Lop_Eared Guard (နားရွက်ကျလေးနဲ့ သက်တော်စောင့်)

အခန်း(၃)

လုရှန်းကျင်က ယန်ယိကို စိုက်ကြည့်နေသည်။

ထိုအကြည့်တစ်ချက်က ဘာမှလုပ်စရာမလိုပဲ ခြေကျိုးသွားတဲ့ငှက်တစ်ကောင်လို ယန်ယိကို ကြောက်လန့်မှုတို့နဲ့ ပျော့ခွေသွားစေသည်။

'ဟုတ်တယ် ယန်ယိသိပ်ချစ်ရတဲ့ အယ်လ်ဖာက ဤမျှလောက်အထိ လွှမ်းမိုးနိုင်စွမ်းကြီးပြီး အကယ်၍ ယန်ယိရဲ့အရှေ့မှာ UMP9 သေနတ်ဆယ်လက်နဲ့ ချိန်ထားမယ် ဆိုရင်တောင် လုရှန်းကျင်ရဲ့အကြည့်တစ်ချက်လောက် သူ့ကိုတားဆီးနိုင်စွမ်းရှိမှာ မဟုတ်ပေ။

တုန်လှုပ်မှုကြောင့် ယန်ယိရဲ့ နှာခေါင်းလေးတွေပင် နီရဲနေပြီ။

"ဆေးရုံကားခေါ်လိုက်"

လုရှန်းကျင်က ယန်ယိအရှေ့ကို ဖုန်းပစ်ပေးပြီး ပြောလိုက်သည်။

တုန်ရီနေတဲ့ ယန်ယိရဲ့လက်တွေက ဖုန်းကိုလည်း မဖမ်းလိုက်နိုင်ပဲ သူ့ရင်ဘတ်ကို ထိမှန်သွားသည်။ ပြင်းထန်သည့် အားတစ်ခုနှင့် သူ့ရဲ့ ရင်ညွန့်ရိုးကို ထိခတ်ပြီး နာကျင်သွားပေမယ့် ယန်ယိကတော့ ထိုနာကျင်မှုကို လစ်လျူရှုပြီး ဖုန်းနံပါတ်တွေကို ရိုက်နှိပ်လိုက်သည်။

"ဟုတ်ကဲ့ ။ လူသားအိုမီဂါတစ်ယောက်ပါ ။ သူ့ဆဲလ်ကလင်းတွေ တုံ့ပြန်မှုမရှိတော့ဘဲ ထိခိုက်မှုနည်းနည်းဆိုးနေတာပါ။ အရိုးကျိုးသွားတာ ထင်တယ်။ "

ဖုန်းပြောပြီးနောက် ယန်ယိက လုရှန်းကျင်ကို ပြန်ကြည့်လိုက်သည်။

အိုမီဂါများက မူရင်းကပင် အထိအခိုက်လွယ်ပြီး တစ်ခုခုဖြစ်တာနဲ့ သူတို့ရဲ့ ဆဲလ်ကလင်းတွေလည်း တုံ့ပြန်မှုရပ်တန့်သွားတတ်သည်။ သာမန်အိုမီဂါတွေနဲ့ မတူဘဲ လူသားအိုမီဂါတွေက ပိုပြီး အားနည်းတတ်ကြသလို ခုခံနိုင်မှုအားလည်း နည်းကြသည်။
နာကျင်မှုကြောင့် ရီဝေဝေဖြစ်နေတဲ့ ပုံစံနဲ့ပဲ ယွမ်မိက လုရှန်းကျင်ဆီကို အားနည်းစွာ လက်ကမ်းနေသည်။

လုရှန်းကျင်က ယွမ်မိအနားသွားပြီး ကိုယ်ကိုကိုင်းကာ ပွေ့ဖက်ထားလိုက်သည်။ သူ့ရဲ့ ဟော်မုန်းတွေကို ယွမ်မိကိုယ်ထဲ စီးဝင်စေပြီး အသည်းခိုက်လုမတတ်နာကျင်နေတဲ့ အိုမီဂါကို သက်သာရာရစေဖို့ ပြုလုပ်ပေးနေသည်။
ယွမ်မိက သူ့နာကျင်မှုကိုသက်သာအောင် ပြုလုပ်ပေးနိုင်တဲ့ လုရှန်းကျင်ရဲ့ခန္ဓာကိုယ်ကိုတွေ့သည်နှင့် လက်မောင်းတွေထဲ အတင်းတိုးဝင်ပြီး သူ့လက်တွေကိုလည်း လုရှန်းကျင်ရဲ့ လည်းပင်မှာ တင်းကြပ်နေအောင် တွယ်ဖက်ထားလိုက်သည်။ အထိန်းအချုပ်ကင်းမဲ့နေသည့်အလား နေရာအနှံ့သို့ ပျံ့နှံ့လာသည့် ဟော်လ်မုန်းနံ့တွေက ပြင်းထန်နေပြီး လုရှန်းကျင်ရဲ့ ရင်ခွင်ထဲက အိုမီဂါကတော့ သူ့ကိုဒီထက်ပိုပြီး တင်ကြပ်နေအောင် ဖက်ထားပေးဖို့ တောင်းဆိုနေသည်။