Claiming the Opposite ✔

26

Suitor

ILANG beses kong pinagmasdan ang sarili sa full body mirror. Naisipan ko kasing mag-jogging. Sasama rin daw si Jauncy. Guess what kung anong suot ko? I'm wearing a croptop na masyadong exposed ang pusod ko at pinaresan ng dolphin shorts. Suot ko rin ang bagong rubber shoes na binili sa akin ni Jauncy.

As I opened the door, the surprise look of Jauncy greeted me. Narinig ko pa ang malakas na pagsinghap niya at masuring pinasadahan ng tingin ang buo kong katawan. Nahihiyang napangiti ako at agad siyang nilagpasan.

"Bakit ganyan ang suot mo?"

"And so?"

"Hindi ka mahilig magsuot ng ganyan. At saka, kitang-kita pa talaga ang pusod mo," strikto niyang saad.

Napatanong rin tuloy ako sa sarili. I'm actually disgusted imagining myself wearing these kind of clothes. Pero pati sarili ko ay hindi ko masagot. Though, nakakapanibago pero at the same time masarap sa pakiramdam.

"For a change? Medyo presko rin kasi. Hindi katulad sa nakasanayan kong mga sinusuot na damit na mainit sa pakiramdam dahil balot na balot ang katawan ko."

Lalo na talaga kapag naka-pantalon at malaking T-shirt ako.

"It's early in the morning and you just wore that very exposed clothes. What do you think of yourself? Member ng mga dancer ni Willie?"

Napanganga ako. Iniinsulto niya ba ako?

"At kamukha mo naman si Willie. Bigyan ng jacket 'yan!" agap ko.

"What a lame joke, Xierl."

Natagalan bago kami makadesisyon na lumabas na ng bahay. Hindi niya kasi ako pinayagan na ganito ang susuotin ko. Kaya nagkasagutan pa kami ng ilang minuto. Madalang pa nga akong magsuot ng damit na katulad nito tapos kokontrahin niya pa ako ngayon na nasa mood.

Kasama namin si Asher habang si Nibbles naman ay hindi na namin napilit dahil umandar na naman ang katamaran. Ayaw tumayo. Sadyang nakasanayan na talaga ang magpalaki ng tiyan habang komportableng nakahiga sa sahig.

Habang tumatakbo at buhat-buhat si Asher, narinig ko ang pabulong-bulong na reklamo ni Jauncy na nasa likuran ko. Ibinaba ko muna si Asher at nagsimula nang tumakbo ulit habang hila-hila ang collar nito. Natutuwang sumabay rin naman ito sa pagtakbo ko.

Nang sobrang pinagpawisan na ako ay tumigil na muna ako pati na rin si Jauncy. Inabot ni Jauncy sa akin ang tumbler na may pipino at lemon ang tubig.

"Fuck!" rinig kong mura niya.

Nakabusangot na nilingon ko siya.

"Hindi ka pa rin maka-move on? What more kung makita mo akong naka-bikini? Baka mahimatay ka na lang bigla noh?" panunukso ko.

"Pati ba talaga ang legs mo ay pinagpapawisan?"

Napatingin ako sa mga binti ko na kumikinang dahil sa pawis.

"Kita mo naman sigurong medyo basa, 'di ba? Hindi rin naman ako biglang naihi. Minsan ang tanga mo talaga, Onse."

Pagkauwi namin ay humigop lamang ako ng Lucky Me. Pagkatapos ay agad kong niliguan ang dalawa naming alaga sa backyard.

Nang matapos ako sa pagligo ay napili kong magsuot ng floral dress. Inaya kasi akong magsimba ni Jauncy sa Born Again. Pagdating namin ay naupo kami sa likuran. I roamed my eyes inside. Pakiramdam ko hindi ako belong dito.