عائلتي الجديده

البارت العاشر

البارت العاشر
الكاتبه(سمو الملكه)
صوتو ع البارت

من تلهي روحك خاف تذكرهم
تلگه بكل تفاصيلك أثر منهم
أزدحامات الشوارع بيها ريحتهم

عسل: عفيه علي مو كتلك ماريد واسطه اني اريد الكه شغل بتعبي
علي: تره ماكو واسطه والله اذا محتاجين يشغلوج واذا ما محتاجين عادي ندورلج غيرها تره وبعدين قابل نعوفج انتي ادورين اكيد احنا اندورلج وضيفه
عسل: ها اذا هيج تّمٍُـُام
خابر علي صديقه وكله اسال والدي واردلج جواب
انتضرت اسبوع انوب خابر الولد صديق علي العصر جنا كاعدين نشرب جاي واكيد الغثيث موجود
الولد: علاوي حبيبي الوالد يكول ياريت والله كلش محتاج محاميه واني صراحه كتله اخت صديقي شغلها وانته مغمض لان اعرفك شنو اكيد اختك نفسك
علي: حبيبي عمار غالي والله ربي يسلمك زين اغاتي عموري شوكت تباشر بالعمل؟
عمار: شوف اليوم اربعاء عادي من الاسبوع الجاي تكدر تباشر
علي: تمام هاي هيه انطيها خبر ويصير خير ان شاء الله مع السلامه
عمار: هلا بيك عمري الله وياك
علي : عسل الولد يكول ابوي بحاجه محاميه كلش وخلي من الاسبوع الجاي تباشر بالدوام
عسل : تمام ان شاء الله
اسد: يا عمار بس لا هذا الوسخ؟
علي: اسد يمعود شعليها بيه نظيف وسخ هي راح تشتغل بشركه ابوه اصلا مو وياه وهو اصلا خاطب يمكن لايمها ولا ابد
اسد : ولو اني ما ارتاحله الحيوان
علي: خل تجرب اداوم والله كريم
عسل همه يحجون ولا مركزه وياهم ابد فرحانه بدوامي وافكر شوكت ادوام وشلبس حايره
شمس: ها الحلوه ويـن صافنه
عسل: ها حبيبتي وياكم
مشت الايام نفسها لحد ما اجه اول يوم دوامي بدلت لبست ستره وبنطرون قماش رهمتهم وقميص وحجاب وكعب ناصي وجنطه طلعت برفكت وكلش لبسي رسمي ونازك ورحنا اني وعلي دخل للرجال يكلوله الحجي
علي: السلام عليكم حجي شلونك
الحجي: هلا ابني هلا بيك تفضل استريح
علي: اشكرك حجي هاي اختي عسوله محاميه محاجيك عموري ع مودها واني مستعجل لان عندي دوام والله
الحجي : حبيبي ابو حسين انته واختك بعيني هاي هي عوفها وروح ولو تعذرنا ما ضيفناك
علي: حجي قابل جاي داجربك ماعرفك غريب عليك اني وان شاء الله نستضاف بالافراح يله من رخصتك عمي
الحجي: الله وياك حبيبي ابو حسين واعذرني ع التقصير
راح علي وبقيت اني والرجال ابو صديقه والي هو مدير الشركه
الحجي: استريحي يابه اعتبريني ابوج واي شي تحتاجين بس تعاي الي واعتبري تم وسويت الج مكتب خاص هسه اخلي السكرتيره تاخذج اله تمام بنيتي
عسل: هاي هي عمو اقصد اااستاذ
الحجي: هههه بنتي لاتتقيدين حتى لو تردين تكول يابه عادي بمثابه ابوج اني واني هم اعرف جدج وهو صديق غالي عليه هو وابوج وعمامج
عسل: اشكرك عمو ربي يسلمك ويحفظك
الحجي: يله هسه روحي ويه السكرتيره خل تاخذج لمكتبج وتعلمج ع شغلج الجديد رحت وياها وعلمتني والحمد لله شغلي بسيط وسهل وبديت اداوم اروح ويه علي وارجع ويه واحد من اخواني هم وهكذا لحد ما بيوم جايه الصبح دخلت وشفت ولد
عسل (بكلبها) ي والله هذا هو نفسه!
رجعت بذاكرتني فد مره اندك الباب مال بيتنا وطلعت افتحته واجه واحد
الولد : السلام عليكم
عسل: وعليكم تفضل؟
الولد: انتي منو؟
عسل: انــي منو لو انت منو؟! هو منو لجاي لبيت منو
الولد: بس هاي اول مره اشوفج !
عسل: استغفر الله شعليك منو؟ فضني منو رايد؟
الولد: اعصابج عيني لايروح يطكلج عرج اريد الضابط علي موجود؟
عسل: لا طالع من البدايه وكول علي حتى بسرعه اكولك ما موجود وتتوكل لهلك
الولد: دخيل الكعبه شكد معزبه بحيث حرتي شلون تضيفني
عسل: ليش مثلا جنت منتضر ادخلك واكولك شتشرب جاي لو قهوه؟ والله يا الله
الولد: اسف مع السلامه
عسل: هلا
حاضراً ؛؛
الولد يباوع لعسل: ي والله هي هاي نفسها لطلعتلي بيت علي خلي ازعجها
الولد: السلام عليكم شعندج هنا يول
عسل: وعليكم وانت شكو؟ تعااااال بس لاموضف هنا انته حتى انتحر
الولد: ديلا لعد ستعجلي موتي وخلصينا
عسل: وانت شلون تحجي وياي هيج تدري مدير الشركه صديق ابوي واكدر اشتكيك عنده بس اخلاقي متسمحلي وحرام اكطع رزقك ف رجاءا ابتعد عن طريقي وخليني اروح لشغلي
الولد: ي بهاي حقج وبارك الله بيك يا مودبه ...
عسل: شنو حضرتك تستهزء؟!
الولد: لااا لااا العفو ابد ما استهزء العفو منج
عسل : ها لعد تمام
عسل رحت لمكتبي وشفت هذا الولد راح لمكتب المدير كلت يمكن عنده شغل او شي يمه ماعرف وهم ما احب ادخل باحد كملت شغلي نفس باقي الايام وعادي ماكو جديد والولد لو بالاسبوع مره او مرتين ينشاف لو ماكو شلون موضف هذا؟
ماعرف شلون مخلي ما يبطل بس كلت يجوز هو يداوم بفرع ثاني ويجي هنا ع مود شي يعني كعدت احلل وحدي وما وصلت لنتيجه

بيوم نزلت اشرب قهوه وهو اجه هم
عمار: صباح الخير
عسل: هلا صباح النور
عمار: شعندج هنا؟
عسل: اباوع فلم شسوي يعني اشرب قهوه
عمار: وشبيج عصبيه قابل شكتلج اني المهم عازمج ع كهوه لعد
عسل: المناسبه
عمار: يعني مصير واحد يعزمج بدون مناسبه؟
عسل: لااا ميصير
عمار: اوك المناسبه اول مره نلتقي هنا وثانيا هم اول مره نلتقي واحنه نريد نشرب او ناكل شي ولاتنسين تره احنه موظفين سوه
عسل: وان يكون اني جايه هنا اشتغل مو حتى انعزم واعزم
عمار : (حبيت اراوغها) اذا قصدج تردين العزيمه لااا تره عادي بكيفج ومبين عليج متحبين تصرفين بس عادي اني عازمج حتى لو مترديها الي لاتشيلين هم ههههههه
عسل: وع شنو تضحك؟ تره ماكو شي يضحك ومنو كلك بخيله وميته ع الفلوس وما اعزمك شوكت ميعجبك اطلب ليعجبك وادفعلك الحساب وعفته ورحت نار صرت كلش عصبني
عمار: اباوع عليها الوجه صار نار متتت عليها تخبل صارت خرب غيرتك علي وين جنت ضام هل اخت الحلوه هاي

اخذت قهوه مثلجه لان جانت هيج طالبه وعافتها وراحت من عصبت وكيكه هم اخذت الها ورحتلها
عمار: دكيت الباب ودخلت ست عسل تستقبلين ضيوف؟
عسل؟ هو انته دخلت بعد عليمن؟
عمار: غير زعلتي وما احب احد يزعل مني واجيت اراضيج
عسل: عادي عليمن ازعل وتره لو تجيب الكافتريه كلها ما ارضه اذا زعلانه
عمار : لعد خوش اذا مو زعلانه اعتبري هاي هديه او عزيمه مادري بكيفج شتسميها عادي
عسل: ماكو داعي تكلف نفسك ومره ثانيه لتعيدها

عمار: زين اكو اوامر ثانيه؟
عسل: مداشاقه تره
عمار: ادري والله
عسل: لعد اوكي شكرا ع الهديه
عمار: تدلل الحلوه
عسل:خزرته وطلع من طلع ضحكت عليه اويلي شكد اخوف
استمر الدوام نفس ما هو وعمار يزيد ميقل بعزايمه وكل ميشوفني لازم يخليني احجي سواء يضحكني او يضوجني صار صديقي كلش مره كاعده بمكتبي واكو موظف من زمان اشوف عينه عليه بس ابد ما حجه وياي دخل المكتبي
الموظف :السلام عليكم ست عسل
عسل: وعليكم السلام تفضل امر خدمه؟
الموظف : ست اريد احجي وياج بموضوع خاص تكدرين اطلعين عازمج ع جاي واذا متكدرين عادي احجي هنا
عسل: تعذرني والله تفضل كول واذا اكدر اساعدك تدلل بس ماكدر اطلع والله لان عندي شغل هواي
الموظف: ست راح ادخل بالموضوع مباشراً اني معجب بيج من اول مداومتي وجنت اشوف اسلوبج وتصرفاتج وبصراحه نعجبت بيج بالزايد واريدج ع سنه الله ورسوله واذا انطيتي الموافقه حتى ادز اهلي
عسل: اسفه والله تعذرني بس ما فكره بالزواج حالياً
الموظف : فكري ست تره والله حالتي الماديه الحمد لله وما احرمج من شي و وضيفتج عادي ابقي بيها وحتى بيت وحدج اذا تردين عادي شتطلبين يصير
عسل: اعذرني استاذ مو لشخصك او طلب معين او الخلل بيك بس صدك رافضه الزواج من الاساس حاليا وما مفكره بهذا الموضوع حاليا كلش اعتذر منك
الموظف: عادي ست براحتج بس هم اذا صار وغيرتي رائيج رجاءا كوليلي وابد لا تترددين او تخجلين مني لان شاريج والله
عسل: اشكر ثقتك بيه واختيارك الي بس والله تعذرني لان ما فكره ابد بالموضوع كلش اسفه
الموظف : عادي ست مصار شي من رخصتج
عسل: طلع الموظف ومبين هو كلش انزعج من ردي عباله اوافق يمكن من طلع ورا شويه دخل عمار دك الباب ودخل عبالك يدري بالموظف موجود
عمار: شعنده هذا جان هنا
عسل: وعليكم السلام
عمار: السلام عليكم هذا شعنده هنا
عسل : اولا هو موظف حتى لو انته ابن المدير بس تره هو هم موظف حاله من حالنا ثانيا جان عنده موضوع وياي وطرحه عليه وطلع

لاتنسون التصويت حبايب دوسو ع النجمة ⭐️⬇️ رجاءاً