عائلتي الجديده

مشهد

اوس : حتى وان حجيت الموضوع لعسل متاخذها من بيتي  الا بعد ما اسوي تحليل الدي ان اي وع شرط انييي اسوي وانييي اخذه
ابو علي: متفهم وضعك وخوفك ع بنتك لهذا يجرالك الي تريده يصير
اوس: هاي هيه متفقين

احمد :صافن ع المهزله الصارت اريددد اعاركهم اطردهم اكول عسل اختيييي وصديقتي مستحيل تاخذوها مني بس لساني نربط من المصيبه والكارثه لوكعت ع راسنا اباوع ع ابوي وجهه صار احمر وما يتفسر وشراينه كلها بارزه غير لعياط لعيطه بلكي يطلع الموضوع جذب بس مع الاسف الموضوع صــح ولزمنا من ايدنا لتوجعنا وهي عسل منكدر نسوي شي خاف ياخذوها منا وهذا غير الولد المخابيل الجايبهم وياه ابوها بس يعيطون وكل ساعه هادين ع ابوي يردون ياخذوها ويرحون عبالهم بسرعة نكلهم هاكم اخذوها يابه بس ابو عسل صاح عليهم وكلهم اطلعو متبقون عاد همه سكتو وهدؤء لان مبين يحترمو كلش الي عرفته واحد اخوها من الولد واحد كرايبها بس معرفت شيقربلها  ف ابوي كال يابه حمودي كوم روح صيح لاختك خل تجي
رحت ع عمى عيني ما اشوف كدامي من القهر
احمد: عسوله حبيبتي بدلي ولبسي حجابج وتعاي
عسل : خير شّـْكو  ومنو ذول الناس ليم بابا  وشيردون  منا ؟