اغصان تتحرى البليل

١٣

السلام عليكم

اغصان تتحرى البليل
اغصان الثالث عشر

جره احمد لحضنه ويحجي بتحدي..ابني اخذه وياي..
وكفت كدامه وحاجيته بخزره..ومنو اله؟؟
انا اهتم بي ومن اروح للشغل اودي لمرت
اخوي..
مرت اخوك!!تاخذ طفل من خالته تودي لبنية
غريبة..يامنطق هذا..ولو انت بلا منطق..
ضحك وباوع بنظرات تنرفز..استريحي
لس استريحي ونتفاهم..

ابوي تقرب يمي وجر ايدي..كعدي مو كلشي
عركة كعدي..
تنهدت وانا اباوع لامي الوجه صار اصفر وبهت
خفت تتخربط وبس عيونها تصب..
جريت نفس وكعدت..ابوي كعد كدامي..
حاجيت احمد وانا استجمع كل قوتي..

احمد موضوع الجاي بي شيله من راسك..
تدري بيه لا اليوم ولا باجر اوافق عليك..درت وجهي
لابوي وحجيت..يبا احنا شمتفقين؟؟بخصوص
الوظيفة والراتب ؟
بقى يفر بنظراته تالي رجع باوعلي..ها كيفج..
سال احمد بفضول..شنو!

حاجيته بنتر وانا اباوعله..موضوع خاص بيني
وبين ابوي..وطلبك مرفوض..خلي الطفل هنا
وتعال يومية شوفه منو مانعك؟
لهفة ترى هذا ابني يعني مو ابنج..
فتحت عيوني بخزرة..ماتحبه اكثر مني..ومحد
يهتمله بكد مااهتمله..من الاخير..جيب
همام ماتاخذه وياك..

ابتسم وكام..ميخالف يابة نخلي هالفترة ..
تقرب مني يريد ينطينيا..همس بصوت
خافت..ياكلنييي العصبي..
جريت همام منه ونترت ايده..ابتسم تك خد وكام
عدل ملابسه..
كام ابوي ويا ..
يلا مع السلامة ..تقرب لامي باس راسها..
وامي منتجية ع الحايط ووجهها يشرح وضعها..

كمت الها وهم طلعو..هي اخذت همام من ايدي
وشبكته وبقت تنحب..
جريت ايدها بستها وانا اهدي بيها..لا تبجين..ماايااخذوو
مااخلي احد ياخذه ..
يعينج الله يمه..
مسحت دموعها وانطتني همام..اخذي يمه اخذي
اريد اروح انام تعبانة..

حضنت همام لصدري وبيدي الثاني سندتها وكامت...
رجليها واجعاتها كلش وياخوفي السكر يهاجم اطرافها..
وصلتها للغرفة مالتها ورحت لغرفتي..
والحمدلله مر اليوم بسلام بعد لا ابوي فتح الموضوع
ولا لمح..يمكن جان ناسي الشرط الشرطه عليه..

بيومها نمت متاخر هم همام نومته محربطة
وهم التفكير اكلني..غفيت تالي الليل وفزيت
من الفجر ريكت امي وهمام نايم همزين..
لبست ملابسي وتحضرت..ساعة ستة ونص
طلعت من بعد مااخذت من ابوي الفين ووياهن
حفنة منية..
طلعت تمشيت والشارع هدوء ودنيا باردة كلش جان
شهر الواحد..

البسمار مالتي بجيب التنورة مخليته..بي زين
شوية طريقنا امين من جهة منطقتنا..
وصلت للشارع وانتظرت كية..اغلبهن يعبرن
فارغات ومااكدر اصعد..
اخر شي اجت وحدة بيها ولد ا ثنين وامبين
طلاب لان لابسين زي..
صعدت وكعدت وراهم..

طول الطريق الصفنة ماخذتني والتفكير..
قريب نوصل لمو الكروة..صاحو منو مادافع منو مادافع
بالي مو يمهم..اخر شي تذكرت..
عبرتها للولد الكدامي بهدوء مديت ايدي
من فوك الكرسي..بلا زحمة هاي انا مادري ومادافعة..
حجيت بصوت ناصي فشل عبالهم غلست..