اغصان تتحرى البليل

٢٠

مساء الخير

اغصان تتحرى البليل
الجزء العشرون

حجت هنا وهي تباوعلي وتخزر..بابا اريد
اروح ماما تنتظرني وينه يوسف؟
ليش يوسف مو انا وعمامج موجودين ونوصلج..
بس انا كتلك نريد نروح نشتري ملابس خو
مانروح بتكسييي..حجت بنتر..

خزرها وحجه بهدوء..انتظري يوصل لهفة
وبعدين يوصلج ..
يطول يعني؟؟
مايطول جاي..
زين عمو باسل وينه اريده..
طلع مادري..
امم اخابره احسن ..

شتخابرينه تردين يوديج؟ويفرج انت وامج؟
لا اريده مشتاقتله..
هااا زين..تدرين بي ترى يوج امج ويحركها بتيزاب
مايتحملها..
هي حست روحها تفشلت اخذت فونها وراحت
تمشي بالحديقة..

باوعلها صفوان وجر حسرة..
حجيت بصوت ناصي..شبيها؟
باوعلي وحجه بقهر..تعبتني لهفة كلش تعبتني
ذيج توز بيها وهي تتخبل علي واحتار بيها..
امها؟
ايي لا من جانت عندي مرتاح ولا من طلكتها مرتاح
شربتني المر..

قبل لا يكمل راحت هنا للباب..وقبل لا توصل انفتح
ودخل باسل..
اول مادخل باوع تجاهي درت نظري عنه..
شبك هنا لحضنه وحط ايده ورا ظهرها واجو
يمشون..تقرب يمنا وكف وهو حاضنها..

شبيك وياها صفوان ليش مضوجها..
ها صرت اضوجج ..حاجاها صفوان بعتب..
جرت نفسها من باسل وكعدت ع رجل ابوها..
حياتي بابا مو قصدي..حجت وباست خده..
وهو حضنها وبوس راسها وخدها واخذ ايدها
يبوس بيها ويضحك..

باوعلي وانا عيوني جانت عليهم..حجه بضحكة..
يلا كومي لا تدلعين زيادة صرتي مرة باجر اعرسج..
كامت وهي تتموع ..ياااا شوف عمو يريد
يزوجني تقبلها..
انا مادرت نظري تجاه باسل ابد..بس اسمع
صوته حجه وياها..
محد يزوجج اصلا ..منو يتورط بوحدة هي ولسانها
نفس الطول ..

بسيييطة عمو ..حجت وضربت رجلها بالكاع..
لا تزاكطين شنو انعديتي ..حجه بضحكة..
رايحة جوا بس تحجوون عليه..حجت وراحت
تمشي للبيت..
مانتبهت لروحي وانا صافنة ع تصرفاتهم
وشقاهم ..
بس نبهني حجي صفوان من حاجه باسل..

باسل وصل لهفة لان تاخرت..
رفعت راسي بسرعة..هو جان يباوعلي لان اجت
عيني بعينه..باوعتله وحجيت..لاا ماله داعي..واذا
يوسف مشغول انا ارجع ..
حجه باسل ببرود ..ترجعين وحدج والدنيا مغرب؟

اكدر احمي نفسي..جاوبته وانا مثبته نظراتي عليه..
باوعلي بنظرات..ماكدرت اقاوم نزلت عيني بسرعة..
حجه بنفس النبرة..كومي اوصلج لا تصيرلج
مشكلة ..
هزيت راسي..لا ..
وصفوان يوصلج عادي؟؟!
رفعت عيوني اله بتعب..اباوع لصفوان حاط
ايده ع خده ويباوعلنا..

حجيت بنبرة عصبية..يمكن مو حقك ابررلك
ومو واجبي افسر تصرفاتي..بس انت فاااهم غلططط..
صفوان انسان حماني ووكفلي من اول لحظة
شافني بيها وجنت بشدددة..ويمكن حسن
حظي خلاه بطريقي لان فعلا بحاجة انسان
مثله..وماعاملني غير مثل بنته وماسمعت بس
كلمة بابا..