اغصان تتحرى البليل

الاخير

صباح الخير

اغصان تتحرى البليل
الجزء الاخير

ركض باسل قبلي فتح الباب..كمت جاي البس
واسمع صفوان يحاجي..تعال لحك عليه زهراء يمكن
مات ولك مااتت..
طلع ويا باسل ..وانا البس وابجي برجفة..اخذت
السويج وطلعت وراه
وامي بقت يم همام بالغرفة..
لاكيت باسل شايل زهراء وطالع من الغرفة
والناس ملتمة..

ركضت كدامه للمصعد انا وصفوان والحجية
تبجي وايات لازمتها وصفوان ماخلاها تجي
لا تتخربط كال لايات روحن يم ام فيض..
دخلنا للمصعد وبس انفاسنا العالية تنسمع..
اباوع لباسل شايلها ووجهها مطعون احمر وصفوان
خفت يتخربط بأي لحظة..

انفتح باب المصعد وطلع كدامنا باسل واحنا ورا..
همزين اهل الفندق من سمعو الصياح عرفو
عدنا حالة مستعجلة وسهلولنا الطلعة..
انطيت صفوان السويج صعد يسوق وانا يمه
وباس مدد زهراء ورا وحط راسها بحضنه..

حجى باسل بخنكة..يمتى تخربطت صفوان
شبيها؟؟
جانت تصلي وهي جاي تسجد طاحت ..ايات
كاعدة جانت وشافتها..وكعدتني وحاولنا وياها
غسلنا وجهها حركناخا مااكو..خشبت وجسمها
بررد ونبض ماكو..حجى واختنك بعبرته..

جاوبه باسل ..موجود نبضها بس ضعيف كلش..
اذا نجت معناها معجزة..ماكدر يكمل كلامه
سكت..
محد بيهم كدر يكمل ويحجي..وضع زهراء
يضيع ويا الكلام..
وصلنا للمستشفى واخذوها للطوارئ واحنا
ننتظر..

بهاي كعدتي تذكرت هالة وروحتي للمستشفى
الها الفجر وبس تمنيت اشوفها لو اودعها..
انشغلت بتفكيري ودموعي ودعائي لزهراء
تكوم بسلامة..
بس زهراء وضعها حرج جداًً..دخلت بغيبوبة..
ومن هذا اليوم بقت تقريباً ثلث اشهر هي فاقدة..

مرت هالشهور وسط جو حزين والكل ماله خلك
حجاية او تجمع..
كلمن منعزل ببيته ومنطوي ..الحجية صحتها
تعبت وام صفوان كذلك..
كلنا جنا نفس الحزن ..عدا هنا لان تأجل زواجها
الي المفروض يصير ورا رجعتنا مباشرة..بس
الصار خلاه يتأجل..

بشهر الثالث نهايته..كعدت زهراء من الغيبوبة
بس وضعها زين ولا جنها الجانت فاقدة..باسل
جان يكول جسمها وفعالياتها كلها زينة..وفعلاً
من كعدت اصلا احسن جنها من قبل..
رجعت الحياة والفرحة للبيت برجعتها..وهي
اختلاطها ويانا صدمنا مامصدكين تحجي وتسولف
عبالك ذيج زهراء الاولى المامرت بهالمحنة..

على اثر هالتغيير تحدد زواج هنا..صفوان
وباسل وغزوان ساعدوها بهداياعلى شكل
مبالغ زينة وحتى مايكسرون بخاطرها..

صار زواجها بقاعة حلوة وهي اختارت كلشي من احسنه المهم مايبين عدها نقص كدام اهل امها الي اجو
وحادين سيوفهم علينا..وامها تعاركت وي
ايات بنص الزفة وي جية صفوان وباسل علينا
وصفوان بالشارع راد يكتلهابس لزمو
باسل وغزوان ..