﴿وحيدة أنا في عالمك﴾

الفصل الواحد والعشرون

#وحيده_انا_فى_عالمك

_____________________________________

_____________________________________
كانت ملك تجلس بجانبه وتستمع لكل حديثهم وهم يعلمون ...
حسام بقلق خوفاً من رده فعل ادهم:-اصل..آاااا.. سالى ماتت.....
-ايييييى...
كان هذا هو رده فعل ادهم عندما علم وعندما فعل هذا تفاجأت ملك من فعلته الغير متوقه ثم تحدث وهو يحاول اخفاء صدمته
ادهم:- ماتت ازاى يابنى لا حول ولا قوه الا بالله
حسام :-مش عارف هو واحد اتصل ف الشركه عندك ووليد رد عليه وقالو الخبر وقالو يوصلهولك
ادهم:-طب معرفتش لى منو هو مين
حسام:-هو ملحقش اساسا ده هو قال الخبر وقالو يقولك وقفل
ادهم:-طيب احنا كده كده كنا هنيجى بكره على بليل كده اكون كلمت المحامى وملك وظبطت الشنط واخدها ونمشى على طول عشان ملك عندها جلسه اساساً
كانت ملك تنظر له بنظرات تخمينيه وخوف قليلا من شكوكها....
________________________________
كان يجلس على فراشة ليلاً ويفكر لماذا لا تُجيب على هاتفها ظل يتصل بها عده مرات كثيره وهى لا تُجيب ايضاً حتى مل وقام واخذ (الاب توب) خاصته من اعلى المكتب وفتحه وفتح برنامج التواصل الاجتماعى (الفيس بوك) وكان يلعب فيه بملل حتى رأى انها قد اتصلت به وكانت ناشره بوست منذ نصف ساعه مضمونه
"اذا كنت تشتاق لشخصاً ما فاغمض عينك وتذكر ماذا فعل لقلبك وكيف حطموا وعندها لن تشتاق له مرهٌ اخرى"
عندما انتهى من قرأته ارسل لها ساله ورأتها ولم تجب
(المحادثه بينهم)
-مانتى فاتحه اهو متردى بقى
-انا عارف انى غلطان والله انتى فاهمه غلط
-ردى بقى مش بكلم نفسى
=نعم..
-بحبك
توردت وجنيتها بشده ولم تعرف بما ترد فلم تتكلم
-بصى خلاص انسى الى انا قولتو
=وانا كمان
-وانتِ كمان اى انسى الى انتى كتباه؟
=اتصدق انك غبى...
سيطرت الفرحه على انحاء قلبه وتغلغلت السعاده اليه بحب وابتسم بفرحه
واتصل عليها وقد ردت عليه هذه المره ولكن ظلت صامته
زياد:- اى ده هو انتى رديتى ولا لسه
سلمى بخجل:- احمم لا رديت
زياد:-طب بحبك برضو
صمتت مجددًا
زياد:-لو كنت بكلم الحيطه كان زمانها ردت عليا
سلمى وابتسامه خجل على ثغرها:- احم انا لازم اقفل
زياد:-طب وانتى كمان ولا لا
سلمى:-زياد مش هينفع لازم اقفل سلام
واغلقت الهاتف وظلت تفكر فى امرها وظل يفكر هو ايضاً لماذا لم تجب عليه......

________________________________________
اما عند ادهم كانت ملك تنظر له بنظرات تخمينيه وخوف قليلا من شكوكها حاولت تلاشى الامر وتفاجؤ عندما سمعوا صوت صراخ الطفله يارا وسما والدتها تصرخ لها بصوتٍ عالي جرت ملك ويسبقها ادهم كى يرو ماذا يحدث وعندما دخلوا رأو ان سما تضرب ابنتها يارا بقسوه و تصرخ فى وجهها بصوتٍ عالى و الطفله تبكى بشده ركدت اليها ملك و وقفت امام الطفله الصغيره واحتضنتها بشده كى لا يصل اليها اياً من الضربات وكانت سما لم تهدء وظلت تضرب ايضًا وكانت معظم هذه الضربات القاسيه تكون على جسد ملك وليست الطفله ودخل ادهم وحاول هو ايضًا ان يبعد سما عن الطفله وملك ولكن جاء الجد من خلفهم على اصواتهم التى تُسبب الضجيج العالى فسكت الجميع ولم يتحدث احد وحمدت ملك ربها كثيرًا فى خفاها لانها لم تكن تتحمل كل هذه الضربات المتتاليه فأيضاً هذا المرض يسيطر على قواها يؤثر كثيرًا على قدره التحمل والالام التى يتحملها الجسد ; عندما جاء الجد سكت الجميع
جمال:- ايه الى عم يُحصُل ده
لم يتكلم احد ثم تابع حديثه
جمال:- تعالى يا يارا اجفى هنيه
ذهبت له الطفله بطاعه ووقفت امامه وجسدها ينتفض من شده البكاء والخف ورأى اصار الضرب على كتفيها
جمال بعصبيه وهو يتحدث مع سما ويُعاتبها:- لى اجده يا بنتى دى عيله صَغيره مهتستحملش كف واحد من كفوف يدك مهياش واحده كَبيره تستحملك ده حتى الاطفال احباء الله يا بنتى متجسيش عليهم دول ملايكه صغار وعمر الضرب مكان قساس لأى تعليم والا مكنش بجى فى مدارس تعلمهم يا بنتى مهما ضربتيها هتيچى بكره ولا بعده وهتنسى وهتغلط تانى نفس الغلط الاولاني انما لو خديها من يدها وفهمتها عمرها مهتغلط الغلط مرتين واصل ... وربنا يهديكى يا بنتى ويهديكوا كلكوا
وبعدما انتهى من حديثه تركهم وذهب الى مكتبه وامر ادهم ان يذهب خلفه ولم تتحمل ملك الالم فصعدت الى غرفتهم وابدلت ملابسها وذهبت فى ثباتٍ عميق...
_________________________________
اما عن ادهم فهو ذهب خلف جده الذى امره بهذا ودخلوا الى مكتبه واغلق الجد الباب جيدا وبتحكم وجلسوا سويًا على الاريكه الذى توجد بجانب المكتب .
ادهم:-خير يا جدو كلمت المحامى ولا لا
جمال:- اه يا والدى تحدتت معاه وجالى معلومات كَتيره جوى جولى انت الاول هى الست مرات ابوك دى جالتلك اى
ادهم بتفكير:- انت قصدك انها ممكن تكون بتشتغلني
جمال:- يا ولدى جول بس
سرد لة أدهم جميع ما حدث عندما واجهه منى بالحقيقه الى ان ذهبو الى الصعيد.
_______________________________________
كان يجلس على فراشه ويتمسك بهاتفه وضغط على بعض الارقام وظل ينتظر الرد حتى جائه الرد
رغد:-الوو..
حسام :-انتى متخيله ان بكره فرحنا؟
رغد بسعاده:-لا بس فرحانه اوى
حسام:-ياااه بجد الواحد من كتر الفرحه مش حاسس ب اى حاجه غير انو بكره يخلص بسرعه
تنحنحت رغد قليلا :- احمم احمم طب كفايه عليك كده بقى ويلا عشان ننام
حسام بسرعه:- لا استنى طيب
رغد:-اى فى حاجه!
حسام:-اه طبعًا فى
رغد بشيئ من الخوف قليلاً وتعجب:-اى الى حصل طيب!
حسام برقه ولين:-انى بحبك طيب
اغلقت فى وجهه الهاتف بخجل وسيطرت على معالم وجهه الصدمه ثم ضحكت على جنونها واطفئ الانوار وذهب فى ثبات عميق.
_________________________________
سرد له جميع ما حدث عندما واجهه منى بالحقيقه الى ان ذهبو الى الصعيد وكانت الفاجأة لجمال الى ان المُحامى عندما تحدث معه قال له نفس ما قالته منى ايضًا.
جمال ب استغراب:-غريبه ياولدى م استاذ مُحسن المحامي جالى نفس الحديت ده!
حينما حدث هذا شعر ادهم وان الحياة قد توقفت به عند هذه اللحظه فهى كانت الامل الوحيد الذى يتعلق به ادهم ان يكون حديث منى خاطئ ولكن خاب ظنه وفقد امله حتى تابع الجد حديثه ثانيًا.
جمال:- بس فى حاجه انا مش فاهمها
ادهم :-اى هى
جمال:-هى منى جالتلك دلوقت انى من ٣٠ سنه مكنش معايا عيال غير ابوك وعمتك ناديه بس انا كان عندى تنين غيرهم وبعدين انا لما تخانقت مع ابوك كان عشان هيتجوز ياسمين يا والدى مش منى ايوه انا فاكر الحديت الى تكلمناه كويس جوى
(فلاش باك)
_يابا البت حلوه وعجبانى
=مش من توبنا يا والدى اسمع مني..عاوز تتجوز رقاصه
_يووه يابا انا مهتجوز غير ياسمين
=ونا جولت لا يبقى لا اى هتارضنى ولااى
_اه يابا هعارضك وهتجوزها غصب عن الكل
=يبقى تلطلع برا البيت ده ومهتعدش فى تانى واصل وملكش ورث مني ونا ابنى الكبير مااات وانهارده عزاه اطلع برااا
________________(باك)____________
ادهم:-يبقى ازاى بابا اتجوزها هى الاول وااى مكانتش بتخلف وبعد من اتولد بسنتين ولدت زياد!! لا فى حاجه غلط بتحصل ولامنى ولا المحامى بيقولو الحقيقه فى لغز ناقص

قاطع حديثهم وتفكيرهم وفى لحظة ما انفتح الباب بقوه قليلاً ودخل.....
.......تابع....
ياترى اى اللغز الى ناقص؟
وياترى مين الى دخل؟
وياترى ملك اى الى هيحصلها؟
ده الى هنعرفوا ان شاء الله ودمتم بخير دايمًا

#Kenzy_Ibrahim🔮💜