عائلتي الجديده

البارت الثامن

البارت الثامن
الكاتبه(سمو الملكه)

مابال قمري في غُيومهِ عالقٌ
‏مَن أبهتَ النُور العظيمَ وأظلمهْ
‏لا تَحزني فالحُزن لم يُخلق لكِ
‏صدري لهَمكِ قبلَ حُضنك يحملُهْ
‏مَن ذا الذي يطغى عليك ويُحزنك؟
‏أولم يَرى حُسنً تجلَّا فأخجلهْ؟

اسد: الله يثخن لبنكم يويو وحركات شسالفه؟!!!
عسل : ابن عمي وادلعه لو حرام؟
اسد : لاعيني حلال ليش لا بقينا كاعدين نسولف لحد ما قدمنا الهدايه للطفل وخلص الميلاد ورجعنا كل واحد لبيتهم
اسد: مدري ليش من اشوفها تحجي ويه احد غيري احترك واني متجاهلها وما انطيها اي اهتمام واقل حركه تسويها هي تحركني حرك واحس مراقبتها وضيفتي ولازم ابقه وراها خوف حرص حب ما اعرف بس لازم تبقا جوه عيني هلعسل
امممم تعالو وياي اعرفكم ع نفسي اسمي شمس اخت عسل الاكبر منها صح عسل سولفت الكم عني بس مو كلشي اني حعرفكم ع نفسي اكثر
انـي جنت الاخت الوحيده ولمدلله ل٣ اخوان وجنت دائما اتمنى يصير عندي اخت قبل لا اعرف بعسل اختي وجانت غزل هي لمعوضتني تعتبرني اختها واعتبرها اختي وفعلا هي اختي حيل احبها وتحبني وعلاقتنا حيل قويه نلبس سوه نطلع سوه ناكل سوه سرنا سوه سالفتنا وحده وحتى بالشكل اني وغزل نشابه حيل عبالك صدك خوات حتى عسل ما تشبهنا جانت شكلها شوي يختلف عنا عيونها خضر ولونها حنطي احنه بيض وعيونه عسليه اني اكبر من عسل بسنتين ومتخرجه صار سنتين واشتغل بشركه عمو ابو اسد محاميه وكلش احب مهنتي ومرتاحه بشغلي طبعا من عدا مضايقات فهد ابن عمي الي هو يحبني واني احبه ومن صغرنا يكولون شمس لفهد وفهد لشمس بس جان هواي يغار عليه بس هو بطبعه شقي وبس يضحك ويتشاقه نفس طبع ادم اخوي عكس اسد جان صارم والضحكه عنده بفلوس وعصبي فهد جان بالشغل اذا اجه وشافني احجي ويه موضف تنكلب عليه جهنم يزعل وتعال جيب ليراضيه ابقه اتوسل لحد ما يرضه بس جنت احبه اكثر من كلشي وهو هم يحبني ومدللني فوك دلال اهلي الي شكلي يختلف عن اختي عيوني عسلي ع صفار وبيضه وشعري اشكر وقزمه عكس عسوله ومن رحنا للعيد ميلاد فتحت شعري وهو اشكر وطويل كلش حلو وبرمته صار يجنن وفهد يفتر وراي ساعه يقرا معوذات يكول خاف ينحسد وساعه اللبسي حجاب ولد عمج مجتبى هنا وخبلني
شمس: فهد ولد عمي متعوده عليهم واعتبرهم اخوتي قابل اول مره يشوفون شعري شبيك من اجت عسل لليوم متخبل عليه
فهد : شمس احترمي ونصي صوتج واللبسي حجاب كتلج
شمس: كتلك ما اللبس حجاب وشسوي سوي
فهد: سهله شمس
عرفت زعل بس كلت عادي اهم شي ما اللبس حجاب سويتها شغله عناد عاد احنا بالاعناد محد يلحكنا عدنا وراثه كلنا نموت ع العناد عفته وافتر واجيب شعري منا واودي منا وخاصه اذا شفته يباوعلي احير شسوي بشعري وهو يكب نار زعلان ميكدر يحجي وياي ولا يكدر يسوي شي واني ميته فرح اضوج بيه اخر شي رحت يم عسل ويويو هذا اموت عليه بس يشاقه ويحشش واني وياه جنه رويسيه بس نتعارك هو جان اصغر مني بسنه واكبر من عسوله بسنه بالضبط بكد ادم اخوي واحنا واكفين واجه اسد وعيونه يطلعن نار مبين هذا يحب عسل ويغار عليها وكع ومحد سماء عليه بس ما حاس بنفسه وعسوله ما منتبهتله واصلا تضوج منه كلش ونوب اجه اخو فهد وفهد يسولف ويذب بسامير الي وع اساس يسولف ويه عسوله
فهد: هو تره عيد ميلاد شّـْْـْْكو عباد الله فاتحه شعرها وتفتر تره مو عرس
يوسف: وانته شعليك بعباد الله شو ماكو غريب اولا وثانيا يوسف يباوعلي ويكول هي عباد الله غير شعرها يطيح الطير الطاير من الجمال عمي يحقلها تفتح الشعر
شمس: بعد كلبي كلبك ابو اليوس
يوسف : عمي غير انتي تموتين
عاد هنا طك فهد ما تحمل
فهد: لك هي يوسف تنجب وتسكت لو اطيح حظك شو تتغزل بيها كدامي
يوسف: والله يبن العم اختي وبكيفي اتغزل بيها
شمس: اروح فدوه للاخوه الحلوين
يوسف: شلون بنات حلوات عازمكم انت وعسل
شمس وعسل: والله وكفو منك
فهد: متطلعين
شمس: الله كريم
نوب دخلنا جوه انطينا الهدايه وفهد واسد عيونهم نار يردون ياكلونا من العصبيه مالتهم بس اني مغلسه عليهم كلششش وعسل اصلا متدري مو يمها الموضوع
رجعنا لبيتنا واستمرت الايام روتين عادي وعسوله ملتهيه تحضر للتخرج يوميه ساحلتنا للمول تشتري اغراض لو توصي من النت
اخر شي كالت بعد الكعب ما مشتريته
عسل: اكلج شموستي اختي الشكره الحلو ام عيون الحلوات ما ترحين وياي للمول نشتري حذاء تكرمين الي
شمس: بطلي لواكه ما اروح لو تموتين
عسل: امداج وامده خوتج تحسها مو خوه نعل خاب طاح حظي صار ساعه اتوسل بيج
علي: اني اخذج شوكت ترحين؟
عسل: يمه فديت الضباط الحلوين بكيفك حبيبي شوكت ميصيرلك مجال نروح
طبعا اسد كاعد يمه هذا اسد لزكه ولا يوم ما يجينه اصلا من صبح ليل مقيم عدنا
اسد: بليل ازدحام اخذها الصبح او الظهر
عسل: بكيف علي شوكت ما تفرغ نروح
علي: باجر الصبح عندي دوام فدشويه العصر ب٤ حضري نفسج
عسل: لعد رايحه من هسه احضر نفسي
علي : خوش اسد تجي ويانه مو
اسد: آٍجُـٍـٍـٍيِ شعندي قابل
عسل
صعدت فوك حضرت نفسي لبست بنطرون وقميص دخلته بالبنطرون وستره بيج وحذاء وجنطه بيج وحجاب اسود بلون البنطرون
وخليت بس مسكاره وكحل وحمره واصلا عيوني خضر وكبار برزن كلش طلعت اخبل فديتني
نزلت ولكيت اسد ينتضرنا لان علي بعده فوك
اسد:  لبسج!! ها ست ترحين هيج؟
عسل: لبسج لبسج لبسج شبي لبسي يمعود تره طبيعي وسترتي طويله  بـعد راح اللبس عبايه حتى اعجب حضره جنابك وما تحجي ع لبسي شو كلها تلبس نفس لبسي بس عليه كدرتك لان فقيره وحبابه
اسد: ابجي  بعد ابجي عمي ابقي بلبسج هذا بس اذا احد باوعلج متلومين غير نفسج
عسل: يعني شلون الناس تغمض بعد متباوع؟ وبعدين اني شعليه كايله للعالم باوعو عليه
اسد: ومرض بس لسانج هل طوله اسكتي دوختيني اني اعرف شتصرف يا سم مو عسل
عسل: بكلبي كلت سم بطنك اللوكي
طلعنا اني وعلي واسد اشتريت كعب وكتلهم روحو اصعدو للطابق الفوك بــٌٌٌـُعٌـِِِـدً حجاب اشتري  واجي
وهذا اسد تخبل نعوفج وحدج؟
عسل: قابل ياكلوني هو هذا حجاب اشتري وفضت راحت واجيكم
علي: دمشي يمعود شعليها قابل شوفي فوك احنا من تصعدين خابريني عود
عسل: ماشي اوكي
راحو واني رحت ختاريت حجاب ومن داصعد نضربت بولد جان يلعب بفونه
الولد: شبيج عميه بس كل عين هلكبر بدون فايده
عسل: عمه لعماك هو منو لضرب منه عوف فونك وامشي عدل ما محترم وما تعرف اداب  الطريق
الولد: نوب لسانها بطولها ياربي صبرك والله لو ولد جان نظفت المول بيج بس ما امد ايدي ع مره
عسل : مو تايهتلك وتميد ايدك حتى اكسرها الك
ما احس الا اسد تمد ايدك ع منو سالمين؟ اجاني وعيونه نارررر والحاجب عاقده وما يتحاجه بس يحجي برود عكس البركان لبداخله
الولد : شتعودلها؟
اسد : اختي
الولد : ضربتني وهي تمشي ونوب كامت تغلط
اسد : مصار شي يله امشي عسل
الولد : شو ما عتذرتو
عسل: هو شنو شو مصدك روحك تره انت ضربتني
اسد: خزرت عسل وكتله تره شفت كلشي وسمعت كلشي المفروض انته تعتذر منها بس بمزاجي راح امشيها واحسنلك روح منا وتجفه الشر
الولد باوع صفح ما عاجبه وراح
عسل : ومرض حتى مرض بكلبه وانته ليش ما كتلته ها اسد
اسد: جنت نازل كلت اشتري قميص وهم اشوف الغضب ويـن راحت تاخرت اصلا نزلت وراها كلبي ما ينطي اعوفها وحدها اخاف عليها من الهواء
نزلت وهي ظهرها الي متشوفني وكفت واشوفها هي ولد لعبت بي لعب سحلته فرحتني والله لان جنت ناوي اكسره تكسر بس هي ما قصرت مو لسان رشاشه تكول نوب تكله ما تعرف اداب الطريق متت ضحك عليها ونوب من صرفت الولد تكلي ليش ما كتلته
اسد: تصدكين ردت الزم الولد ونبجي اني وياه كد ما قصفتي وسحلتي سحل لو اني بنيه مسويه بيه هيج لو انتحر لو اذبحها ما تقبل غلط ياربي غير سحلتي سحله ختنكت من الضحك عليها
عسل:  بـعد شويه وتموت من الضحك شبيك يول لو حاجيه الك عشر نكت هم ما تضحك هيج
اسد : صدكي ولا اضحك بس من اذكر كلامج اضحك
عسل: ديلا امشي خل نصعد لعلي صعدنا لعلي واسد طبعا ما اشترى شي من وراي وكتله روح اشتري كال لامابيه خليها غير مره نزلنا اكل واني نزلت بيتزا وكعدنا ناكل عشه ونوب رجعنا تقريبا ب٨ بليل