مسائكم فل وياسمين ❤️
/// البارت التسعـــون /////
#بيوت_بلا_جدران
#شمس_السعدي
----------------------------------------------
كبرنـه بسـاع
حيـل بسـاع
وﻻ جـن الوكـت عـده
شايفلك عمـر بالمگـلوب
يخلـص گـبـل ﻻ يبـده
---------------------------------------------
هز راسه وباس ايديها وراسها ..
قرر يطلع وحده بالاول وبعدين يسحب نورا ..
سألته امي ..
" وفاطمة ؟"
عاينت فاطمة بحزن ..
رد ..
" ما اريد اظلمها وياي اذا تريد ترجع الاهلها خليها ترجع واعدادها وغايبها كله يوصلها مثل مااتفقنا "
ردت امي ..
" يمة هي لعبة انت تدري فرج مارضا ينطيها الا ضمناها كلنا يعني لو رجعت ماتطيح بالفشلة انت وحدك اني واخوانك وعلي "
رد ..
" يمة اني رايح بطريق مااعرف مصيره مااريد اظلمها وياي وهي تعرف شقصد "
عاينت عليها ..
" احجي فاطمة شنو ردج ؟"
ردت ..
" اني بالحالتين مامحصلة شي .. الاحسن ابقى هنا يم نورا ماامشي هي تعودت عليه واني تعودت عليها .. عود منا لمن يسحبها الله كريم "
عاينت على اركان ..
" سمعت ردها البنية ماتريد تتطلگ "
اتنهد ..
" خلص مثل ماتريد .. بس شوكت ماتردين تتحررين وهذا حقج اني جاهز وحقوقج كلها توصلج "
هزت راسها وگامت ..
بقوا اخواني يحجون عليه ..
وامي هم ..
گمت وراها ..
دخلت المطبخ لكيتها تبجي ..
گعدت يمها..
" انت رايدته ؟"
عاينت عليه بحزن ..
" اذا اگلج احبه ماتصدگين .. مااعرف شلون وشوكت بس حبيته يمكن لان اول رجال بحياتي مااعرف بس من اشوفه احس بأحساس حلو .. من هددوه ذيج المرة تخبلت خفت عليه اكثر مما خفت على نفسي .. ومن صار الانفجار ببيتنا وحضني حسيت بالامان واني بحضنه تمنيته مايتركني ابد .. "
ابتسمت ..
" اوووف شگد اثول اخوي .. هيج حب يعوفه ويروح وين يلگي هيج وحدة تحبه "
ردت ..
" رضيت بقسمتي رغم احبه .. بس مااتحمل يبعدني عن نورا .. نورا تعلقت بيه وتعلقت بيها .. مستحيل اگدر اعوفها "
رديت ..
" ان شاء الله ماتعوفيها ولاتعوفج عسا وان البعد يخليه يوعى "
هدأتها وگمنا لان مابيدنا شي نسويه غير ندعي الهم
بقينا نلوم ارواحنا لان زوجناه فاطمة ..
كنا متوقعين بعد ماتصير ام البنته يلين ويحبها بس اركان طلع راسه يابس ومايقنع بسهولة ..
بدأ يجهز الطلعته ..
جان عارض البيت والاثاث للبيع ..
قسم من الغراض انطاهن الاهلي قنفات وتلفزيون وكاونتر ..
هواي شغلات ثمينة كانت بالبيت وتحفيات غاليه كلها باعها ..
بعدها اخذنا اني واخوتي سجل كمل مداور الگيعان والاراضي بأسمنا ..
رضوان ماقبل ياخذ شي بس گاله هذا حقك ..
كانت الحصة الاكبر الرضوان لان الشيخة تاركتله اغلب الاراضي الاخذها عمي منهل منه ..
أنت تقرأ
بيوت بلا جدران
General Fictionرواية تتحدث عن اجيال مختلفة .. اولهم فصلية .. لكن ليست كـ اي فصلية .. عانت منذ ستينات القرن الماضي ظلم وجبروت البشر تحت مسمى التقاليد والعادات العشائرية ..
