عائلتي الجديده

البارت الثالث عشر

البارت الثالث عشر
الكاتبه(سمو الملكه)
لاتنسون التصويت⭐️⭐️

و إن طالت و إن ثقُلت غداً نَّنسى غداً نرضى 💜

شمس: اكول خابرت ابوها ابو احمد؟
علي: لااا والله معقوله رايحه الهم بس هي تكولنا اذا تروحلهم
شمس: ميخالف خابره تاكد منه شخسران يا حبيبي
علي: تمام هسه اخابره
علي: السلام عليكم عمي ابو حمودي شلونك
ابو احمد: هلا حبيبي علي انته شلونك
علي: والله مو زين ع عسل ما اجتي يمكم
ابو احمد: قصدك هسه ليش عسل وين لا يابه ما جايتنه لك بابا عسوله ويننن فهمني؟
علي: ي هسه عبالي عدكم مادري والله مادري يا عمي
ابو احمد: لا والله مجايتنه من اخر جيه انته جبتها النا هسه جايكم انييي اشوف شنو الوضع
علي: هلا بيك في امان الله
ابو احمد: الله وياك اني هسه طلعت جايكم
شمس : كلها اجتنا بيت جدو درو بخبر عسل ماكو  واجوي النا واسد موجود صارت الساعه ب٤ وابو عسل جاي بالطريق هم واحنا منتضرين خبر وماكو اي شي
بقينا نبجي وندعيلها اني وغزل والبيت كله قلق وميتين خوف عليها وعلي كال راح اخلي فوني مفتوح اخاف احد يخابرني خاف مخطوفه ضايع مادري مادري عقلي راح يوكف صاير عليها قدر لاسامح الله
اباوع ع علي يرجف من القلق عليها رغم قوته وهدوء ورزانته بس هو حيل يحبنا وخاصه عسل رغم صار فتره قليله من اجت بس خلت الكل يحبها ما بيها اذيه وفقيره ولسانها عسل وبس تتغزل بعلي تحب الضباط سوده عليه مادري شحالها هسه واسد يرعد وماخذ البيت طول بعرض يا رايح يا جاي ويصيح ومحد سلم من شره متخبل ع عسل عرفت هل ولد واكع بحبها من البدايه بس هسه ثبت وادم طلع هو وعمي محمد يفترون يسالون ويدورن وعلي حتى دوريه طلع من جماعته وعرف يدورون عليها وعموري دموعه خذلنه ونزلن حيل يحبنا وحنين علينا وماما تلطم وتبجي وتعيط بنتي هسه لكيتها شلون تروح مني بهل سرعه حالها يبجي الكافر وبابا ضغطه وراسه ما يكدر يرفعه من القلق والحزن عليها وكلها ادور وعسل ماكو فص ملح وذاب بقينا ل ١٢ بليل بيت جدي راحو بس الولد بقو وغزل بقت خطيه ويانه وابو عسل بقه عدنا هم هي حتى اخوها وامها اجوي بس راحو بليل وابوها بات عدنا والمي ما شربنا مر بحلوكن من ورا المصيبه ب١ اتصل موبايل علي
كلنا جنا كاعدين اسد كلها يله رد بسرعه
المتصل: ها علي بـٌعدك مصر ع القضيه ومتقبل تعوفها؟
علي: اعوفها والله اعوفها بس رجعولي اختي والله اذا مسيتو شعره منها اذبحكم واحد ورا الاخ دير بالك تاذيها
المتصل: لاتوصيني تره ما مخابرك اسمع توصياتك الخايسه اسمعني لك باجر تتنازل ع القضيه وراها بيوم تجي اختك ما تتنازل طلقه وحده ما تكلف هواي واذا تريد نعذبها عادي
علي: لكككك انعل والديك اذا واحد منكم طاخها طخه وعلي احركم حرك دير بال.... طوط طوط
علي: ابن النعال ابن الكلب الحيوان سده بوجهي
ابو علي: باجر كل القضايه تتنازل عنها والله اذا ما اجت اختك يا علي لو مسويلها شي من وراك اذبحك
علي: شحدهم اموتهم والله باجر اروح اتنازل والله
اسد: الصبح آٍجُـٍـٍـٍيِ وياك لان ذول غدارين وخاف يسولك شي
شمس: بليلتها ما نمنا ابد وخاصه علي واسد ولا غمضتلهم عين اسد يحبها وعلي شايل الذنب ويحس نفسه هو السبب بخطفها
علي قرر يتنازل عن القضيه لصديقه ضابط هم بس عائلته مسافره وميكدرون يهددونه بيهم يعني لعبها صح لان علي يكول هذا حقير ولازم يتعاقب وفعلا راحو الصبح علي واسد وياه حتى يتنزل واتنازل ورجع للبيت بقينا منتضرين اتصال شتلونا ٣ ايام ياله اتصلو واحنا لا ليلنا ليل ولانهارنا نهار كلنا تغيرنا وصرنا بالضيم صّـدك بين علينا القهر والكسره ع عسوله وينها هي ويــن الخطف ترفهه مايعه ادم يشاقه وياها شقه تبقه تبجي مو نوب نخطفت نكسر ظهرنا عليها ماما وبابا تمرضو عليها وخالاتي وعمامي كلهم عدنا واحد يروح ويجي واحد بيوم الثالث مو اتصلو طبعا علي مبايله مفوله شحن ورصيد خاف يخابرون وهمه تاخرو ياله اتصلو بسرعه شاله علي وبقه يغلط عليهم وكلهم وينها انطو عسوله بس كالت الو علي علي عيونه كامت الدموع تمطر مطر كدامنا وهو يكلها عسل حبيبتي والله اطلعج من عيونهم وتشوفين انطو مكان لعلي كالو اله نص ساعه وتعال اخذها جان بساتين باطراف بغداد راح هو واسد وجاب عسل لاكيها مربطين اديها ورجليها وشاميرها الولد جابوها الحمد لله ما بيها شي مجرد كدمات وجروح بسيطه وجهه زراك وجسمها بس همزين لاكاسرين بيها شي ولا اموتيها خفنا خاف ايغدرون بيها ويكتلوها
عسل: خطفوني واني لا اعرفهم ولا شي وميقبلون يكولون شيردون مني واحد منهم الجبير كل ساعه ودافرني لو يضربني راشدي بس احجي حتى من بجيت وصيحت جواني بيدي بجكارته عذبوني تعذب والاكل وجبه وحده باليوم صمونه ومي وكل ساعه وعاطو بيه عيشوني عذاب نفسي وجسدي بهل ٣ ايام رغم همه ما تحرشو بيه ابد بس الجبير موتني تموت كل ساعه وكاتلني كتله شكل
ومن اخذوني ورادو يرجعوني كال بس اسمع صوتج طلقه وحده براسج ما تكلفين هواي ونخلص منج ديري بالج تحجين لو تصيحين اني سكتت لان اصلا ماعندي طاقه احجي لا اكل ولا نوم جنت ما انام اخاف يسولي شي واذا انام يكعدوني بالمي وكل ساعه كتله شكل ف تعبانه كلش واريد اتخربط بس كوه اقاوم حتى اوصل لاهلي ع الاقل وصلنه  لمكان مثل مزرعه مادري شنو وبعيد وفارغ ولابشر ذبوني وراحو لاعندي فون ولاشي بقيت ادعي يارب مسني الضر وانت ارحم الراحين اللهي من لي غيرك اساله كشف ضري والنظر في امري ربي تعبت ارحم بحالي ربي مدلله وما متعوده ع هيج ربي ارحم عزيز قوماً ذل يا الله دخيلك بس اني ورحمتك ولطفك جنت ادعي وابجي وحتى نايمه ماكدر اكعد تعبانه حيل لو يشوفني كافر ينكسر كلبه عليه من شكلي بقيت تقريباً ساعتين او ٣ ساعات شفت سياره بيه ما بيه كمت خليت اديه ع الكام وكعدت ورفعت ايدي لابو السياره كلت حتى لو يذبحني عادي بس جنت من ادعي عندي يقين وثقه بالله انو راح يرسلي شخص ينقذني وفعلا شويه واشوف السياره وكفت كدامي ونزل اسد يركض ورا علي  بعد هنا وخلصت طاقتي كبل اغمى عليه بيد اسد
اسد: رحنا نجيب عسل وكلبي وجعني عليها والقلق بين ع وجهي اكيد مسويلها شي معتدين عليها او احتمال كاتليها ميته ويكولون تعالوا اخذوها بقت الافكار تترادم براسي وعلي مو اقل مني قلق حتى السياره مكدر يسوقها اني اسوقها بداله خطيه وجهه راح من التعب
وصلنا وشفنا عسل وما اتمنيت عدوي بهيج منظر رافعه ايدها تستنجد بينا والوجهه بالضيم ملابسها ملخات عليها وحجابها اعوج شلت جاكيت جنت لابسه  نزعته ولو بيدي اضمها بكلبي بنتي هاي اي من يوم لشفتها وتعاركت وياي بيت ابو احمد نعجنت بكلبي بت كلبي هاي روحي وعمري سعادتي فعلا سعادتي لان بس اشوفها انسعد وافرح وكلشي حلو يصيرلي ايييي اكتشفت من نخطفت اعشقها مو بس احبها لكيتها كوه رافعه ايدها وتستنجد كبل دست بريك ونزلت اركض وعلي حتى وكع كد ما متوتر وقلق عليها رحتلها وكبل وكعت بيدي بوكتها لو ماخذين روحي احسن الي من هل شوفه كبل لبستها الجاكيت و شلناها وذبيت ع وجهه مي عدنا بطل بالسياره فزت كبل للمستشفى اخذتها وخابرتهم اهلها بيت عمي كتلهم ما بيها شي شويه وجاين علي كعد ورا وهي بحضنه واني اسوق وصلنا كبل اخذوها منا جان مغمى عليها خلولها بطل مغذي وجبتلها معلاك وعصير وكعدنها اكلت واخذناها اني وعلي واحد منا واحد منا لازميها رحنا للبيت
عسل: اغمى عليه بس شفت اسد احس بيهم بس لاكدر احجي ولا افتح عيوني طاقتي خلصت بعدين رشو  عليه مي فزيت ورجعت تخربطت وصلنا للمستشفى وحسيت بجكه الابره مال مغذي بعدها نمت شويه كعدت شالو المغذي وجابلي اسد اكل اكلت وعلي شابكني عبالك بنته حتى اكل هو يسويلي لفات صغار
طلعنا للبيت وعلي واسد سانديني لان كلش تعبانه اول مدخلت ذبحو طلي يم رجلي حسيت نفسي عروس رغم كل الالم لبيه عروس مكتوله كتله معدله دخلت للبيت ومن حضن لحضن كل ساعه واحد شابكني وبابا حبيبي عيونه مدمعه وميقبل يعوفني وماما وشمس يبجون وعموري دمعته وكعت شبكته اول واحد من بــٌعد بابا لان عمر بالذات اعرف شكد يحبنا ويخاف علينا وبيت اهلي ابو احمد موجودين وحمودي حبيبي هم شبكني واكيد هاي الفرحه ما تخلصه من شعوذه ادم
ادم: لو ادري لينخطف هيج يصير عزيز جان كلتلهم يخطفوني
صوتو ع البارت⭐️⭐️