa lalaking papalapit.

Isang himala ang hindi kami mapansin, lalo na sa dami namin. Kahit hindi naka-angat ang tingin ko, naramdaman ko ang paglipat ng tingin ni Barabbas sa amin.

Pasimple ko siyang tinapunan ng tingin at kita ko ang pagbabago ng ekspresyon niya at pagkunot ng noo.

"Hm, mga myembro ng guild mo? Hindi ko ata nakikita ang babaeng mahilig manigarilyo," pagtataka niya.

I heard Red forced a laugh. "Iris is on a mission right now. She's my right hand and probably the next strongest after me, kaya hindi siya makampante na mag-isa lang akong pupunta rito," mabilis na pag-iisip niya ng dahilan.

Hindi bakas sa mukha ng lalaking kaharap namin na nakumbinse siya sa sinabi ni Red. May sapat na pagitan sa amin at sa kaniya sapat na para hindi niya makita nang mabuti ang mga pagmumukha namin.

Mariin ang pagkakasara ng kamao ko at hinihintay na matapos ni Van ang paggawa ng blueprint. At the same time, mahina akong nagdadasal na 'wag sana kaming mahuli kaagad.

"I see. . ."

Tila nakahinga ako nang maluwag sa narinig. Parang natanggalan ako ng tinik sa lalamunan. Akmang iaangat ko na ang tingin ko nang muling nagsalita si Barabbas.

"But of course, it's my first time meeting your guild members, maybe you should introduce them to me?"

Ramdam ko ang pagbigat ng tensyon. Hindi kaagad nakasagot si Red sa sinabi niya. Pare-parehong naging alerto ang mga kasama ko sa mga magiging posibleng mangyari. Kung nagkataon, kailangan na naming lumaban kaagad-

"Okay. . . I guess I should-"

"Code Blue! Code Blue!"

Nahinto sa pagsasalita si Red nang biglang may nag-announce sa nga speakers. Nagbago rin ang mga ilaw at naging asul ang mga ito.

"Miss Andina is asking for an urgent meeting!! I repeat, Code Blue!"

Mabilis na nakuha ang lahat ng atensyon ng mga nandito ang in-announce, lalong-lalo na si Barabbas.

"Looks like we'll do the introducing later," kumento niya at pinapanood ang mga gifteds na nagsisikilos na.

Muli niyang tinapunan si Red at sinenyasan siyang sumunod. "Let's go, sigurado akong matutuwa si Andina kapag nakita ka," nakangiti niyang sambit niya bago magsimulang maglakad.

Malalim akong napabuntong-hininga nang tuluyang nakalayo sa amin si Barabbas. Pati ang mga kasama ko ay gano'n ang mga naging reaksyon.

"Akala ko maaga akong makakapatay rito." Rinig kong walang kaemo-emosyong bulong ni Chain.

Hindi ako makapaniwalang napatingin sa kaniya at doon ko nakita na iba na ang mga mata niya. The freaking sadist was ready to kill in any second!

"The blueprint is already done, Miss Erks. According to Master Ivan and Miss Mimi, Joker is most likely to be in this area."

Nakuha ng sinabi ni Van ang mga atensyon namin. Biglang lumabas sa singsing ang 3D blueprint ng lugar na ito. Sa ilalim ng napakalaking modern fortress, maybe an underground place, may kulay pulang bilog na umiilaw— kung nasaan si Joker.