عائلتي الجديده

البارت الخامس عشر

البارت الخامس عشر
الكاتبه(سمو الملكه)

••
ستُبتلى بالتأخير في أشد ما يتمناه قلبك، فإن صبرت أعطاك الله ما تريد وأكثر ♥️☹️

لاتنسون التصويت⭐️

خلص الشهر وخابرتني ماما طبعا طول الشهر اهلي بيت ابو علي يخابرون حتى ادم ما يطول اسبوع ويخابرني يكلي متقبلين آٍجُـــي اخذج ؟ وامي وشموسه هم وعلوش يوميه يخابرني يطمائن عليه ف خابرتني ماما ام علي كالت عسوله ارجعي كافي مكانج خالي والبيت كئيب بدونج اشتاقينالج يا ماما جاي تعاقبينه لو تاذينه بروحتج هلكد روحيلهم محد لازمج بس مو هلكد بين وبين مو ترحين وبعد مترجعين
عسل : بوقتها استحيت من ماما وكتلها حقكم عليه وان شاء الله باجر اجيكم بس اجمع اغراضي واجي حمودي يجيبني كالت خوش واني حسيت نفسي مثل المتزوجه وتزعل يوميه  يوم يم اهلها هذول ويوم يم هذول هههه متونسه ع الوضع ورغم هذا كله اثر الحادث بعد يدك بكلبي واثار الجوي موجوده رغم استخدمت عصارات مال حرق وراح بس بقه سمار خفيف ثاني يوم كعدت الصبح سبحت وبدلت واخذت اغراضي ورحت لبيت اهلي ابو علي دخلت وكلها تسلم وتشبك بيه عبالك صار سنه بس لفت نضري رده فعل اسد
عسل : شلونك اسد
اسد: الحمد لله
عسل: حجه بس هاي الكلمتين وسكت وكوه اصلا كل مره يحاسب ويحجي ومن يسلم مو هيج هسه احسه كوه متحملني وعبالك زعلان مني ماعرف اختلطت عليه بس غلست عليه رحت بدلت وتغدينا عدت يوم تقريبا هدوء وراها بيوم دز عليه جدو بيتهم كال معزومين ع غده ورحنا كلنا وعمامي كلهم موجودين هم يعني العائله وعمتي الصغيره لان قريبه هم جايه تساعد بيبي واني رحت بتراك مال بيت رحت اساعدهم وهم اخذ راحتي وشمس لبست فستان بس فستان بسيط مو متكلف اول ما دخلت سلمت ع الكل ورحت بالمطبخ ارتب بالفواكه والطرشي واللبن ما كعدت ابد كملت كالو كمل شوي السمج مدو سفره طويله كعدنا كلنا ناكل سمج ودجاج بالفرن شوي  وتمن وخبر وخير الله كله خاليه بالسفره كملنا غده اني وعمتي ومرت عمي الصغير رحنا نغسل بالمواعين وحده تغسل وحده تشطف وحده ترتب اني ارتب وانشفهن من المي سوينا جاي هم سونه شمس وغزل وزعو للكل من وزعو جاي جدو صاح عليه كال تعاي عسل
عسل: رحت اركض فرحان حتى اشرب جاي كتله اخخخ جدو شكد الله يحبني لعد وصحت عليه حتى اشرب جاي
جدو: هههه ي بعد جدج هو الله يحبج ولهذا السبب عندي موضوع وياج
عسل: ي نسمع لجدي الحلو ليش لا
بابا: تفضل حجي
الجد : الكل موجود ابو اسد وابو علي والموضوع يخص اسد اني اريد اخطبله ...
اسد: من رخصتك جدي لااا لااا انييي ما اريد بعدني ما مستعد
الجد:  آٍسَكت اسدددد ما معلمينك ما تقاطع ليحجي؟!!! واني ما كملت كلامي المهم ياولدي انييي اريد عسل منك يابو علي لاسد وعسل نخطفت وكلها تحجي علينا الناس ما ترحم وما تنسه شيء والبنيه بنيتنا
اسد: بس جدي...
الجد: اسدددد
الجد: واني يابو علي ما الكالها احسن من اسد ابني ومربي وهي هم بتنا وتونا لكيناها وماكدر افرط بيها وانطيها للغريب
اسد: من رخصتكم كام راح طلع بره بدون ميحجي شي وسمعناه شخط السياره علي ما راح وراها ولا حاجاه ماعرف شعجب وجدو كلهم يحترمو ويسمعون كلامه رجال جبير وحقاني ويحب الكل
بقو يتنافشون واني احس نفسي صدعت من ورا الكلام صعدت فوك بغرفه غزل نمت من العصر ل ٧ بليل كعدت دياذن المغرب توضيت وصليت وطلعت كلت للبيت جدو رايحه لبيتنا لان اهلي رايحين طلعت من بيت جدو صار بوجهي اسد كال وين ؟
عسل: رايحه لبيتنا
اسد: لعد اهلج وين وانتي شعجب وحدج؟
عسل : اهلي بيتهم واني نمت وهسه كعدت
اسد: دتعاي خل اوصلج دنيا ليل
وصلني ورجع للبيتهم
عسل : من راجع متعارك هو وجدو سمعنا هل كلام من غزل لان هي متضم شي علينا ابد
خوش جنه مرت اخوي ههه كالت كسر الكلاصات والطبله ولعب لعب نوب جدي كعده وحجه وياه
الجد: انته ما تريد بت عمك؟
اسد: اي ما اريدها
الجد: متاكد رجال وكد كلمتك مو باجر عكبه يجي احد عليها تكول اريدها لاتهوبز وتصيح وتكسر وتاخذنا بهوستك
اسد: اي كدها
الجد : خوش يابه اني رايح احاجي عمك واكله اغلق الموضوع وبتنا عدنا منا لمن تجي قسمتها وخل الناس تحجي عادي
اسد: كلت لجدي اي لان متاكد محد راح يخطب عسل وخاصه هسه ع الاقل هسه طالعه من الخطف ف محد يفكر بيها واني اذا اتزوجها اريدها مقتنعه بيه مو غصب ما اريـــًد جبر وبامر من احد حتى لو جدي ما اقبل
عسل: ثاني يوم كعدنا تريكنا وتغدينا واجه جدو العصر سويناله جاي وشرب وكال جدو عسل تعاي اريد احاجيج بموضوع رحنا بالاستقبال كال سدي الباب وتعاي كعدي يمي سديت الباب وكعدت كتله كول جدو
الجد: عسل بنتي انتي تحبيني ؟ تثقين بيه؟اذا اكولج ع شي تنفذي
عسل: حسيت الموضوع يخص اسد جاوبت جدو اي احبك طبعا اثق بيك وشتكول خادمتك اني
الجد : بعد روحي معدله وبت اصول مو مثل ذاك الثور الهايج كون مسمينه مو اسد
عسل: لزمتني الضحكه متتتت حتى جدو ضحك عليه كال بويه مادري هيج تفرحين من احد يحجي عليه هههه بس هو جدو من كال ثور هايج جابها فيت عليه صدك ثورههههههه
كمل جدو كلامه
الجد: بويه عسيله  بـعد جدج انتي ما تعرفيني انييي محد يكسرلي كلمه لامن عشيرتي ولا من اهل بيتي ولد وبنات كبار وصغار ما تكسرلي كلمه وكلها تمشي وياي عدل لان ما احجي شي غلط واني يابنتي من كتلج اريدج لاسد لان ادري بالثور رايدج ويحبج ومن اجيتي لليوم هو عينه عليج ويراقبج ويحاسبج ويخاف عليج لو من انخطفتي جنه طير مذبوح يفرفرح عليج واني ادري بيه زلمه معدل ويدلل مريته ولهذا السبب  ردتج اله يا بنتي هم بتنا تبقا عدنا وهم هو ابنه مو غريب ويا بنتي الناس اكلت وجهه ابوج واخوج لاتشوفيهم ما يحجون شكلك ضباط وبتهم انخطفت اكيد لو اغتصبوها لو سولها شي واني ادري واثق بيج انسانه طاهره ونظيفه ولهذا ما اشوف احد يستاهلج غير ابن عمج ويا جدي هسه لكيناج وما نريدج ترحين من ادينا لغريب ما شبعانين من شوفتج واريدج ابيتي يمي اذا الله خلاني سالم واشوف ولدكم بحضني
عسل: الله يطول بعمرك حجي بس جدو انته تعرف ما يقبل قابل اروح اتوسل بيه واذل نفسي تقبلها عليه؟!!!
الجد: افا ما عاشت ليذل حفيده من حفيداتي وراسي يشم الهواء بس عندي ابالي سالفه واريدج تماشيني بيها واخلي هو يجيج يتوسل شتكولين بويه؟
عسل: أمرني واني تحت امرك وبخدمتك
الجد: ما يامر عليج ظالم بنيتي خادمه ربج جدي هاي هيه ان شاء الله اكلج شسوين
الجد: رحت وحاجيت ابني الوسطاني مجتبى كتله اخطبها ليوسف ابنك عسل بنتي واريدها لولدنا ما انطيها الغريب بس بشرط؟
مجتبى: شنو يابه
الجد: شوف ابو احمد اذا خطبتها واسد رادها تعوفها لاسد لان هو ابن عمه الجبير وهو الاحق بيها بس لاتحجي شي كدامه او تكله الك البنيه  لاااا  تكله الشور شور ابوي وهو ليقرر خوش يابه
مرتضى: الي تامر بيه حجي

تصويت⭐️💫