عائلتي الجديده

البارت السابع

البارت السابع
الكاتبه (سمو الملكه)

طحت صح بس صرت أحله
گذله وطيحتي ع العين
فرق عن طيحت الكحله

وصلني علي وياه اسد لان جانو رايحين للدوام
علي: عسول شكد تبقين؟ باجر آٍجُـٍـٍـٍيِ اخذج؟
عسل:لااااااا يمعود ابقه اسبوعين
اسددد: شكوووو شبيج ؟ عاقله انتي؟
عسل: لا مخبله واشكك بهدومي
اسد: احجي عدل لاكسر راسج شبيج مرض متعرفين تحجين عدل؟
عسل: اي ما اعرف علمني حباب
اسد: استغفر الله
عسل: علي بعدين اخابركم وعود اكلكم تعالو اخذوني سهله اخي الكريم
علي: سهله اختي الكريمه
نزلت من السياره من وصلنا واسد عاقج وجهه ومطنكر عفته براحته وصلوني وكبل راحو لدوامهم حتى منزلو لان تاخرو ع الدوام مالتهم رحت كبل شبكت ماما وحمودي وبابا جان طالع من اجه سلمت عليه وبقيت يمهم كاعده وحمودي اكيد يغار كل ساعه يضربني لو يكرصني حتى اكوم اركض وراه وخلصناها عرك وبابا وماما الدنيا ما واسعتهم من الفرح لان اني عدهم
بقيت ٣ ايام حيل تونست بيهن خابرني بابا ابو علي(مصطفى)
ابو علي(مصطفى): شلونج بابا عسوله
عسل: اهلا بابا الحمد لله وانت
ابو علي: بخير الحمد لله شوكت تجين بنتي ؟
عسل:بابا هسه اجيت حتى بعدني ما شبعانه منهم
ابو علي: اعرف حبيبتي بس قابل هاي اخر مره ترحيلهم ؟ هم ترحين مره لاخ وبيت عمج مسوين عيد ميلاد ابنهم وعازميج بعد يومين
عسل: اوك خل ادومي يجي ياخذني باجر
ابو علي: ان شاء الله يله مع سلامه وسلميلنا
عسل: يوصل الله وياك
غلقت الاتصال وبقيت عادي ويه بابا وماما وحمودي وهم تونسنا وبليل طلعنا تعشينا بره ونشرت اني كلش متفاعله بالانستا وسويت تاك لشمس وكتبتلها مكانج خالي ضلعه انت وادومي
وهي نشرته واسد متابعها طبعا ف كبل تابعني وصفحتي اني عامه ف ماكدر ارفض او اوافق مجبوره اوافق واستحي انطي بلوك بدون سبب نحصرت بالزاويه ف كلت عادي واصلا اني اكثر شي انشر ستوري ما انشر عام
هو جان بس يشاهد بستورياتي ما يعلق ولا شي
ثاني يوم ودعت اهلي واجه ادم اخذني ومشغل المعزوفه والطريق كله يركص حتى خفت لايدعمنا لان يسوق ويركص واني اصور وانشر ونضحك ومتونسين لحد ما وصلنا للبيت دخلت وسلمت عليهم
شمس: كلبه حقيره فد مكانج خالي وشتاقيتلج كلششش
عسل: وهذا الغلط كله تعبير عن حبج مو؟ ديلا اني هم شتاقيتلج كلش
عمر: المشاعر المعوقه تقرا الف عدكم
ادم: صاير حشاش عموري ماعرفتك
عمر: بس آٍسَكـٍت ولا ادخل نفسك بكل عزا يجينا الخير
ادم: هو اني الخير اصلا

عمر: ي خوش بيها الخير لعد
اجه علي من الدوام مالته ولابس الملابس العسكريه والرتبه يموت تموت ضيم مو ولد
رحت سلمت عليه وهو اخذني وحضني كال مكانج خالي
كتله اكولك علي؟
علي: كولي عسول
عسل: هي عباد الله  لتلبس عسكركلها هيج حلوه لو بس انت
علي: والله عندج سوالف ها زاحفه
ادم: لا بس اخوج مثلا اسد يطلع هيج؟ غير جنه قرد نايلون
علي: هو اسد احلى مني منيله قرد
ادم : هو مو صوجك صوجي اني اكول عليك حلو انته وابن عمك اثنيكم قروده
علي: يابه شكد ماعندك احترام دولي خل اروح اسبح وابدل واخلص من وجهك
ادم: مرخوص حبيبي اخذ راحتك البيت بيتك
علي: شكد غثيث
عاد تغدينا ونوب اجه بابا العصر من دوامه شبكته وسلمت عليه باس راسي وحضني
وكالو عكب باجر عيد ميلاد ابن عمي طفل صغير
كلت الهم لعد باجر اروح اشتري هديه وملابس عندي اني
شمس: لعد اروح وياج هم اشتري هديه
ادم: انـي اروح اكل بس كيك لان لو عندي فلوس اصلا ما احضر الميلاد
وخلص اليوم نفس القبله ثاني يوم رحنا اني وغزل اجتنا حتى هم تشتري هديه هي هاي اول سنه للطفل اسمه موسى ف يعني مسوين احتفال جبير رحنا اني وشمس وغزل نشتري هدايه من المحلات القريبه منا اني اخذتله سيت ملابس بنطرون وبلوز كلش حلوه وشمس اخذتله لعبه وحذاء وغزل هم لعبه وتراك ورجعنا وادم ما وكف من لغوه بحيث سطرنا سطر بس يسولف
عسل:
طبعا عمامي تلاثه ابو اسد مرتضى الجبير ونوب ابوي مصطفى نوب عمي الثالث مجتبى واخر شي عمي محمد الصغير وعماتي اثنين مريم وميسم ومتزوجات بس عمتي مريم صغير اصغر شي بيهم ومدلله وهي محبوبه تجنن هي وعمي محمد كلش اجتماعين يخبلون
عمي مجتبى عنده ٣ اولاد احمد ويوسف وزيد شباب بكدنا واكبر مني
وعمي محمد عنده اثنين ولد وبنيه صغار واحد اول بتدائي وبنيه صغير واحد موسى الي عيد ميلاده
وعمتي ميسم بنيه ولد ومريم بس بنيه
هذا ترتب العائله والاحفاد وجان اكبر واحد بالاحفاد اخوي علي ورا اسد ونوب البقيه
والكل معزوم ع العيد ميلاد مال ميمو
ثاني يوم رحنا للميلاد لبست بنطرون وقميص كمر قصير وفوكاه ستره طويله ولفيت ربطتي لفه تركيه وبوت ربع طلع شكلي يخبل وطبعا شمس لبست فستان طوله ٩٠ وشعرها بيرمنته صار ملفلف يخبل اكيد لبست حجاب بس من نروح تنزعه وكعبها طلعت اميره تخبل هي وخلينا مكياج خفيف اني خليت حمره حمره احبها تلوكلي تطلعني مميزه وصلنا لبيت عمي وسلمت وبقينا كاعدين واسد وعلي ما يجون اصلا اجوي ولد عمي مجتبى يوسف جان اكبر مني بسنه وبس يضحك ويشاقه وعمتي مريم وعمي محمد صرنا خوش فريق نوب اجتي شمس وادم وغزل احتفلنا وطفو شموع وقطعو كيك نزعت سترتي وبقيت بس بالقميص لان كلهم عمامي ماكو احد غريب بس جان جسمي متناسق كلش وبارز وطويله طولي١٦٧ ف كلش طلعت حلوه باللبس الرسمي اندك الباب وراح عمي فتح الباب دخلو علي واسد يضحكون اشو اسد بس شافني خزرني سلمو ع عمامي وعماتي رحت اجيب الي كلاص مي اجه وراي اسد بحجه هم يشرب مي
اسد: طلعتي من بيتكم هيج؟
عسل: طبعا لااا لابسه ستره هياته هناك معلكه
اسد: لعد اذا لابسه ستره شّــْْكو تنزعيها
عسل: حاره حتريت ازدحام هنا وبعدين محد غريب كلهم عمامي شكو بعد؟
اسد: لبسج هذا ممنوع ينلبس بعد والا احركه وروحي اللبسي سترتج بسرعه
عسل : متحاجي شمس اختك البنات كلهن بس عسل بس عسل اووووف
اسد: تجفي الشر وروحي اللبسي بسرعه
عسل:رحت لبست لان بقه يخوزر وعصبي وينافخ حتى ضوجني الخبيث
كعدت اتشاقه ويه عمي محمد ابو موسى ويوسف ونضحك واسد بس يخزر وكل ساعه وعاط دوختونه يوسف آٍسَكت شكد تحجي صاير جنك ادم وبس يفشل بيوسف ويوسف اصغر منه ويحترمه يستحي يتعارك
يوسف: عسل تعاي نكعد بالحديقه الجو حلو بره وهنا زعجنا استاذ اسد
عسل: اوك يله تعال نكمل سوالف هناك رحنا واسد يخوزر بينا جنا نسولف ع المدرسه والمواقف الصارت ويانه وهو هم ادبي نفسي كعدنا بالحديقه ع الثيل والجو يخبل واحنا منطلقين نسولف
يوسف: دسمعي هاي مره جنت اني وصديقي كاعدين بالدرس وصديقي لح لح كل ساعه يبزني بالقلم بيدي ليش ما درت عليه وسطرته راشدي فريت وجهه فر والاستاذ شافني جان يعيط يوسف شـنـو هل تصرف جهال انتو جهال؟
يمعود اسفين والله بالغلط استاذ ماكو قفل علينا وفصلنا اسبوع ربك جان المعاون صديق عمي ورجعنا كوه
عسل: عزا يمه متتت شكد مسوي مصايب
يوسف : شبيج فقير بس همه يتحارشون بيه
عسل: لااا اوي كلش فقير
منحس غير شمس فوك راسنا تغني
يوسف: ها شمس الوسخه شعندج يمنا
شمس: خاب يوسف لمعفن اني تاج راسك اجيت يم اختي مو لجهرتك
يوسف: اي الحنينه ماكو هيج تموتين ع اختج

شمس: طبعا اموت عليها لعد اموت ع جهرتك؟
عسل :ورا شويه اجه اسد وعيونه يطلعن نار يمه هذا الولد بس عصبي بقت حسره بكلبي اشوفه يضحك ويه العالم يسولف
اسد: ها شعدكم هنا
يوسف: طلعنا من وراك غير انته طردتنا
اسد سوه نفسه متفاجىء انييي طردتكم؟! افا شوكت هاي؟
عسل: يويو آٍسَكـٍت لتعب نفسك محد يكول الحق
اسد: الله يثخن لبنكم يويو وحركات شسالفه
عسل : ابن عمي وادلعه لو حرام؟
اسد : لاعيني حلال ليش لا