﴿وحيدة أنا في عالمك﴾

#الفصل السابع

#وحيده_نا_فى_عالمك
__________________________
الفصل السابع ﴿وحيدة أنا في عالمك﴾
ـــــــــــــــــــــــــــــــــــــــــــــــــــــــــــــــــــ
تفاجأت رغد فور سماعها إسم مازن كانت تظن أنها ستقول أدهم خصوصاً بعدما قال حسام لها أن أدهم قد وقع فحبها ولكنه يقاوم، لم تنطق رغد بحرفًا واحد وتلجم لسانها وأستعجبت ملك من هذا.
_أي يا بنتي سكتي ليه في حاجه!
=هاا اا لا لا مفيش طيب أنا هقفل دلوقتي وأشوفك بكره سلام
أغلقت رغد مع ملك وهي تفكر في حال صديقة عمرها وحال أدهم الذي كان غالق‌ قلبه وعندما قرر فتحه، فُتح لشخصٍ لا يشعر به.
*********************************

أما عند أدهم كان يجلس في غرفة بجانب الحديقه هو و أصدقائه وهم حسام ووليد 'كانت هذه الغرفه مخصصه لأدهم وأصدقائه من مده طويله' وكانو يتحدثون عن حسام ورغد
أدهم:-ها يعم مش ناوي تخلصنا منك بقى
حسام:-قول يا رب أن شاء الله قريب
وليد:- وأنت يا عم أدهم أي مش ناوي أنت كمان
أدهم:-إزاي يعني مش فاهم
وليد :-هو أي إلى إزاي، أي مش ناوي تتجوز يا أخويا
أدهم:-أتجوز!! لي يعم منا عايش فل أوي كده وبعدين مش لما أخلص منكوا الأول
وليد:-لا ملكش دعوه بينا وبعدين أهو واحد قرب يخلص وأنا أن شاء الله هخلص مفاضلش غيرك وبعدين أنت هتستعبط مأنت عينك كانت هتطلع على البت لما الواد كان داخل معاها
حسام مكمل حديثه:-ولا لما كان مغمي عليه ده الدكتور أفتكرها مراتو وخارج يقولنا أن سيتك عاوزها جوه ومبطلتش تنادي عليها
توتر أدهم قليلاً:-ااا لا بس ممكن عشان هي آخر حد كنت شفتوا وبعدين دي خترفه بِنج وتعب مش أكتر مش معنى إني خترفت بيها يبقى بحبها يعني
وليد بخبث :-هو إحنا حد فينا قال إنك بتحبها أصلاً
توتر أدهم كثيراً الآن حتى أنه بدأ العرق يتسرب منه وهم في فصل الشتاء :-ااه مهو معنى كلامكو كده وبعدين يلا أنا عاوز أنام
حسام:-هتفضل زي مأنت كل ما تحب تهرب تقوم سايبنا وتمشي بأي حجه
أدهم:- مش حجه ولا حاجه بس أنا عاوز أنام
حسام:-وأنت من إمتى بتنام دلوقتي
أدهم:-يووه خلاص قاعد أهو
وليد:-متحاولش تهرب باين أوي في عينك وبعدين هو ولا عيب ولا حرام وأي يعني لما تقول إنك بتحب ده الحب حاجه جميلة، إحساس بيخليك فرحان، فرحان وبس إحساس حلو أوي حاجه بتخليك أول بس ما تسمع أسم إلى بتحبوا تفرح حتى لو كنت مضايق حاجه حلوه أووي بجد
أدهم:-الله الله وأي بقى إلى عرفك يأستاذ شكلي مش أنا لوحدي بقى
وليد:-هاا أهو اديك قولت يعني أنت بتحبها
أدهم:-عاوزين الصراحه
حسام:-مفيش أحلى منها هاا
أدهم:- مش عارف أنا متلخبط أنا يوم ما تعبت كان بسبب إنى زعلتها أنا كنت كويس قبلها أنا ساعتها حسيت أن قلبي أتكسر حسيت بزعلها كل دمعه نزلت منها بسببي كانت بتموتني أنا معرفش قولت أى فالبنج بس أنا حلمت بيها، أيوه كانت ماسكه أيدي وبتعيط مش عارف كأنو حقيقة مش حلم .. بس أنا حاسس بحاجه غريبه حاجه حلوه أوي حاجه مخلياني فرحان دايماً معرفش أي سببها بس مبسوط منها بزعل لما بتبعد عني بفرح لما بشوفها بزعل لما أزعلها بفرح لما الاقيها بتضحك قلبي بيفرح أنا مش عارف ده أي بجد
حسام ووليد ف نفس الوقت:-ده أسموا الحب يا غبي
حسام:-كل ده وبتقولي لا وأستحاله دا أنت طلعت سوسه
وليد:-سوسه بس ده طلع عاشق مش بيحب بس ماشي ماشي
أدهم:-ولا أنت وهو يلا كل واحد على بيتوا عاوز أطلع أنام
وليد:-حسام إحنا بنطرد؟!
حسام:-تقريباً كده يسطا
وليد:- طب بقولك أي تعالى نسهر إحنا خليه هو زي الفراخ إلى بتنام من المغرب
أدهم:-بقى كده مااشي
وسهرو طوال الليل وهم يضحكون ويلعبون مع بعضهم البعض
ـــــــــــــــــــــــــــــــــــــــــــــــــــــــــــــــــــ