اغصان تتحرى البليل

39

مساء الخير

اغصان تتحرى البليل
الجزء التاسع والثلاثون

شفت اتصال صفوان مدري شصار بيه كوة
كدرت الزم الفون واجاوب ..
فتحت خط حجه وهو مخبوص..فتحيلي
الباب بسرررعة..
كمت اركض بلا وعي خوفي جايبلي
خبر سيئ عن باسل ..فتحت الباب ومرعوبة
الله يخليك لا تكلي باسل بي شي..

بسرعة دار وجهه وانطاني ظهر..ولج مابي
شي شبيج راح تموتييين..روحي لبسي
حجابج وتعاي رايدج بشغلة تخصني
استعجللي..
جريت نفس وركضت وانا اصيح الحمدلله
الحمدلله..لبست عبايتي وطلعت ..لكيته
كاعد بالصالة ويهز رجله متوتر..

تعاي راح ادك على ايات وانت احجي
بصفتج صديقتها بسرعة ..
شحجي شنوو؟
اخوها سمعها تخابر هسه احجي وبعدين افهمج..
انطاني الفون وفتح سبيكر ..
وانا اباوعله بنص عين وحيلي
كله يرجف من الهبطة وعيوني طافية من النوم ..

انفتح الخط حجيت بسرعة..وين رحتي مو
كتلك علميني شلون اسوي الكاستر..
اجاني صوت رجال..تردين انا اعلمج هم اعرف..
منوو!؟!العفو يمكن غلطت بالرقم..
لا عيني ماغلطتي بس انا اخوها هاي هي
جاي تسويلي عشا وانا جاوبتج..

زين انطينياها لعد المن مجاوبني..
شلج بيها خلينا نسولف..
اكلك تنطينياها لو شلووون شهاللعبان النفس هذا
تاليي الليل..
هههه هاج تحجي وياج عجبتيني ذيبة..
باوعت لصفوان صفح هو طك ضحك..

اخذت الفون ايات من اخوها وحجت..هلا لهوفة
عذريني دخلت للحمام وانطكع النت..
عادي معذورة عود باجر نحجي..
لا تعاي اعلمج ع الكاستر..
خوش رديلي المقادير..
اربع خواشيك حليب..
اجاني صوت اخوها والظاهر فاتحة سبيكر..امووت
ع الحليب انا..

صددددك جذذب؟؟؟انا مخابرتج اخوج يتحرش
بيه..شو دروحي خليني انخمد..
هههه اسفة ولج اوكفي هسه اطفي السبيكر..
لا تطفي كطعي الخط احسن نعست كلش يلا
باي..
هههه بااااي جاوبني اخوها وهي سلمت وسدت
الخط..

انطيت الفون لصفوان وهو مدمع من الضحك..
رفعتله حواجبي ..لا يطكلك عرگ ..
هههه هو يمكن طك عندي عرگ الضحك..بس
خوش جبتي الدور..
اي متعودة امثل مسرحيات قبل ..
هههه ولله انت تونسين..

عدل ملامحه وحجى بجدية..
عذريني بابا كعدتج من نومتج..
يابابا ماتهمني النومة بس كد ماافكر بي عبالي
لا قدر الله صار شي وانت اجيتلي..حتى حجاب
ماحسيت بروحي ملابسة تيهت ..
واجيج شنو اسعاف شاش دوا احمر انت..
ههه لا صدك شبيها ايات ماامبين لازمها!؟

لا سمعها تحجي بس ما ميز الحجي..جانت عود
داخلة للحمام بس هو عابر وسمعها تحجي
وكام يصيح عليها من ورا الباب كلها فتحي
اليوم ادفنج الا املخج وهيج وهيج اسوي بيج..
هي تكله شلون افتح بالحمام انا ماكدر ..
وهاي صديقتي جاي تحاجيني شبيك مامصدك..
كطعت الخط ودزيتلها رسالة..