عائلتي الجديده

البارت السادس عشر

البارت السادس عشر
الكاتبه (سمو الملكه)

‏ما نسيتَّك
‏انتَ مِن أول حَنين بِـ روحي غالي
‏ما نسيتَّك
‏كُل حِزن وانتَ على بالي
‏كُل فَرح وانتَ على بالي
‏وانتَ أول سالفه بِـ روحي خَذتني
‏و كُلها تالي❤️

لاتنسون التصويت⭐️⭐️

الجد: رحت واحجيت ابني الوسطاني مجتبى كتله اخطبها ليوسف ابنك عسل بنتي واريدها لولدنا ما انطيها الغريب بس بشرط؟
مجتبى: شنو يابه
الجد: شوف ابو احمد اذا خطبتها واسد رادها تعوفها لاسد لان هو ابن عمها الجبير وهو الاحق بيها بس لاتحجي شي كدامه او تكله الك البنيه لاااا تكله الشور شور ابوي وهو ليقرر خوش يابه
مجتبى :الي تامر بيه حجي

عسل: كلت الجدو موافقه ع اسد ! لان اولاً ادري كلش زين اهلي متاذين من سالفه الخطف رغم ما حسسوني ابد واصلا همه يحسون بالذنب تجاهي لان بسبب قضيه علي نخطفت مع ذالك اني احسبه قضاء وقدر وميصير اخليهم متاذين وادري كلش زين اذا اخذت اسد ابن عمي ستر الي وما يعيرني بيوم لان جنت مخطوفه بس ما توقعت رده فعله هيج من جدو عرض عليه الخطوبه وخاصه انــي دائما اشوف عيونه تلحكني وهتمامه الزايد بيه !!! معقوله تمثيل ؟ هواي اسائله ابالي وما عندي جوابها كسرني من رفضني وحسسني بنقص فضيع اذا هو المني وبيه هيج رفضني لعد شلون الغريب يتقبلني؟

اسد: من يوم شفت عسل وهي نعجنت بكلبي وتمشي بدمي صرت ما اتنفس الهواء اتنفس عسل!! اليوم الما اشوفها ما اعتبره يوم! كمت اتحجج حتى ابقه اكثر وقت بيت عمي ع مود اشوفها احبها احب لسانها لطويل عفويتها صوتها العالي شعرها الاطول منها ضحكتها عيونها الخضر واحلى شي من تعصب يابه تجنن احسها مو بنيه من كد ترافتها عبالك كيكه من يوم الاجت لبيت عمي حسيت نفسي انـي مسؤول عليها مو عمي اذا لبسها ما يعجبني احاسبها وتغيره صوتها تعلي واحد موجود اخزرها وكلشي غلط وميعجبني احسابها عليه من انخطفت احس مو عسل بنتي اي بنتي لنخطفت لااا روحي لنخطفت متتت لابيه اكول احبها ولابيه  آٍسَكت بقيت مثل بلاع الموس ومن رحنا وجبناها گلبي تكطع ع منظرها اخر موقف من راحت لاهلها شهر واني قبلها باسبوع مشايفها يعني شهر واسبوع مشايفها الخبيثه يابه حقدت عليها بوقتها كلش كلت بس تجي اذا ما سحلتها سحله ما يطلع اسمي اسد اخر شي من اجت اقوى شي سويته رديت عليها السلام بعصبيه وحتى عصبيتي جانت يمها مو العصبيه الحقيقه مالتي ههه نقطه ضعفي هل بنيه بس قرار جدي خرب كل مخططاتي لان اريد اخذها بقناعتها بحب مو هييييج ابد ما مخطط لهيج زواجه مستعجله

عسل كاعدين عصريه واجه عمي مجتبى وابنه يوسف وجدي
جدو سلم وضيفناهم ع حسب الاصول واسد موجود وعلي جانو يردون يطلعون بس جدي كلهم ابقو كاعدين وبقو ع مود جدو سلمو جدو وعمو وكعدو ونوب عمو حجه
ابو احمد(مجتبى) : من رخصه الحجي ابو علي اني جايك بطلب وادري بيك متردني
ابو علي: تامر انته ابو احمد ادلل بس كول
ابواحمد: اني اريد عسوله ليوسف وانته تعرفه يوسف ماكو داعي احجي بي وامدحه كدامك
الجد: اباوع لاسد الوجهه صار دم وعيونه تريد تطلع ويباوعلي ويخزر بيه عبالك هو جدي مو انا جده
ابو علي : البت بتكم كبع واخذ بس اخذ شورها واذا موافقه هاي هيه هي بتك اني وياك واحد خويه
الجد: الله يحفظكم ويديم لمتكم يولدي
الولد: بوجودج حجي
عسل : طلع عمي مجتبى وجدي ويوسف
وبقينا بس احدنا واسد اذا واحد يطخه يتعارك وياه اخذ علي وطلعو وبابا ما حجه وياي بقه ساكت
مرت يومين وبقينا نتناقش بالموضوع مال خطبه بس ما انطيت موافقه لان اخذ الكلمه من جدو ويوسف اعتبره اخ الي رغم اذا كال جدو وافقي اوافق بس منتضره الحجي اجه جدي العصر وحاجاني وحدي وكال خالج محاجي امج من سامع عمج يريدج ليوسف وكايل البت اني اريدها وشاريها  وامج هم كايله اله اخذ موافقتكم وهم خابرني وجان يمي اسد واسد تسودن من سمع عمج وخالج رايدينج حس بغلطه وكال اذا انطيتها انهي عليها بويه اني ما ازكيلج اسد واكلج خوش زلمه واخو خيته وبنشد بيه الظهر بس واضح الحب بعيونه وانتي ادريج فطنه ولابد شفتي شلون يتراجف عليج ههه
عسل: جدو اني كلمتي ورا كلمتك انته وبابا ولتكولو اعتبرو تم وتره اني حتى ابن عمي اخو ابوي ابو احمد هم رايدي والله مو مدح بس لهسه رايدني وشاريني بس كلمتكم هي لتمشي
الجد: بـعد كلبي جدي الله يحفظج ويبارك بيج ويكملج بعقلج بت اصول جدي
عسل: اشكرك جدو الله يحميك ويديمك سند النا
الجد: بويه من يمي راح اكول لمرتضى ابن عمها رايدها اسد وما اخلي احد منهم يكول لاسد جدك انطاكياها لان اريد يعرف غلطته واعاقبه بطريقتي
عسل: الي تكوله يتنفذ جدو حبيبي
عسل : حسيت بجدو ارتاح كلش ع كلامي ولان انطيته لموافقه ع اسد وهم ادري بجدي راح يشلع كلب اسد ويشوفه هو شلون غلط من ما خطبني مر تقريبا اسبوع محد حجه سكته بس اسد حتى محاجي عمي مجتبى كايله اني اريدها وعمي كايله بكيف البنيه وجدك هم ينطينه كلمته النا واسد باقي يحرك باعصابه وما يتحاجه واليحجي وياه يلعب بيه لعب اعصاب نار صاير بحيث غزل تسولف يدخل للبيت تكول يركع يا باب يصير بوجهه وفنه ليحجي وياه كلمه يشيل شّـْْـْْكو شي كدامه ويكسره كلها عايفته وحده محد يحجي وياه والجكاره ما تنزل من ايده وهو اصلا ما يدخن ويطب للبيت ويطلع بس يريدله زله لو عركه

اني باقيه رافعه خشمي عليه وما اتحاجه حتى سلام من يجي ما اسلم ويبقه يخزر وينافخ ولابسته ولا احاجي وهو ميت قهر محترك دمه ههه
عسل بقه تقريبا شهر رفضت يوسف وابن خالي واسد يوميه يحجي ويه جدو وحتى حاجه بيبي حتى تتوسطله عند جدو وجدو ابد معند وياه لان رفض طلب جدو بالبدايه بيوم جنا رايحين العصر لابسين بشتات وتراك جوه وعادي رايحين احنا البنات وعلي وابوي وامي لبيت جدو عصرونيه ادم وعمر جانو طالعين ويه اصدقائهم
كعدنا سلمنا عليهم وضيفونا ردنا نصعد ويه غزل جدو كال عسل ابقي كاعده كعدت
الجد: ابو علي يابه مره ثانيه اطلب ايد عسل لاسد ابني بتنا نريدها النا
ابو علي: شمعنى مو اسد ميريد عسل واني ما عندي عشر بنات حجي وانطي بنتي لواحد ميردها لاتصغط ع اسد حجي لان اصلا عسل ما انطيها ما شبعان اصلا منها
اسد: عمي بس من رخصت جدي انـي اريد بنتك جدي معليه وما ضاغط عليه
ابو علي: يابه اسودي ادري بجدك من يريد شغله يسويها بس مو ع احساب بنتي ما ازوجها اصلا وانته اخطب لتعجبك
اسد: بصوت ناصي شلون سالفه هاي غير يقتنع الكائنات عله صوته وكال عمي والله جدي ماله علاقه انييييي اريدها
ابو علي: الله كريم اشوف رائيها وانطيكم الجواب
اسد: الحمد لله كلش ارتاحيت من رفضت ابن عمي وابن خالي جنت شايل هم جدي يعاند وياي وينطيها الهم كلت والله اكتلها واكتل الياخذها بنتي الي مستحيل احد ياخذها مني
عسل: تفاجئت من جدو حجه بقيت ساكته واباوع بهدوء شفت بابا هيج حجه كلش فرحت وحسيت رفع راسي بينهم ردت اكوم ابوسه كد ما فرحت بيه وبكلامه الي سندني عيوني بقت تلمع من الفرح وحلكي الابتسامة شكته من الاذن للاذن بحيث اريد آٍسَكت ولج عسل عـيب هسه عبالهم مكيفه بس ماكدرت والله لان كلام بابا فرحني كلش

بقينا يم بيت جدو ورجعنا بليل نمنا ثاني يوم اجه فهد وكال اريـــًد احدد موعد للعرس بابا كله اذا عسل انخطبت لاسد عرسكم ورا الخطوبه مالت عسل  بابا يحب اسد وابد مينطي بيه بس رفض ينطي الموافقه بسبب خوفه عليه وهم يسون جره اذن لاسد ....

تصويت⭐️⭐️