عائلتي الجديده

البارت الاول

البارت الاول
الكاتبه ( سمو الملكه)

وين ادورك
والدروب تموت سكته
طبع اليفارك ترئ يموت بصفنته

مرحبا اسمي عسل عمري٢١ سنه عايشه ويه امي الي هيه زينب وابوي اوس واخوي احمد١٩ سنه ابيتنا عائله متفاهمه واحد يحب الخ وماعدنا مشكله ويه اي شخص نرجع قبل عشرين سنه

زينب: ولج يمه الحكيلي راح اجيب يممممممه اخذوني للمستشفى
ام زينب: ي يمه هسه اوس شغل السياره راح ناخذ بعد امج كولي يا الله  وهي تسهل بس اصبري علينا هسه رايحين بعد عمري
زينب: ولج يمه وجع يموت راح اموت
الام: يله تعاي لزمي بيه حتى تمشين اسرع ونوصل بسرعه
زينب: رحنا مستشفى عام وهوسه وكومه نسوان تجيب
جابت زينب بنيه بعد طلعت روحها من الوجع لكن للاسف البنيه حالتها تعبانه كلش واحتمال تموت ....

بينما اجت مروه هم تجيب بهذا المستشفى نفسه لجابت بيه زينب لكن هاي غصب اجت لهل مستشفى لان حالتها الماديه كلش زينه لكن بسبب النزيف الي عدها جان لازم تروح لهذا المستشفى جابت مروه بنيه اسمها عسل وفعلا عسل ايه من الجمال سمره وعيونها خضر والخدود حمر تخبل جانت لاكن حالتها جنت تعبانه بسبب حاله الام والنزيف الصار عند الام ف اثر ع الطفله لان الام تعبانه وهذا الي خله الطفله تتعب ايضاً

شصاررر؟؟؟
الممرضه اخذت بنت مروه عسل انطتها لزينب وبنت زينب انطتها لمروه لان جان بالحاضنه سوه وبدون قصدها صار عدها اشتباهه وانطت بنت مروه عسل لزينب وبنت زينب لمروه وماتت الطفله بنت زينب طبعا لان حالتها خطره وبقت بنت مروه عسل الي هي عند زينب

نرجع للحاضر
عسل : ماما يله حتاخر ع الكليه خرب
زينب : لج ماما اوكفي اشربي جايج وروحي
عسل: اوك
عسل: الحمد لله كملت اكل يله بـــاي بابا وماما اجه الخط
الاب والام: الله وياج حبيبتي
راحت للكليه والتقت بصديقاتها ميسم وميس تؤم
عسل: صباح الخير شيطانات
ميسم وميس: هلا بام لسان شلونج
عسل: الحمد لله يله بنات خل ندخل للمحاضره راح تبدا
ميسم وميس : يله عسوله
حضرنا محاضرات وخلص اليوم نفس الايام لقبله لاجديد وخلصت الايام نفس الشي روتين بين الدوام والبيت ونروح بيت جدو اهل امي لان جيرانه واهل ابوي هم بس شويه بعيدين علينا
لحد ما اجة اليوم الاسود

كعدت من النوم ساعه ب١٠ عطله اخير السنه وهم يوم جمعه لازم كيمر عرب
عسل : صباح الخير بابا وماما
الاب والام: هلا بعسوله صباح النور يحلوه
عسل: يله ماما صبي ريوك كيمر وكاهي وتلويزاتج حبيبي الحلو بسرعه جوعانه
احمد: صباح الخير ع الناس الشبعانين عدا عسل ام كرش
عسل: ديلا ع اساس مراح تكعد تبلعلك صمونتين حتى منلحك عليك ونوب يحجي عليه منيلي الكرش
احمد : لج منو يوميه ياكل الاكل كله غيرج
عسل : قصدك غيرك ابو بطن هو منو مخلص فلوسنا ع الاكل غيرك
الاب: ولكم كــافي من الصباحيات عرك شبيكم جهال صرتو اطول مني وبعدكم تتناكرون عـيـب بويه اكعدو سمو واتريكو
تركينا وابوي طلع هو واحمد
واني وامي بقينا انظف لحد الغده تغدينا ونوب كل واحد راح بغرفته لحد العصر كعدنا ماما سوت كعك وجاي واندك الباب
الاب اوس : نعم تفضل
الرجال: السلام عليكم
الاب: وعليكم السلام هلا بيك تفضل امر خدمه؟!!!
الرجال : ممكن ندخل جوه للبيت عدنا موضوع وياك مهم
الاب : تفضل يابه كل الهلا بيكم
&&&&