عائلتي الجديده

البارت الثاني والعشرون

البارت الثاني والعشرون
الكاتبه(سمو الملكه)

محضرلك هواية حچي بس كون اريدنك تجي
باولها نگضيها عتب بعدين نتشابگ بچي.

تصويت⭐️⭐️

واخيرا حمودي حبيبي الصغير
شبكني وكبل دموعه خانو و وكعو
كال: اختي وحبيبتي وعمري ياربي السعاده متفارگج♥️
بوقتها بسته ولزمت ادينه وبوستهن وباس راسي حبيبي اعتبره ابني وصديقي مو بس اخوي سلمت عليهم وكعدت يمهم شويه اخذت صور وياهم كلهم يخبلن وادومي لازم بكل الصور يشارك ويخرب الصوره ياله يرتاح وابوي يكله استحي من ابو احمد لك بابا شوف هذا حمودي اصغر منك ومو مثلك شهل وكاحه هههه ادم يكله اي يابه اني صغيرون طفل وكح ههههه وهذا احمد شايب خربنه ضحك وبس يحشش ع علي وعمر بس يشوف عمر وكله شبيك تتلاطم وجهك يبجي افرح اليوم خطبه اختك راح نخلص من دوختها ههههه وخلصها ضحك وتحشيش وشكد يرزلو لايفيد ولا يزعل ولا يعقل عادي كلشي عنده عادي
صارت الساعه ب٣ لان جان الجو شتوي ف النهار قصير اجوي بيت عمي عمي ولده وعمامي البقيه وخوالي وجدي وبيبي وعماتي وخالاتي والاقارب كلهم اجوي بحيث بيتنا انمله ملي ناس جان بيت جدي مسوين غده الخطوبه واحنه علينه العشه لان حيخطبون ويبقون عدنا البنات واسد وجماعته يحتفلون بيتهم بالحديقه اجوي وعقدلي الشيخ لابسه قفطان ومخليه بين اصابعي هيل وفاتحه القران ع سوره الفتح وجوه رجلي طاسه بيها مي وياس وماما يمي وشموسه وخالاتي وغزوله وعماتي وبيبي كلهم موجودين داير مدايري شعوري ماعرف اوصفه خوف وتوتر وفرح وحب اشعر بالحب تجاه كل الناس الي واكفه وياي وساندتني وحابتني بكل ايجابياتي وسلبياتي وفرحانه لفرحي هواي مشاعر تضاربت عندي بهل لحضه مكدرت احجي ولا اسوي اي شي غير من سالني الشيخ وكلت نعم موافقه وتعالت الهلاهل وكمل العقد والجكليت والورد صار يجيني من حيث لا اعلم صعدت بدلت لبست فستان الخطبه ونزلت كعدت بمكاني والكل فرحان وكالو سو مجال حيدخل العريس وهم رجعو طشو جكليت ع اسد دخل باس راس بيبي  وايدها وسلم ع خاله باس راسها هم وسلم ع امي هماتين واجاني كال الف مبروك وكعد جاوبته يبارك بيك
كعد اسد وبدت مراسيم الخطوبه المعتاده تلبيس الحلقات واكل الكيك والعصير وهو مقبل بس شرب عصير شوي وباسني براسي وراح جان يتصرف بثكل كلش وصراحه اني احب الثكيل ف حبيبته وبس طلع اسد شمس وغزل شغلو المعزوفه وساجده عبيد وما قصرو ورحت بدلت فستان قصير ونزلت وياهم بالساحه ومحد يصور اسد معمم ممنوع التصوير منع بات بس مبايلي ومبايله نصور بيه وينطينياه ادز الصور للبنات وامسحهن وسوينه مثل ميريد لان منبه اذا صوره بموبايل غير مبايلي ومبايله يحرك البيت علينه واصلا مبايلي ضامته صورت بيه قليل كل التصوير صار بفونه ركصنا لحد ما رجلينه ما حسينه بيها من التعب كعدت اني ارتاح والبنات راحو يساعدون ماما وخالاتي وعماتي حتى يوزعون الاكل والكولا ع المعازيم والحلا لحد ما خلصت الحفله تعبنا كلش بس واضح علينه الفرح لان حفله تخبل صارت اما عند الولد صارت الحفله من ٧ بليل سولف النا ادومي من رجع وغزل من رجعت لبيتهم دخلت من بيت عمي لبيت جدي من الباب الورا البيت وصاعده بالطابق الفوك تباوع عليهم تكول اسد لازم راس الجوبي ودبكو دبكه تجنن هو عمر وفهد واحمد اخوي هم محتفل وياهم الا ادم مطنكر ويكلهم اني اخو العروس حتى المفروض ما احظر بالحفله بس علي مهددني اما علي بالنص لازم اسلاحه ويدبك وياهم وحتى رمة كلش فرحان لاسد رغم ضايج من اسد ع موقف الحلقه بس هو واسد اكثر من خوه واحد سند للاخ ف كلش فرحان وحاير شمسوي واخواني ما شاء الله لاعبين لعب بالركص وفهد يضحك عليهم يكلهم اول مره اشوف اخوان العروسه يركصون بعرس اختهم وعلي يكوله احنه اخوه العريس وانته تنجب وتسكت لا ادفنك بحديقتكم وباقين ع هل حاله واحد يرفع بالكلام واحد يكبس الى ان متعشين الشباب ومن صارت ب١٢ خلصت الحفله نمنا كلنا
والصبح كعدنا نتريك ونسولف اني والشباب كلهم وامي بس ابوي طالع حجه ادم
ادم : ليش صورتو بفون اسد خوب صوري بفونج عسل
عسل: فون اسد ذاكره اكثر واحدث من فوني صورته تجنن
ادم: ممم لعد لو ماخذين فوني ومصورين بيه والله صورته تموت
عسل وشمس: يبوووووو حتى نطش
ادم: شهل سمعه الزفت
عمر: انته جبتها لروحك يا زفت
ادم: احترم استاذ عمر تره ما اسمحلك اني اخوك الصغير واجبك تحترمني
عمر: ط.....ط نع.. عليك
ادم: يمه شوفي شوفي ولدج مو مؤدبين وبس يغلطون عليه
الام: انته اسكت وهمه محد يندك بيك🌚
علي عمر شمس عسل:هههههههههههههههه هههههههههه ههههههههه حلللللل
ادم: يمه هيج اشمتين العدو بيه افا عليج ام ادم ما مرجيه منج هاي صايره مو زينه انتي ويايه ويايه هههه
علي: لك خويه بطل سخافتك رحمه للكائنات شكد تافهه
ادم: عادي مضغوطين مني وتغارون لان معدكم روحي الحلوه وها تره الانسان الناجح يكثرون اعدائه
عمر: ي يكثرون ع تفاهتك
ادم: ابقو ابقو هيج لحد ما تجون تتوسلون بيه مسقبلا واني اذكركم بيها بوقتها
علي: قصدك انته تجي تتوسل واحنه نحلها الك لان ندري بيك خبل مو عاقل
ادم: يممممممه عليج العباس دافعلي همه ٤ واني بطرك روحي
الام : ما عاش ليحجي ع حبيب امه ادومي الذهب هذول يحجون عليك لان يحبوك من حبك لاشاك ادومي
ادم: تعيش امي تحيى امي ويموتون اخوه يوسف

عسل: وعلى طول الريوك ادم يعارك بينا ابد ما سكت لحد ما امي طردتهم كلتلهم اطلعو دنظف
همه ناس صعدت بغرفها وناس طلعو واني وامي وشمس عزلنا البيت ورتبنا رغم البارحه البنات خطيه ماخلو شي ما نظفو ورتبو كفوو وفوو بس هم رجعنا رتبنا ونظفنا امي متعوده بيتها يلمع لمع تكرهه الخربطه
صعدت فوك ارتب بنفسي فتحت شعري وهو طويل واشكر وخليت حمره حمره وايلاينر ومسكاره ونزلت بتراكي اركض وشعري يركض وياي وفرحانه داكول لشمس تصورني اشو نزلت واعيط شموس وصار بوجهي اسد باوعلي صفن بهدوء نوب كال
اسد: ماكو حمره جذابه اكثر من هاي
عسل: هو اكو بس كلت شويه شويه
اسد: واني اكول لو تمسحيها ارحملج لان اذا ما مسحتيها امسحها الج بعد بيتي
عسل: حباب بس داخذ صور انشرهم بسنابي
اسد:ممنوووووووع
عسل: بابا الله يخليلك جهالك خويه بس صوره وحده وحده
اسد:ممممم زين انـي اخذلج مو شمس وبشرط وراها امسح الحمره
عسل: طبعا هنا اشتغل غبائي وكتله اي يلا عادي اخذلي نسيت اسد وخباثته
كال تعاي هنا اخذلج كتله لا بالاستقبال كال يلا
رحت للستقبال ورا امشي فتح الباب وكال تفضلي ست اخذلج
اخذلي صوره وحفظها بنسختين وحده الاصليه دزها لفونه وحده سوالها تعديل غوشها وطلع نص وجهي ويكلي هيج انشريها عاد اني طنكرت كتله سنابي بس بنات وهو شمبين مني هنا عصبت كتله اخذلي ثانيه
اشو هذا كبل خمطني وضمني بيده باسني بوسه مال افلام تفننن تفنن بيها بحيث ذبت بيده لحد ما حصيت بيه شابكني حيل دفعته وكتله عوفني اريد اخذ صوره بعد ما حاولت اضبط نفسي وما اموع بيده
اسد: شوفي حمرتج اول ونوب اخذي
انطاني فونه كال شوفي نفسج وخمط فوني من الطخم الوراي بسرعه مسح الصوره الاخذها الي تخبلت ردت ابجي وحمرتي لاعب لعب بيها رحت جريت كلنكس وكعدت بالاستقبال مطنكره اجه كعد يمي ها بنيتي شبيج ؟
عسل: على اساااااس متدري شبيه هاااا ليش مسحت الصوره هسه ترجعها معليييييه احجي والدمع مالي عيوني حرفيا انقهرت
هو من شافني هيج جرني لحضنه
اسد: ما عرفتج هيج ام دميعه وتبجين ع صوره كال عبالي مره خشنه ماكو شي يبجيها
عسل: ما ما كله من وراك اريدددد صور ونايمه ع صدره لان شابكني مخلي ايده ورا راسي وابجيت حيل هم مقهوره وهم هو شكاني من سالني ف كبل بجيت...... تصويت ⭐️⭐️