“ အဲ့ဒီစာအုပ်က အဲ့မှာရှိတယ်ဆိုတာ တကယ်ပဲ သေချာလို့လား။”
“ လွန်ခဲ့တဲ့ နှစ်တရာကတော့ အဲ့မှာထားတာသေချာတယ်။”
“ ပြောချင်တာ အခုက မသေချာတော့ဘူးပေါ့။ “
ယွင်းရန်က နျူး၏နောက်မှ လိုက်လာရင်းမေးခွန်းထုတ်နေသည်။ သူတို့သွားရာလမ်းကအနည်းငယ်ဝေးတာကြောင့် ယွင်းရန်က ပျင်းလာပြီဖြစ်သည်။ ဤနတ်သူငယ်ပေါက်စလေးက ခုန်လျှိုးသွားရန် အစီအစဥ်ရှိပုံမရပဲ အေးအေးဆေးဆေးပင် လမ်းလျောက်နေပါ၏။ တကယ်ကိုပဲ ထိုနတ်သူငယ်လေးသည် ကောင်းကင်ဘုံကြီးတစ်ခုလုံးကို လမ်းပတ်လျောက်မည်ဆိုပါက မည်မျှလောက် ပင်ပန်းလိမ့်မည်နည်း ဟု ယွင်းရန်မတွေးပဲမနေနိုင်။ ယွင်းရန်၏ စကားကြောင့် နျူးက သူ၏ခြေလှမ်းများကို ရပ်တန့်လိုက်သည်။ ထို့နောက် သူ၏နောက်ဘက်မှ ပွစိပွစိပြောနေသော သူအား လှမ်းကြည့်လိုက်၏။
“ မသေချာတော့ဘူးလို့လည်း မဟုတ်ပါဘူး။ နျူးက ဖတ်ပြီးသား စာအုပ်တွေဆို နောက်တခါ ကိုင်လေ့မရှိတာကြောင့် သတိမထားမိဘူး။ အဲ့တာကြောင့် တပ်အပ်မပြောနိုင်ဘူး။”
“ အော်….”
ယွင်းရန်က ခေါင်းညိမ့်သည်။ နျူးက ရှေ့သို့ဆက်ကာသွား၏။ ယွင်းရန်က နျူး၏နောက်ကျောပြင်ကိုကြည့်လိုက်ပြီးတဲ့နောက် ခြေလှမ်းအနည်းငယ် မြန်မြန်လှမ်းလိုက်ရင်း နျူးနှင့် ဘေးချင်းကပ်ဆက်လျောက်သည်။ ပြီးနောက် သူမနေနိုင်ပဲ မေးခွန်းဆက်မေးပြန်ပါ၏။ ယွင်းရန်က ပုံမှန်ဆိုလျင် စကားများရသည်ကို စိတ်ပါသူမဟုတ်ချေ။ မည်သူနှင့်မျှလည်း လိုအပ်သည်ထပ် စကားကိုပိုမပြောတတ်။ သို့ေသာ်လည်း ထိုကောင်လေးကြောင့် သူ့တွင် မနေနိုင်မထိုင်နိုင်စွာ မေးခွန်းများစွာ ရှိလာရတော့သည်။
“ ဘာလို့ ခုန်လျှိုးမသွားတာလဲ။ စွမ်းအားမလောက်လို့လား။”
“ ရောက်ပြီ။”
ဤတခေါက် ယွင်းရန်၏အမေးကိုတော့ အကျော်ခံလိုက်ရပါတော့သည်။ တကယ်ကိုလျှောက်လာရင်းပင် မည်သည့်အချိန်ကမှနိးမသိလိုက်စွာ သူတို့ ကောင်းကင်စာကြည့်ဆောင်ရှေ့သို့ ရောက်လာကြတော့သည်။ ကြီးမားကျယ်ဝန်းသော အဆောင်တော်ကြီးဖြစ်ပြီး အဆောင်ရှိ အမိုးနှင့် အတွင်းဘက် မျက်နှာကျက်တို့သည် ရွေအိုရောင်အဖြစ် အရောင်တောက်ကာနေပြီး ကျန်သော ထောက်တိုင်နှင့်အခြားပစ္စည်းကြီးငယ်များသည် အဖြူရောင်ဖြစ်သည်။ အလွန်တရာကျယ်ဝန်းသော စက်ဝိုင်းပုံသဏ္ဍာန်စာကြည့်ဆောင်ဖြစ်ပြီး ယွင်းရန်၏ စာကြည့်ဆောင်နှင့်ယှဥ်လျှင် သုံးဆနီးပါးပိုကျယ်ဝန်းသည်။
YOU ARE READING
The Deal With A Demon King
Spiritualမိစ္ဆာဘုရင်တစ်ပါးနဲ့ တနှစ်တာ စာချုပ်ချုပ်ဆိုပြီးတဲ့နောက်မှာ သူ့ရဲ့ကံတရားက စတင်ပြောင်းလဲလာခဲ့တယ်။ ဒါမှမဟုတ် သူ့အတွက် ကံတရားကသတ်မှတ်ထားပြီးသားလား......
