﴿وحيدة أنا في عالمك﴾

الفصل الثانى والعشرون

#وحيدة_انا_في_عالمك
ـــــــــــــــــــــــــــــــــــــــــــــــــــــــــــــــ
وقاطع حديثهم دخول جدته فيروز بقوه
فيروز: انا الى اعرف اللغز ده ياولدي
جمال بصدمه: كيف يعنى!.. وانتى ايش عرفك بالى حُصول ده كله
ادهم: استنى بس ياجدى نفهم يمكن بابا حكالها ولا حاجه
فيروز: صوح ياولدى ابوك جبل ما يموت كان حكالى كل حاچه
ادهم: احكى طيب
(Flash back  قبل مايموت هشام بأسبوع)
هشام: بصي يامي انا عاوز احكيلك كل حاجه.. يمكن ضميري يريحنى
فيروز: تحكى اى ياولدى ماتوخوش قلبى عليك
هشام: احكيلك اى الى حصل من ساعه ما طلعت من دوار ابوى... انا كنت مخبى على ابوى زى مانتى عارفه ان ياسمن رقاصه وانى شوفتها لما كانت جايه فى فرح عادل ابن الحج عوض فى البلد عندينا واتعرفت عليها هناك واطريت اكذب على ابويا واقوله انها بنت ناس اغنيه فى مصر وان هى اصلا معندهاش اهل ولما سبت البيت ومشيت روحتلها على مصر وفضلت تشتغل لحد ما بقت حامل فى ادهم واضرت تعد من الشغل وانا كنت بدات اشتغل فى شركه كبيره فى مصر بتاعت إعلانات وديكور وحاجات من دى وفضلت اعلى حبه بحبه لحد مابقيت رائيس مجلس الاداره فى الشركه وياسمين ولدت ادهم بس وهى بتولده الدكتور ادالها حقنه غلط جابتلها شلل نصفى وانا مبقتش قادر على مصاريف علاجها ولا مصاريف الواد لحد ما قبلت منى وعرفت انها بنت صاحب الشركه وانه راجل غنى اوى...واستغليت حب ابوها ليا واتقدمتلها ووافق ابوها واتجوزتها وبعد سنه من جوازنا كانت هى حامل فى زياد وانا مقدرتش اخبى عليها اكتر من كده وحكتلها كل حاجه وعرفتها بادهم.. وبعد خناق كتير وصلنا الى انى اطلق ياسمين واخد منها ادهم وتربيه هى مع زياد اكنها امه وكنا متفقين اننا مش هنقول لحد خالص بس ياسمين رجعت تهددني تانى وانا سكتها بقرشين بس مش عارف هتفضل ساكته لحد امتا... انا حبيت اقولك واحكيلك ياما عشان لو جرالى حاجه تبقى عارفه وتحنني قلب ابويا عليا ويسامحنى
فيروز ببكاء: كل ده حوصل ياولدى واحنا ماخبرناش.. لى عصيت كلام ابوك فى الاول.. ربنا يسامحك ياولدي
(Back)
ــــــــــــــــــــــــــــــــــــــــــــــــــــــــــــــــــــــــــــــــ
كانت الصدمه هى ما توجد على وجه ادهم وجمال ويعم الصمت حتى تحدث ادهم بجمود
ادهم:- انا كده ارتحت... هطلع انام عشان ورانا سفر بدري
ثم ذهب من امامهم وصعد الى الاعلى ووضب الحقائب وحاول ان ينام مثلما فعلت ملك ولكن لم يقدر،ثم احتضنها ورأى اثار كدمات الضرب على زراعيها وجسدها وقد اثار غضبه وازدات تفكيره وظل طوال الليل يفكر ماذا سيفعل حتى غلب عليه النعاس ونام....
ـــــــــــــــــــــــــــــــــــــــــــــــــــــــــــــــ
وفي الصباح بدأو فى التجهز للسفر واخذ ادهم الحقائق ونزل الى الاسفل والقى التحيه على الجميع واعطى تحيه خاصه لجده وجدته واخذ ملك وذهبو الى القاهره من جديد لكن ذهبو الى المشفى أولاً كى تاخذ ملك جلست علاجها...
انتهت ملك من الجلسه ورأى الطبيب الاشاعات والتحاليل
الدكتور:لا لا داحنا كده نقول مبروك بقى
ادهم بسعاده:اى يا دكتور طمنا
الدكتور: الاستاذه ملك..كده اقدر اقولك ان المعجزة اتحققت وهي خفت تماما وتقدر تبطل الجلسات خالص
قام ادهم بسعاده بالغه واخذ ملك باحضانه بقوه وفرحه وحماس
ملك بدموع:الحمد لله يا ادهم
ادهم: ربنا كبير اوى يا ملك الحمد لله
خرجا الاثنان من عند الطبيب وابلغ الجميع بالهاتف وكان هذا الخبر أكثر فرحاً منذ ما بدأت دائرة الانتقام، ركبا السياره وتحركا، مرة ساعات قليله ووصلوا الى منزلهم ولم يستمع ادهم لحديث الجميع الموجه لهم وذهب الى الاعلى ودخل الغرفه واخذ ملابسه وبدأ فى الاستحمام وبعدما انها خرج الى الخارج وسمع احد الخدم يتحدث بصوتٍ منخفض فذهب يستمع الى من تتحدث واستمع الى الحديث كاملاً لان الخادمه كانت مشغله مكبر الصوت وسمع احد ويتكلم بصوت مليئ بالحنيه واللُطف:-
^^^:-روح قلبى عاملة اى يا جميل ....
نعم هذا الصوت ليس بغريب فقد استمعت هذه النبره من قبل وظل يفكر حتى علم من هذا
الخادمه:-مش كويسة خالص ...
^^^:- تؤتؤ لى كده بس ...
الخادمه:- مبتجيش خالص و مشوفتكش غير مره واحده بس وكانت الدنيا ضلمة اوى ومشوفتكش
^^:- طب هبقى اعدى عليكى قريب المهم عاوزك فموضوع كده
الخادمه:- استنى بس عندى ليك مفاجأة
^^^:- لا لا مش واقتو خالص
الخادمه:- استنى بس حاجه مهمة
^^:-طب احكى ياستى
الخادمه:- سمعت الاستاذ حسام وهو بيحكى مع استاذ زياد و كان بيقولو انو عندو اخت بنت وابوه متجوز علي مامتة ومحدش يعرف غير استاذ زياد
^^^:-اى!!...طب حلو اوووى اووى كده
الخادمه:- حلو ازاى يعنى?!
دخل ادهم فى هذه الاونه وتوترت هى ثم اشار لها بأن تستمر فى مسايرته فى الحديث
^^:-لا مش قصدى يعنى .. المهم بس هعدى عليكى بكره هديكى ظرف فيه حلاوتك
الخادمه بتوتر:- طب تمام هستناك
^^^:-طيب يا قلبى ...
الخادمه:- هو انت هتيجي امتى بالظبط
^^^^:مش قولنا مليون مره انا هبقى اكلمك اووف
واغلق الهاتف دون ادنى كلمة اخرى
ــــــــــــــــــــــــــــــــــــــــــــــــــــــــــــــــــــــــــــــــ
بدأ ادهم للاستعدات لحفل زفاف صديقه وشقيقه حسام وبعدما تجهز ذهب له وكان معهم وليد ومحمد وزياد، اما الفتيات فذهبن لرغد كى يتجهزوا ويستعدون...
ـــــــــــــــــــــــــــــــــــــــــــــــــــــــــــــــ
وليد:يا ياخى اخيرا هنخلص منك
حسام:بقى كده هى دى الصحبه يا صحاب اندال
زياد:اندال اندال اندال
وظلو يغنون معاً فى سعادة اما ادهم فكان يسبح فى بحر أفكاره وكأنه مغيب عن العالم، حتى جاءه حسام وظل يشاكسه كي يندمج معهم فى السعاده لكن لا حياة لمن تنادى
ظل حسام يناديه حتى اخيراً قد استجاب لهم
حسام:اي ياعم ادهم مالك، فى حاجه مدايقاك
ادهم:لا مفيش انا سرحت شويه
وليد:شويه! ده الواد صوته اتنبح وهو بينادى عليك.. اى مالك
ادهم: اى ياعم انت وهو كلكوا عليا ولا اى
واستمرو فى المزاح حتى مرت الساعات وجاء موعد حفل الزفاف سريعاً وذهبو بالسيارات كي ياخذوهم من مكان مستحضرات التجميل (بيوتي سنتر) لكن اختفى ادهم من جانبهم دون ان يلاحظو...وصل جميع الشبان مع حسام إلا ادهم، خرجت رغد التى كانت تشبه حوريات البحر بفستانها الابيض وجانبها ملك ومريم وسلمى وهنا شقيقه حسام الذي عندما رأى رغد غاب عقله بجمالها وذهب اليها وهو يمسك بيده باقه من الورود بأجمل الألوان وقدمها اليها واخذها بين زراعيه وضمها بحب ولُطف في حين تلك الاحظه كانت ملك تبحث عن ادهم فذهبت لتسأل وليد
ملك: وليد هو ادهم مجاش معاكوا لى
وليد: هو المفروض قالى انه هيجي بعربيته هو وكان ماشي ورانا بس مش عارف اختفى فين
ملك: طيب ممكن تكلمه عشان انا فونى مع سلمى وهى مشيت
وليد:طيب استني
ظل وليد يتصل على ادهم لكنه لم يجب عليه وظل وليد يتصل به مراراً وتكراراً لعده دقائق
ملك: اى القلق ده بقااا..اووف
فى هذا الوقت كانت سياره ادهم تاني بسرعه نسبياً ووقف امامهم
وليد:اهو الحج الى ملففنا الصبع قارات جه.. هو دة إلى انتى قلقانه عليه...يابنتى دانا الى اقلق عليكى وانتى معاه
ملك:اخس عليك يا ادهم..كنت فين كده تخلى الواد ده يتريق علينا
ادهم وهو يقبل رأسها: آسف ياروحى كنت فى مشوار سريع كده..وبعدين انت مالك ياعيل با سائيل انت انا ومراتى حرين
وليد:بقى كده...ماشي ياعم هطلع انا منها
وذهب وليد وتركهم يتحدثون معاً
ادهم:اى الجمال ده ياجميل انت
ملك:متضحكش عليا بالشويتين بتوعك دول...كنت فين وسايب صاحبك كده
ادهم:منا قولتلك مشوار كده
ملك:ايوه مشوار اى ده
ادهم:هتعرفى كل حاجه تعالى بس نلحق الزفه
وذهبو خلف الجميع بالسيارات حتى وصلوا الى القاعه التى تقام بها حفل الزفاف وبدأ الجميع بالرقص والغناء وهم فى غايه السعاده وجلس الجميع فى اماكنهم كى يعطوا مساحه للعروسين ان يستمتعا بوقتهم وفى هذا الوقت كانت ملك تتنقل من مكانها الى مكان والديها وكان هناك من لا يزيل نظره من عليها وادهم كان يتحدث معها قليلا ويذهب واوقفه احداً
..:ممكن اتكلم مع حضرتك شويه
ادهم: هو مين حضرتك
عبد العزيز: انا عبدالعزيز عندى شركه مقاولات كبيره هي فى الاساس بتاعت والدى بس انا المسؤول عنها عندى تلت اخوات غيري وانا الوسطانى والدتى متوفيه من سنتين وانا اتخرجت السنادى
ادهم:ايوه وانا مالى بكل ده معلش
عبدالعزيز: انا كنت بستاذن حضرتك ان اجى انا ووالدى ونتقدم لاخت حضرتك
ادهم بغضب:وانت تعرف اختى منين اصلا
عبدالعزيز وهو ينظر بأتجاها: لا والله انا عمرى ماشوغت اخت حضرتك غير انهارده فى الفرح وبصراحه اعجبت بيها وبأدبها وحبيت اتقدم ليك بما انك اخوها
ادهم بشك من نظراته:تقدر تشاورلى على انهم واحده قصدك عليها
نظر عبد العزيز لملك واشار عليها لم يلحق ان ينطق بحرفاً واحد لان قبضة ادهم الذي قد اخذها الجمت فمه عن التحدث
ادهم والغضب تملك منه:دي مراتى يا حيوان
عبدالعزيز بتألم:ااااه والله مكنت اعرف «ثم تحدث بهمس»منك لله يا حسام الكلب انت
ادهم وماذال غاضب وحاول التحكم فى غضبه قليلاً:طب غبي ومبتفهمش وقولنا ماشي انما كمان اعمى ومش شايف الدبله الى فى ايدها
واعطاه لكمةً أخرى
عبدالعزيز: والله مخت بالى انا اسف
جاء حسام سريعاً
حسام: اى ده يا ادهم فى اى
ادهم:البيه جاى يتقدم لمراتى
حسام بهمس لعبد العزيز: دانا هطلع الى عملته فيا فى الخطوبه عليك
حسام: ايي ده يالهوى بقى انت اتجرأ وتطلب ايد مرات ادهم بيه لا حول ولاقوة الابالله لا يا ادهم متسكتلوش لا
قد اثار هذا  الكلام  ادهم وقام بضربه بلكمه اخرى
عبدالعزيز لحسام بهمس:اااااه الله يكرمك خليه يبطل ضرب ونبى بقى
حسام:خلاص يا ادهم بقى الواد مكنش يعرف..معلش يادهم سيبه خلاص
تركه ادهم وماذال غاضب لكنه ابتعد عنه وذهب بأتجاه ملك واخذها بأحضانه بقوه حتى كادت ان تنكسر ضلوعها بداخله وكأنه اراد ان يثبت ملكيته لها امام الجميع وأخذها ادهم وبدأو بالرقص بحب والعشق طاف حولهم ورأى الجميع نظرات الحب المتبادلة بينهم وكأن ادهم اراد ان يثبت للجميع ان ملك هى من ملكت قلبه..قلبه هو فقط
ــــــــــــــــــــــــــــــــــــــــــــــــــــــــــــــــــــــ
ياترى هيفضل الحب مستمر بيت ملك وادهم؟
وياترى اى المكان الى هيقول ادهم لملك عليها؟
وياترى هتفضل العلاقات بين ادهم ومنى كده لحد امتى؟
متنسوش رأيكوا واتمنى يكون فى تفاعل وتقولولى اى افكاركم باتجاه الروايه 💜
#Kenzy_ibrahim 🤍✨