Love in a Game

Chapter 06

Hindi na pala bukas ang update HAHAHA. Happy reading :))
_

Alana.
-

Sakto lang ang dating ko sa school at hindi si Dad ang naghatid ngayon sa akin kundi si Manong Tor.

Akala ko kahapon magiging madre na ako o anghel dahil sa pagsulpot ng mga liwanag. Grabe, rollercoaster ata ang pagsali sakanila. Marami akong natutunan maliban sa paggamit ng rosary dahil bata pa lang ay tinuruan na kami ni Mommy at nakakilala din ng bagong kasama. Mga Junior at Senior high ang kasama ko kaya ayos lang pero ni isa sakanila ay hindi ko na matandaan pa ang itsura, may kasama rin kaming iilang nagtagal na sa club para maggabay sa amin. May araw na itinakda lamang sila kung mag rosary.

Pumasok na ako agad sa klase at nadatnan dun si Belinda na nakasimangot. Hindi ko sya pinansin at umupo na lang ako. Naramdaman kong sinundan ako ng tingin nito at nakasimangot pa.

Dumating agad si Ms. A, may hawak na itong stick at attendance sheet namin at iniabot ito sa Secretary ng klase namin sa asignaturang agham niya. Nasa homeroom kami ngayon, gusto raw niya ngayon na magtagal kasama kami sa homeroom. Palibhasa dalawang oras kami ngayon sakanya. Kaya buong oras naka-tuon lang ang atensyon ko sakanya.

Matapos ang isang oras na pagtuturo, nagbigay ito ng maikling pagsusulit. Nagsikilos na kaming lahat pati narin ako. Nahinto pa ako ng makitang si Belinda ay naka-krus lang ang mga kamay at parang walang naririnig.

Hindi ko na sya pinansin at nagsimula na ako. Nagsusulat na ako ng pangalan at numero hanggang 40. Pero naabala ako sa inaasta ni Belinda kaya nagtataka ko itong binalingan ng tingin.

Hindi man lang sya gumagalaw sa kinauupuan niya at nanatili lang ang mga tingin sa harap. Nakanguso ito at wala sa katinuan. Himalang hindi niya ako ginugulo ngayon. Siguro ito yung tungkol kay Jacob kahapon dahil alam kong gusto niyang kausapin ko ito pero nilalayuan ko. Kahapon ay hindi sya lumalapit sa akin hindi ko alam kung bakit, dahil siguro sa tanong ko o dahil panay ang lapit ni Jacob sa akin. Baka kapag pinilit niya, pag-untugin ko lang sila.

Dahil ako ang naaabala sa ginagawa niya ay nagpilas ako ng labag sa loob ko ng isang pirasong papel at nilapag ito sa armchair niya. Nagulat sya sa ginawa ko. Nagbago bigla ang itsura niya at kunot noong tiningnan ako ngumiti lang ako ng tipid at nagsimulang magsagot.

Nagsusulat na ako ng sagot at nakikita ko sa gilid na nagsusulat na si Belinda sa papel niya pero nakasimangot parin siya. Madali lang naman ang mga tanong kaya lang walang choices sariling sagot talaga. Buti na lang walang explanations.

Natapos na kami at pinasa na agad sa harap ang papel. Inayos na yun ng presidente ng klase sa agham namin. Matapos niyon ay nagturo ng panibagong lesson si Ms. A madali lang.

Ganun parin ito si Belinda, nakasimangot at hindi namamansin. Nakatingin lang ako sakanya at sya walang pake, sa harap parin ang tingin. Mukhang bad mood talaga sya. Ganyan ba ang epekto sakanya ni Jacob? kakaiba pala sya magka-gusto sa isang tao. Huhulaan ko, buong araw ganyan ang trip niya.

Nagsilabasan na ang mga kaklase ko para sa breaktime namin. Hindi ako masyadong naka-kain dahil late na ako nagising, damay pa si Scott. Kaya kakain na lang muna ako. Tumayo na lang ako at hindi na tinawag pa si Belinda.

Palabas na ako, huminto muna ako at sandaling tiningnan sya. Parang ako ang naawa sakanya ng makitang naiinis na napasabunot sya sa buhok niya at ibinagsak na lang ang ulo sa desk.

Kakaiba ang feeling, sa tanang buhay ko bilang lang sa mga tao ang binibigyang pansin ko, hindi sa wala akong paki alam, natatakot lang talaga ako sa walang kasiguraduhan kaya sarado lang ang mundo ko sa iba. Tanging sa pamilya ko lang talaga umiikot ang mundo ko. Pero ngayon na dumating itong si Belinda na kahit iilang araw ko pa lang syang nakakasama at kakaramput lang ang laway na sinasayang ko, hindi ko maiwasang hindi maapektuhan sa sitwasyon niya.