عائلتي الجديده

البارت الحادي والعشرون

البارت الحادي والعشرون
الكاتبه(سمو الملكه)

حلاة العشگ بالصدفة
وتذكرين من شفتچ ودنگتي
منها ومانمت بالليل صارت بيچ سالفتي.

تصويت⭐️⭐️

راحت ماما لغرفتها واني وشمس صعدنا فوك اشوف اسد شويه ويكوم يسحلني بس توقعت ضايج من الظهر ع سالفه ادم بس طلع ضايج لان طالعه وما حاجيتله لان دزلي رساله يكول
اسد: وين جنتي طالعه؟
عسل : دزيتله رساله( جنت بيت عمو )
اسد: واني طرطور لو شنو شنومعناها ! ترحين وماتكولين الي؟ تره عيب تصرفج مال جهال
عسل: عفته مرديت عليه

اسد: اجت من بيت عمي وهي طالعه ومكايلتلي رغم لبسها حلو وما بيها شي بس تخبلت لان طالعه بدون علمي اتخبل اذا تطلع بدون متكولي ونوب ادزلها رساله وما تجاوب حركتني بالزياد واني منا قبل فتره دايس ابطنها ع سالفه الحلقه وهي ما قصرت وياي ااخذت حقها مربع تتعامل برود وخباثه فضيعه بحيث اريد الزمها املخها تملخ من القهر لمقهوره منها بس ادري ومتاكد دتصرف هيج اني مو غبي بسرعه افهم الانسان وهي تتعامل وياي برود تنتقم مني لان ضوجتها وما اشتريتلها الشيء لعاجبها وحاولت الزم اعصابي وما اقهرها بالزايد لان ادري بيها عنوديه وقويه

عسل: بقيت ٣ ايام ورا الرساله الي دزها اسد ومرديت عليها اسد لابسني بس يسلم ويدير وجهه مغلس عليه كلش  عرفت ضايج لان مرديت عليه وانيهم اتعاملت وياه برود قاتل قهرته بعد اكثر
كاعده بغرفتي اباوع بالفون دزلي رساله اسد
اسد: موجوده؟
عسل: اي موجوده
اتصل عليه
اسد: الو هـلو شلونج
عسل: هلا الحمد لله وانت
اسد : بخير اكولج اريد احدد موعد خطبتنا لان عرس فهد متوقف علينه واستحي منه
عسل: اي عادي حدد اليوم يا يوم تريد؟
شوفي اليوم جمعه نخلي للجمعه الخ؟
عسل : تمام ماشي بس اريد احجز كوشه واطلع اشتري فستان
اسد: احم ومنو ياخذج
عسل: مادري والله اكول لاخواني واذا معدهم مجال اخذ تكسي واطلع اني وماما او شمس
اسد: وحدكم؟
عسل: هو غير بتكسي لعد منو ويانه بعد
اسد: عسل مستحيل متطلعين وحدج كوليلي واني اخذج اذا محد اخذج من الولد اوكي
عسل: اوكي بس احم شوف مو خاف افتر ع راحتي واتاخر خاف تنزعج من الانتضار لان ادري منحب تنتضر احد
اسد: لا انتي مو اي احد انتضرج عادي ما انزعج اهم شي متطلعين بدون رجال فاهمه؟
عسل: اوك اوك باي
اسد:باي

عسل بديت اجهز للخطبه لان هي خطوبه ومهر سوه ف سويت توزيعات واجرت كوشه من النت وسوالف خطبه وفستان اشتريت هم بقه عندي بس حذاء ( تكرمون) وكم شغله بسيطات ف الولد تعبو يوميه اكلهم ويطلعوني لليل ياله نرجع هلكانين عاد اليوم كلت خل اتعب المحروس اسد بس مرتاح والتعب ع اخواني ف خابرته
عسل: الو هلو شلونك
اسد: هلا بيج انتي شلونج
عسل: الحمد لله اكولك العصر عندك شي اريــد اروح للمول اكمل نقوصاتي مبقه غير يومين ع الحفله
اسد: اوك تحضري ب٤ اجيج
عسل: اوك باي
تغدينا وبديت اتحضر خليت مكياج خفيفه لان هو ميحبه وميعجبه المكياج اصلا ولبست بنطرون بوي فريند وقميص وبوتين
نزلت
عسل: هيلاو
اسد: ها رايحه تلعبين رياضه؟
عسل: احم ليش شبي لبسي
اسد: رياضي
عسل: عادي احب هيج استايل مرتاحه بيه
اسد: امشي امشي امري لله بس احجي كلمه هسه تزعلين
عسل: لا احجي ما ازعل عادي واذا
اسد: شووووفي شوفي بعدني ما حاجي وطنكرتي يلا يابه اصعدي بالسياره خل نروح هم ياله نلحك
عسل: رحنه نفتر ما خليت محل ما دخلتله اشتريت عطر وكعب اوف وايت بلون فستاني وصعدنا بطابق الفوك نتعشه طلبت بيتزا واسد صاج ومقبلات وكولا واكلنا سوه
وطول هل وقت لازم ايدي ويفتر ابد ما عافني وحدي يكول اخاف عليج ع اساس طفله صغيرونه
اسد: عسل بنتي شوفي اذا ترحين للصالون مكياج بس حمره خلي لاتخلين اكره المكياج الثكيل وشعرج عوفي مفتوح وكلشي لاتسوين بيه
عسل: عفييييه اسد شـنو بس حمره خو اخليها بالبيت ما ما اريد اخلي مكياج
اسد: انتي حلوه ميحتاج مكياج ليش تخربين وجهج بيه
عسل: حباب حباب بس شويونه
اسد: اوك بس مو هواي عسل تره امسحه الج بالله
عسل: اوك اوك مو هواي بس احمم اسد اريد اروح للصالون باجر الاربعاء حتى داسوي حواجبي
اسد: شتسويلهن؟
عسل: ارتبهن يعني شسوي وهم انته تعال اخذني
اسد: يابه شبيهن يخبلن خاف تخربيهن؟ زين ليش متسوين ويه المكياج نفس اليوم
عسل: مو اريد اشلع كلبك ويوميه اطلعني
اسد: لا بالله
عسل: لا اوكف اوكف لاتعصب والله والله شسمه مو وجهي يطكك واخاف عليه بيوم الخطبه يصير احمر محلو حبابه اخذني باجر هااا اوكف اوكف شسمه اسوووودي ليش متاخذني هسه بعده المركز مفتح
اسد: وهاي اللواكه والدلع كله ع مود اخذج؟!
عسل: حباب حباب غير انته عصبي وما تقبل
اسد: يابه ليش ما اقبل اكيف هو عرسج ولازم اطلعين اميره قابل يوميه تعرسين بس اخاف عليج ابويه هسه ليل ساعه ب٩ حتصير
عسل: حباب هو بس حواجبي بسرعه وهسه فارغين وانته ابقه منتضرني
اسد: لا هو عوزي اعوفج واروح  بـعد عمري
عسل: نزلت وفعلا المركز قليل ناس بيه واصلا مقبلت تستقبلني متاخره بس حاجيتها وضروري وعندي ظرف خاص كوه قبلت
رتبت حواجبي وعفتهم ع ثخنهم بس ترتيب وطلعت رحت لاسد كال نعيما
كتله شكراً ينعم عليك
رجعت للبيت ميته تعب كبل بدلت وخليت لوجهي ثلج شويه ديبرد ونمت حتى ارتاح شويه
مشت الاربعاء واحنه نحضر هويحضر بيتهم الي هو بيت جدي واحنا جبنا كوشه ورتبنا البيت وكملنا شغلنه كله بحيث بيوم الخميس اجتمعنه اني وشمس وغزل ومرت عمي الصغير وعمتي الصغيره كلنا ماسكات وعنايه وماكو شي مخلينا ع وجهنا وامي بس تجي من يمنا نلزمها اني وشمس او شمس وغزل ونخليلها ماسك تونسنا كلش ثاني يوم الجمعه كلشي محضره  فستاني مال حفله وقفطاني مال عقد وكلشي اكسوارات وسوالفي ورحت للصالون اني ومرت عمي وعمتي شمس كالت اجي وراكم اني وغزل نمكيج لان شعرهم مسوي شمس لفلفته سوته كيرلي وغزوله عافته مفتوح وسرحته ف بس مكياج يخلون
رحت وسوتلي المكياج الي ابالي خفيف وحمره نود ع وردي وتسريحه شعري مفتوح وسرح بس اخذت خصل برمتهم ع الشعر من فوك وبف بسيط كلش حلوه طلعت منو يشوفني يسالني عند اي ماكيره تخبلو عليه وسويت عند ماكيره لان غيرت اسد اشتغلت وكال ممنوع لا مكياج ولا شعر عند ولد واذا اعرف يا عسل ولد مسويلج ميك اب او تسريحه موتج ع ايدي ف خفت والله وسويت عند الصبايا من الماكيره تشتغل بشعري اجوي شموس وغزوله جايبهم فهيد تخبلو عليه وشمس تضحك وعيونها مليانه دمع حبيبتي مقهوره هم هي حتزوج وهم اني نخطبت وغزوله يا فرحتها ما تنطيها لاحد كلش تحب اسد ومتعلقه بيه تعتبره ابوها الثاني وكلش فرحانه لان ماخذني هي تحبني كلش

اما بيت اهلي ابو احمد ف مسافرين ب اربيل صارلهم اسبوع وع اساس بيوم خطبتي يرجعون خابروني كالو منكدر واني بالصالون متتت بجي نقهرت كلش وحسيت بغصه بصدري خنكتني خنك بحيث كمت اشحط بالكلام وبعدين ماما اخذت الفون وكامت تهدي بيه بنو يتصلون فيديو وميغلقون الاتصال ابد وبهل حاله همه وياي بس ابد ما مقتنعه وكلش ضايجه ومقهوره
طلعنا من الصالون واجانه علي ياخذنه واني كالبه الخلقه ومطنكره ومحد اصلا يكدر يحجي وياي
علي باوع لشمس وكالها شبيها
شمس: خابرت اهلها بيت ابو احمد ومحيجون ومقهوره:(

لزم ايدي علي وكال عسلنه حبيبتي احنه مو بعينج ؟!!! ما مكفين!
عسل: لا حبيبي انتو ع راسي مو بس ابعيني بس هم اريـــد ماما وبابا احجي ومختنكه حيل ودموعي وكعن بدون جهد مني
لزم ايدي علوش وبوسها
علي: عسلنه حلوتنه احنه موجودين واتصلي عليهم وان شاء الله كلنا وياج
عسل: الله يحفظكم الي

عسل: نزلنا من السياره للبيت علاوي لازم ايدي وشموس من الجهه الخ  وغزوله شايله بدلتي دخلت للبيت جانت امي ام علي وامي ام احمد اثنينهم واكفات ولازمات جكليت ورد يا الله فرحتي ما انطيها لاحد كبل ركضت شبكت ماما ام احمد نوب شبكت ام علي هم والدموع عشره عشره مال فرح مسويلي مفاجئه جنت لابسه قفطان والاستقبال بيها ابوي ابو علي وابو احمد والولد اربعتهم صاحني علاوي كال تعاي بابا ديسلم عليج
دخلت وشبكت ابو علي نوب ذبيت نفسي بحظن ابو احمد كتله والله لو مجاي اليوم جان زعلتي وياك كلش جبيره واحجي فرحانه وعيوني مليانه دمع بحيث كلهم مدمعين ع فرحتي نوب اخذني عموري حبيبي
شبكني وباركلي كال اخخخخ يا اسد راح ياخذ عسل بيتنا
وادومي كال معرفتج طالعه صاكه الوسخه ههههه
وعلاوي حبيبي يفتر وراي وعيونه محاوطتني
واخيرا حمودي حبيبي الصغير
شبكني وكبل دموعه خانو و وكعو
كال: اختي وحبيبتي وعمري ياربي السعاده متفارگج♥️
بوقتها بسته ولزمت ادينه وبوستهن وباس راسي حبيبي اعتبره ابني وصديقي مو بس اخوي ....

تصويت⭐️⭐️
بارت طويل لعيونكم واسفه ع تاخير بس التفاعل ما يسوي واهس😮‍💨😩