مسائكم مسك وعنبر احبتي ❤
/// البارت اربع وستـون /////
#بيوت_بلا_جدران
#شمس_السعدي
----------------------------------------------
مسافر واخذني التعب
والغربة صارت طبع
يلوحشتك من تمر
سفرة ونين بضلع
مرات احسك عطش
من روحي راح انشلع
ليل وتبعني برمح
واحتمي بظهر الشمع
وكل الليالي انكضن
بس ليلك شكبره
يا كلبي صار الجرح
مرسات للعبرة
دورلي يمك كلب
كلبي خلص صبرة
وموماي اعبرة ابلم
بس ليل شيعبرة .. !!
-------------------------------------
بدل علي واخذ جنطته راد يطلع لزمته من ايديه اخذته الحضني وشميته حيل وبسته ..
" هيج اريد تحضن اخوي وتبوسه وتشمه خاف بعد ما اشوفه "
جن مقسوملي كل واحد بيهم يعرف حقيقته يضيع من عندي .. اويلي عليج يمه شگلج لو سألتيني عنه .. اذا وجعت رضوان لسا بيج .. فوجعت درع شلون"
ودعته وشمرت وراه ماي ..
سألتني دمعة ..
" علي وين راح "
اخذتها للغرفة ماگدرت احجي بالهول ..
همست ..
" درع بخطر "
شهگت ..
" خير شبي ؟"
رديت ..
" كاتبين عليه تقرير .. راح يضيعون اخوي الله لايطيهم"
ردت ..
" منو خالي منهل ؟"
رديت ..
" مااعرف هو لو عمه "
سألت ..
" وامج تدري ؟"
هزيت راسي ..
" لا وين ابد لاتحجين يمها تموت بعدها ماشبعت منه دور تسمع هيج تتسودن "
انفتحت الباب دخلت عمتي ..
سألت .. سمعت علي اجه ؟
رديت ..
"اي اجه وراح البغداد عنده شغل "
سألت ..
" شعده "
" ماادري "
عافتنا وطلعت ..
بقيت افكر طول اليوم .. وعلي ماخابرني ابد .. اروح وارجع عيني على التلفون ..
دمعة بس تعرف البية وكل شوية تسألني..
عمتي حست عليه ..
" شبيج اليوم ؟"
رديت ..
" مابيه بس مالي خلگ "
ردت ..
" گلبي لاعب منج شو "
سألت امي ..
" رجلج وين ليش مااجه لسا "
رديت..
" هااا عنده شغل يتأخر "
ردت عمتي ..
" يا فلك مو گلتي راح البغداد عنده شغل "
رديت ..
" اي هو البغداد "
حاولت اتلافهن واسكت عسا وان يجي علي بسرعة لو يخابر ويريح بالي ..
صار الليل وعلي ماكو لا اتصل ولا اجة ..
جنت بواحد صرت بأثنين .. بقيت اكل بروحي لا أكدر احجي ولا اكدر اسكت اجت دمعه صاحتني للعشا گعدت وبالي يمهم جنت صافنه وبالي مو يم الاكل كله ...
حجت امي ..
" يمة شو ماادري شبيج اليوم "
رديت ..
" مابيه يمه "
YOU ARE READING
بيوت بلا جدران
General Fictionرواية تتحدث عن اجيال مختلفة .. اولهم فصلية .. لكن ليست كـ اي فصلية .. عانت منذ ستينات القرن الماضي ظلم وجبروت البشر تحت مسمى التقاليد والعادات العشائرية ..
