عائلتي الجديده

البارت العشرون

البارت العشرون
الكاتبه(سمو الملكه)

‏وَيا مَعشَرَ العُشّاقِ ما أَوجَعَ الهَوى
‏إِذا كانَ لا يَلقى المُحِبَّ حَبيبُ

تصويت⭐️⭐️
عسل: فدوه لكلبكم عمري وروحي وقوتي انتو الله يحفظكم الي وميحرمني منكم♥️
واكيد الكعده ما تخله من حضن شمس الي يزيح نص اهمومي وحضن حمودي ليزيح النص الخ ♥️نوب طلبنا عصائر وحلويات ونراكيل الشباب منزلين واخذت سفري لامي وابوي عصائر وكيك وحتى اخذت ودزيت لامي ام احمد ولابو احمد بيد حمودي دزيتهم
شمس: يمه الحنيه يمه حتى لاهلها بيت ابو احمد ادز هنيالنه عليج
عسل: شعندي غيركم وغيرهم ♥️
رجعنا للبيت واني بداخلي احمد الله واشكره ع هيج اخوه واخت سند وظهر الي وميخلوني وحدي والدليل وكفتهم وياي هسه وخاصه علي فاجئني توقعت راح ع الاقل يدافع لاسد بس هو ابد وكف وياي وابد ما دافع الاسد الموقف هذا ثبتلي همه شكد يحبوني وشكد حاسبيني حالي من حالهم وحال شمس وابد ما عدهم تفرقه بينا
رجعت للبيت واني مرتاحه ونزاح الهم والتفكير لان قاسمت تفكيري وياهم وهم حيساعدوني اكيد وما يلوموني اذا صار شي
الله السند ومن بعده اخواني وحتى احمد عرض عليه هو يجيبلي الحلقه هديه بس مقبلت كتله لا اسد يجيبها وفعلا تفكيري صح لان كلت بس اكوله الحلقه يجيبها اخوي يضوج ويكلبها كلاب عليه وفعلا ما غلطت بتفكيري وراها بيوم خابرني اسد
اسد: هلو شلونج
عسل: هلا الحمد لله
اسد: شو تحجين كوه خير اكو شي
عسل: لا عادي احجي وماكو شي !
اسد: لعد خوش اكولج اليوم عندي شغل باجر اخذج نشتري حلقه
عسل: اذا معندك مجال عادي حمودي كال اشتريها الج
اسد: لعدددد انييي شنو بويه طرطور هنا انييي زوجج لو هو ؟ شبيج متحجين (بعياط)
عسل: ع كيفك تره كتلك اذا مكدرت حمودي كال اخذج شّـْكو كبرتها وهي صغيره
اسد: لا اني باجر اخذج لان هسه بالدوام ماكدر اخذج
عسل: اوك اوك باي
اسد: باي الله وياج

عسل :جان كلش عصبي نار لدرجه شكيت واحد من الولد معاركه او حاجي وياه كد العصبيه
بس محد محاجي بس هو الله يسلمه خلص عمره عصبي خلص اليوم طبيعي حاله حال اخواته الايام الباقيه ثاني يوم من الصبح بس كعدت وتريكت ب١٠ تقريبا خابر الاستاذ اسد
اسد: صباح الخير كاعده
عسل: صباح النور لا بعدني نايمه
اسد : لعد اكعدي وبدلي راح امرلكم اخذج تشترين حلقه
عسل: مممممم اوك
اسد: بدلي بسرعه وبره نتريك
عسل: اوك باي
اسد: باي
عسل: اخخخخ ميدري بيه متريكه ومكمله تحضرت خليت ميك اب خفيف كلش ولبست سبورت بنطرون وقميص مقفل مفتوح وجواه تشيرت وباته وجنطتي وبقيت اخذ صور لبين ما اجه سلم ع امي وصاحوني نزلت ودعنا امي وطلعنا

رحنا نفتر بمحلات الماس بالمنصور ودخلت محلو مجوهرات هذا دائما نشتري منه معميلنا طلع هواي موديلات اخذت حلقه ماس كلش ناعمه  حتى اسد تفاجىء من اختياري لان هذيج المره ختاريت حلقه فخمه بس للامانه مو ناعمه مو حلوه لا بالعكس كلش حلوه ونازكه حتى عجبت اسد بس من شافني اخذت بس هاي بقه صافن عليه لدرجه كال بس هاي
عسل: اي بس هل حلقه اريد
اسد: اخذي محبس وياها احلا
عسل: لا لا عندي واحد وياها بالبيت واصلا انــي احب هيج شي ناعم ونازك
اسد: احمم اوكي كيفج
عسل: اوك دفع فلوسها وجانت تقريبا ٥٠٠ الف طلعنا من المحل
اسد: يا مطعم اخذج تتريكين او تتغدين؟
عسل: لااا ماريد رجعني للبيت
اسد بعصبيه : هاي ليشششش ليش متاكلين مو ما ماكله
عسل: لعبت نفسي من السياره وما اكدر اكل
اسد: لاااا اني اعررررف ليش ضايجه لان مشتريتلج هذيج الحلقه خرب تعاي تعاي رجعي هاي مدام بعدنا قريبين وشتري الي عاجبتج
عسل: شبييييييك لتعيطططط مو جندي عندك انييي تره خطيبتك وما اريد ذيج كوه ؟ ما اررريدها كررررهتها
اسد: مو صوجج صوجي صوجي امشي للبيت

رجعنا وهو روحه طالعه وخلصها يغلط ع فلان وعلان وحسره ابو سياره يوكف كدامه الا ما يخلي كلمه ما يكولها
عسل: بكلبي اكول حل بعد وبعد بعدك مشايف شي استاذ هههه
رجعنا للبيت ونزلت دخلت جوه وهو هم دخل ماما مسويه دولمه شبكتها وكلت يااااي حبيبتي لمترفضلي طلب لان كتلج البارحه مشتهيه دولمه  سويتلي فديتج نبع الحنان الغاليه اسد باوعلي بنضره ندم ع حسره نضره معرفت افسرها وراح بسرعه كعد بالصاله
حضرت امي الغده وحضرو اخواني ياكلون انتبهت ع شغله ادم ساكت وابد ما حاجه اسد وعمر نفس الشي وعلي بس يساله يجاوبه ب اي او لا ويسكت وشمس كل ما يباوعلها تخزره لدرجه اسد طكت روحه وكالها
اسد: شمس اكو شي شو تباوعين وتخوزرين شبيج؟
شمس: لااا
اسد: لعد شبيج
شمس: مبيه
اسد بصوت ناصي: استغفر الله
كملنا الاكل وعباد الله كلها كالبه وجهه ع اسد عدا امي وابوي لان ميدرون لو يدرون جان صار طرد اسد من البيت عمل شعبي ههههههه

طبعا ادم وشمس ميكدرون يتحملون لازم يفجرون القنبله واحد يغمز للثاني ومفهمت شي عليهم شمس كالت
شمس: رايحه اسوي جاي بس قبل لا اسوي عسوله اليوم مو شتريتي حلقه وينها؟
عسل: اي اشتريت فوك
شمس: بالعافيه حبيبتي جيبيها نشوفها
عسل : لاتعاي انَـتي فوك اشوفلجياها ما بيه اصعد اجيبها
شمس: لج داسوي جاي وبس اروح يحتروك والولد يبقون يحجون عليه انتي جيبيها
عسل: اوك ( رحت بنيه صافيه اجيب الحلقه واشوفلهمياهاا نسيت همه عدهم ثار ويه اسد وكارهي )
عسل: شمس شمس تعاي شوفيها
اجت شمس والولد صاحو عليه اشوفلهمياها كالو بالعافيه بس ادم علق
ادم: ايعععع شسالفه حلقه جيس حب لو كايتلي واني ناطيج فلوس تشترين وحده احلى وامتن هاي بس تغسلين ايدج تنكسر جنها رشيه صّــدك جذب يحجي ويباوع ع اسد واسد منا عصبي واعصابه فول
اسد : شبيك تباوع هي ختارتها كايللها اشتريها اختيارها هذا
ادم: مو من رحنا وياها اختارت غير موديل ليش مشترته
اسد: هياته كدامك اسالها ( وغلس دنك يشرب جاي )
ادم: عسل مو حلوه فتره واخذج انـي بدليها بموديل حلو والفلوس التكمله عليه
اسد بعياط: لك هيييي شنو مو بعينك شنو عليك..
بابا: احم يابه اسد اعصابك ميصير ما خليتولي احترام ادم معليك هي اختك رادت هل موديل وانته اسد لاتعيط وبس كافي اطفال انتو شبيكم يابه

عسل: من رزلهم بابا وعصب عليهم عاد همه هداؤ بس ادم راح صعد لغرفته معصب واسد استاذن وراح حتى بدون ميباوع بوجهي صاير نار
صعدت اني لغرفتي جان يوم متعب اتمددت اخذ ريست شويه تعبانه حيل من الفره وعصبت هم ف بدون مادري نمت كعدت ب٥ العصر ماما كالت تعالو نروح بيت عمكم راحت اني وماما وشمس لبسنا بشتات ولفينه الشال وحمره طلعه سريعه همه قريبين علينه كلش رحنا ومرت عمي وعمي بس يحشش ع اسد وفهد ويعيب عليهم واطفاله اصغار لعبت وياهم كلش تونسنه رجعت للبيت لكيت اسد كاعد بالصاله وجهه ميكصه السيف وعلي بالمطبخ دياخذلهم فواكه
ماما: علوش امي جوعانين اسويلكم عشه
علي: لاحبيبتي هسه اكلنا بس طالع فلم ونكرزهن وياه
ماما: براحتكم حبيبي اي شيء تحتاج كولي او كول للبنات
علي: حبيبتي اريد سلامتج
راحت ماما لغرفتها واني وشمس صعدنا فوك اشوف اسد شويه ويكوم يسحلني بس توقعت ضايج من الظهر ع سالفه ادم بس طلع ضايج لان طالعه وما حاجيتله لان دزلي رساله يكول....

تصويت⭐️⭐️