عائلتي الجديده

البارت السابع عشر

البارت السابع عسر
الكاتبة(سمو الملكه)

نقطة ضعفي لو لاگوني عشاگ
وانتَ بعيد عني وحيل مشتاگ
احس بروحي ظلمة بنص درابين
واحس الموت اهون من الفراگ .

تصويت ⭐️⭐️
عسل: تفاجئت من جدو حجه بقيت ساكته واباوع بهدوء شفت بابا هيج حجه كلش فرحت وحسيت رفع راسي بينهم ردت اكوم ابوسه كد ما فرحت بيه وبكلامه الي سندني عيوني بقت تلمع من الفرح وحلكي الابتسامة شكته من الاذن للاذن بحيث اريد  آٍسَكت ولج عسل عـيب هسه عبالهم مكيفه بس ماكدرت والله لان كلام بابا فرحني كلش

بقينا يم بيت جدو ورجعنا بليل نمنا ثاني يوم اجه فهد وكال اريـــًد احدد موعد للعرس بابا كله اذا عسل انخطبت لاسد عرسكم ورا الخطوبه مالت عسل واذا ما صارت الخطبه هم ماكو مشكله اتفقو انته ومرتك وشوفو الوقت ليناسبكم وشتحتاج ابني اني ابوك والولد اخوتك بس كول واعتبره تم تشكر منه فهد وبقه هو وشمس يتفقو بينهم ع امور العرس والترتيب مال قاعه وصالون وهاي الامور واني كل دقيقه آٍجُي يمهم اريد فستان جبير اكبر من بدله العروسه واريد تسريحه ع طول شعري وشعري من جوه اخصله فضي وهمه ديحجون دخلو اسد وعلي واسد سمعني اكول اخصل شعري فضي بقه صافن عليه دقايق نوب دخلو كعدو واني بقيت اتناقش ويه شمس ع اللوان مال بدلات والمكياج وعلي واسد يسولفون ع الشغل وفهد كاعد ويباوعلنا صفح لان كل ساعه مطلعين اله شغله جديده حتى امي كالت يمعودات خبلتو الولد وهو ما صّـــِْـْْـِدًك ي خاله انقذيني خبلوني مرضوني انقذيني من بناتج ما خلو ع حالي حال فلوسي خلصنها راسي شيبنه كلبي خلص من الصبر خاله داخل عندج اني

عسل: عيني ع كيفك اني اخت العروس وهاي تره العروس خاف ما تدري وهو شرايدين بدلات وفساتين الي من تركيا اطلبهن رجاءاً ومحلقاتهم واكسسوار  وهاي هي  قابل شطالبين يولو بس تبجي وتتافف تره اخلي اختي ما تزوجك
فهد: بس هاي هيه يمعود شسالفه شو كلشي مطلبتي وهو بكيفج ع اساس  وبكيف اختج ما تزوجني تايهه الكم مو
عسل: اي عيني تايهه النا عندك اعتراض فهيدان
فهد: شلون بلسانج الطويل ولج انـي ابن عمج ونسيبج واكبر منج لازم تحترميني
عسل : محترمتك بـعد عمري قابل غالطه عليك
فهد: عوزها تغلطين عسيله خانم
عسل: بكيفي
عسل: هذا كله اسد يراقب بصمت ما ادخل يتناقش هو وعلي ويتصفحون بفوناتهم ما ادخلو بينه

عسل : ورا شويه طلعو علي واسد وفهد راح لبيتهم بليل ورا بيومين اجوي خالتي واسد يريد يوصلهم للسوك هي وامي عدهم كم شغله نقص جنت كاعده بالحديقه وحدي دخلو اسد هو جان بره ومن شافني كاعده بالحديقه دخل وخالتي سلمت عليه ودخلت جوه واسد اتقدم اتجاهي
اسد: هلو
عسل: هيلووو
اسد: ممكن تردين عدل بدون متعوجين حلكج؟
عسل: ابرود لااا ماعرف لازم اعوج علكي
اسد: استغفر الله اكولج
عسل: هاااا كولي
اسد: شوفي اذا تصبغين شعرج او تكصي اكص راسج وراها وقد اعذر من انذر
عسل : اوووي انته شعليك وبعدين مصرت خطيبي وهيج دتتحكم بيه لو خطيبي شلون انــي ححاجي جدو ونلغي موضوع الخطبه  مدامنا بعدكم مخاطبين
اسد: عسل قسماً عظما اذا فتحتي حلكج بحرف شايفه الحرف اذبحج
عسل: شكو...
اسد: عينج لج لا افكسها الج
عسل: طلع وسد الباب ورا قوي نوب طلعت خالتي وامي بعد ما دك هورن الهن روحه طلعت يموت من التاخير اعرفه ويكره طلعه النسوان بس مجبور
دخلت جوه شربت قهوه ورحت تمدد بسريري
شمس كاعد بالكاع ترتب بغراضها
واني اروح منا واجي منا اخر شي مشت تقريبا ٤ ساعات واني نسيت امي وخالتي وحتى لو ادري اسد يوصلهن ويعوفهن ويروح هنه يرجعن من السوك ف لبست بشت وشال لفيته لفه خفيفه وخليت حمره ومسكاره وطلعت داشتري موطه والجو حلو الولد ماكو وبس شمس كتلها اشتري وارجع بسرعه نوب هي وصتني اجيبلها وياي هههه كتلها اذا لكيت فهد او واحد من ولد عمي عود اخذه وياي
رحت اتمشه والجو يجنن بيه غيم خفيف واباوع ع السماء اشتريت ودارجع واني بالطريق شفت سياره اسد بطني وجعتني اول مره احس هيج خوف كلت اجاك الموت يا تارك الصلاه شافني اتقرب وطبك السياره يمي اخذت نفس وهو يامرني اصعد اشر الي بركبته
صعدت ورا يم ماما بدون ما احجي شي
ماما: عسل طالعه وحدج؟
عسل: ماما محد موجود وهو هيانه محل المثلجات جبت الي ولشمس وهاي دارجع للبيت
الام: عادي امي بس احنا نخاف عليج لا يصير شي يا امي جان اخذتي واحد من بيت جدج وياج
عسل: ع الجايات
عسل: اباوع الاسد ساكت حرف محجه بس عيونه عليه وكل ساعه يخزر هو وكف السياره نزلت اركض حتى ليستفرد بيه ويرزلني حتى ماما عاطت عليه عسل لاتوكعين
بس اني ويـن ركضت من ورا صكاري ي نعم هو صكاري
رحت لشمس انطيتها الها وكتلها لاكيت ماما كالت همزين حتى مترجعين وحدج اكلنا وكملنا وصار ليل ومشفت اسد وغلست عليه بس اكيد اسد ميغلس ولا ينسه
دخل ثاني يوم العصر هو وغزل وفهد العصابه مالتهم سلمو وكعدو
ضيفتهم عصير اسد كال اريد جاي وفهد هم
رحت سويت الهم جاي
انطيتهمياه اشو اسد كام راح للمطبخ وعاط عسلللل تعالي ويــن الشكر اني نسيت السالفه اصلا مال رزاله طلعتي
اجيته كتله عيني استاذ اسد ابقه اعلم كلشي ما تندل اوووي
اشو هذا لزمني من زندي وعصرها حيل بحيث عيوني دمعت من الوجع وكال عسل هل مره راح امشيها بمزاجي طلعتج مره لاخ اطلعين وحدج اكسر رجليج واخليج حسره عليج الطلعه بلعت غصتي ورحت كعدت ربع ساعه واصلا مدنكه كوه حابسه دموعي نوب تسحبت وصعدت فوك ونمت ع سريري ومتتت بجي بسبب الحقير وحتى صدك قررت اعوفه ماعنده تفاهم كله عنف بقيت تلث ايام ما طالعه كدامه ولا شايفني بس ادري بيه جاي او اسمع صوته اختفي لان مالي طاقه اتعارك او انغث بسببه وكلت لازم اعاقبه ومادري ليش خطر ع بالي انو عقابه ما اخلي يشوفني وفعلاً ما خليته يشوفني بحيث اسبوع كامل ما شافني نوب كتلهم اريد اروح لاهلي بيت ابو احمد بابا كال وموضوع اسد موافقه او رافضه بكيفج ما اجبرك ع شي كتله بابا خل اروح اسبوع يم اهلي هناك وافكر ع راحتي بدون ضغط حتى اعرف قراري بابا كال خوش الي تردي يجرالج بس لا اطلعين وحدج ولا ابد باباتي اخاف عليج كتله تأمر أمر رحت لاهلي بدون ما اشوف اسد اجه عليه اخوي احمد اخذني ورحت
اسد: صح اعيط عليها وارزلها بس حتى اخليها تخاف وما تصرف بكيفها وكون تحسب الف حساب قبل ما تسوي شي لان ادري عسل كله بكيفها وع فطرتها تصرف واني اخاف عليها وخاصه بعد الخطف ف خفت ينعاد الخطف او احد يتعرضلها وما شاء الله يوم بعد يوم تعصبني بالزايد وتطلع عصبيتي عليها اخر رزاله من رزلتها بالمطبخ حسيت بيها اختنكت وحتى مكدرت تحجي ونوب من كعدت بالصاله بقيت ما رفعت عيني عنها جانت مدنكه وما حجت اي شي ابد لحد ما صعدت بعدين كمت يوميه آٍجُــي لبيت عمي اريد اشرفها كلبي يدك حيل بصدري يريدها وعيوني تلقائياً ادور عليها وهي ماكو اخر شي طكت روحي اليوم الخامس رحت وهم ما شفتها كتلهم وينها كالو نايمه فوك صعدت فوك بحجه اخلي عطر من علي الي غرفته فوك عسى ولعل اشوفها فتحت الباب مقفول والله ردت ابجي زلمه شطولني شعرضني اختنكت لان هي ماكو رحت خليت عطر ونزلت مطنكر وراها ب٤ ايام رحت وهم سالت شمس ويــن اختج كالت راحت لاهلها بيت ابو احمد هنا نصدمت والشياطين كلها كامت تفتر كدامي وكلت ارجع لبيتنا لولا اخابرها وارزلها رزاله كون تبجي كدامي ياله ارتاح بحيث شرايني برزت واني مادري وعلي من نزل من غرفته كال شبيك ياله نتبهت ع نفسي وكتله عصبت من الازدحامات بالشارع ودخل عمي سلم وكعد وعمر كاعد بس ادم ماكو
اسد: الله بالخير عمي شنو جواب الابنيه ما رديتولي خبر موافقه لا؟
العم : ابني اني لو عليه اكولك كبع واخذ بس تعرف لازم اخذ رائيها وهي راحت لاهلها حتى تفكر وتاخذ قرار وكتلها براحتج
اسد: من سمعت هيج سكتت وحتى مكالمه كلت ما اخابرها لان بس اخابرها ادري وراها ميه بالميه اخرب الاول والتالي ف كلت انتضر لحد ما تنطيني جواب وراها اتصرف....
تصويت⭐️⭐️