اغصان تتحرى البليل

١٦

السلام عليكم..بالنسبة للنت انقطع العصر بسبب سيارة ثقيلة جاي يصبون
الشارع وكطعت الوايرات سسوتهن تشريب..وانتظرت يصلحو وماكو ومارجع لحد مااني نايمة..هسه فزيت وفتحت لكيت اكو نت موجود بقيت اهيص رغم نعسي..
ونزلت الكم وراجعة انام

اغصان تتحرى البليل
الجزء السادس عشر

الولد اتفق وياي ويريدها حفلة وحدة هي خطوبة
وهي عرس..
بس انا ماموافقة وتدري بيه؟!
مصيرج توافقين..ولج هذا مايتفوت هذااا شغلي دماغج..حجه
وهو يضرب بيده ع راسي..
عفته وكمت للغرفة ..حالياً اي تصرف ماتفيد وياه واي
عناد يزيد..
خليني اهدا يلا احجي ..الافضل اترك الموضوع وباجر
احاجي احسن..

كوة مر عليه الليل وكوة غمضت..يوم ثاني طلعت الصبح
للدوام وهموم الدنيا فوك راسي ..بحيث السيارة عبرت
الكلية وانا مامنتبهة..
نزلت ومشيت مسافة يلا وصلت..اول مادخلت لكيت
حسنين واكف ..شافني واجه يتمشى تجاهي..
وكفت وسلمت عليه..رد السلام وشكله عنده حجي..

سالته بهدوء..اكو شي حسنين؟؟
لهفة اريد احاجيج بس من اخ لاخته..
اكيد وانا حاسبتك اخ لهذا واكفة وياك هسه..
لهفة ليش موافقة على ياسر؟؟
تنهدت وانا اتحكم باعصابي..شلون عرفت شنو الحجي
المطلعه ؟
مو مهم بس ليش موافقة؟؟
ماوافقت..ابوي انطاه كلمة وانا حاجيته وكتله ماريدك
بس هو حقير..
تردين اتصرف انا؟؟

لا لا لو اريد جان كتلك وخليتك تتدخل..ب سهذا الموضوع
مايحله احد غيري..لان اي طرف يتدخل خصوصا
رجال راح انتهم وراح يكول انت عندج علاقة ويا
وتصير مشكلة تجر مشكلة..
انت بنية شتريد تسوين شبيدج يعني..
هه ..ياسر انا ماتنطبق عليه صفات البنات..لا عندي
خوف ولا عندي تردد بمواجهة اي شي..وياسر
حاله حال الف مشكلة مرت ع راسي وراح اطيره
وراح تشوف..حجيت بابتسامة ..

الله يستر عليج والنعم منج انت كدها واعرفج
بس اذا ردتي شي ماتترددين لحظة فاهمة ترى
انا اخوج..
والنعم منك اوكفلك عريس ..
اي عاد غير تحن علينا هي وتحس حتى اعرس..
تحس تحس لا تخاف ..خليني اروح هسه وتحيك
الاخبار..
الله وياج..

تمشيت للقاعة جان وقت قليل باقي للمحاضرة
بس نظرات الطلاب والطالبات الي مو مريحة!
دخلت لكيت مودة كاعدة ..صبحت عليها وكعدت يمها ..
اكلج تحسين الطلاب مدري شلون تباوع لو انا متوهمة؟
مامتوهمة تعاي اكلج..شنو انخطبتو انت وياسر وشوكت!!
شمدريكم راح تخبلوني ؟
غير الكلية كلها تعرف ع اساس انت ويا علاقة وخطبج
وابوج ناطيج بلا مهر ..

هه لا كلشي يصير بس بلا مهر ماتتصدك..ع العموم
خطبني ياسر ورفضته اكثر من مرة وبالاخير هو وابوي
اتفقو وانا الماقابلة..
كل عقلج وج تقبلين بياسر!هذا حبيب الماما المدلع فالح
بس بطيحان الحظ..
شبيج مو جاب اكلج ماموافقة..
وابوج مو ناطي كلمة..
اي ارجع احجي ويا وبلكي يقتنع..
اي مايستاهلج هالحقير اصلا الكلية كلها تعرفه وتعرف
اخلاقه ويكولون حرامات لهفة تتزوج هيج نموذج..
بحلمه اصلا هذا الشي..كم يوم وتسمعين بيه رافضته
ومتفشل..