عائلتي الجديده

البارت الثامن عشر

البارت الثامن عشر
الكاتبه (سمو الملكه)

يومية تزعل واعتذر وارجع وامدلك چفي
هو أنتَ  منخل لو بشر كل ساعة وجهك مچفي .

لاتنسون التصويت⭐️⭐️
اسد: الله بالخير عمي شنو جواب البنيه ما رديتولي خبر موافقه لا؟
العم : ابني اني لو عليه اكولك كبع واخذ بس تعرف لازم اخذ رائيها وهي راحت لاهلها حتى تفكر وتاخذ قرار وكتلها براحتج
اسد: من سمعت هيج سكتت وحتى مكالمه كلت ما اخابرها لان بس اخابرها ادري وراها ميه بالميه اخرب الاول والتالي ف كلت انتضر لحد ما تنطيني جواب وراها اتصرف

عسل بقيت افكر يم اهلي بدون ضغط وتشويش ع افكاري شفت نفسي اسد الشخص المناسب الي بس لوما عصبيته ف قررت اتصل بيه واخلي النقط ع الحروف
اتصلت ب اسد دك
عسل: مرحباااا
اسد: اهلا شلونج
عسل: الحمد لله وانت؟
اسد: الحمد لله محتاجه شي
عسل: اي اريد احجي وياك بموضوع مهم رجاءاً
اسد: اي تفضلي احجي ست عسل
عسل: اسد اذا انته مغصوب عليه
اسد: اوكفي اوووووكفي شنو مغصوب شنو اني مره ويغصبوني لو ماعندي كلمه والجاي والرايح يمشيني بمزاجه ؟؟؟ هاااا احجي
عسل: ممكن اكمل كلامي وتحجي وراها واذا متقبل اكمل كلامه ف مع سلامه
اسد:كملي عيني منو لازمج؟

عسل: اول شغله لاتعيط ولاتقاطعني من احجي وثاني شغله اذا جدي او احد غاصبك عليه او اتحب غيري كولي من هسه حتى ابتعد عنك واكول السبب بيه اني ما احبه وما اريده وما تفاهمت وياه واني اذا انخطبلك اول فتره اتعامل وياك ك صديق لاتتخيل اخذك بالاحضان لان اني مثل متعرف انخطفت لاتشوفني هيج طبيعيه بس اني كاره الدنيا كلها وكلش متذايه تتحملتي بمزاجيتي بعصبيتي بصوتي العالي بتصرافتي العفويه؟ اهلا واسهلا ما تتحملني بكيفك انته مخير ماكو شي بالغصب او الاكره فـ من هسه نتفاهم ونشوف ليناسبنه احسن من ما نخطي خطوه مصيريه خطاء

اسد:احم احم محد غاصبني ولا جابرني عليج لان بختصار محد يكدر يمشي كلمته عليه فـ اني طلبتج بكامل قواي العقليه واني اريدج الي لان شفت بيج الانسانه لتناسبني اما عن عصبيتج ومزاجيتج تمشين عدل وياي وتحترمين اكيد امشي عدل وياج اما غير هيج ماعندي وانتي هم بكيفج
عسل: اسد رجاءا افهمني اني ما احب احد يامرني ويعيط عليه او يطلع قوته وعضلاته عليه انته دتشوف شلون اهلي مدلليني سواء  اهلي بيت ابو احمد او بيت ابو علي عايش وياي وشايف دلالي محد يفرض شي عليه واني اكيد انسانه مسؤؤله واعرف الصح من الغلط فما اسوي الشي ليخلي المقابل يغضب مني
اسد: مدام هذا كلامج ودتكولين انج انتي انسانه مسؤوله وما تسوين الغلط بعد ليش اعصب منج واغلط عليج اني احترم الانسان المحترم ولاتتخيلين بيوم اتجاوز ع انسان عدل وما مسوي غلط الشي لما احبه لنفسي ما احبه لغيري
عسل: يعني هاي هيه كلمه رجال اخذ منك
اسد: اكيد
عسل: اوك مع سلامه
اسد: اوكفي شوكت ترجعين للبيت؟
عسل: هل ايام ارجع يلا باي
اسد: احم الله وياج