﴿وحيدة أنا في عالمك﴾

#الفصل التاسع

#وحيده_انا_فى_عالمك
____________________________
الفصل التاسع
ـــــــــــــــــــــــــــــــــــــــــــــــــــــــــــــــــــ
سقطت ملك على الأرض وهرول إليها ادهم بسرعه كبيره وهو يهتف باسمها بصوت عالىٍ ونزلت سلمى من السياره أيضاً وهربو الرجلان سريعاً واخذها ادهم بأحضانه وبكى بشده ثم حملها سريعا ووضعها فالسياره وكان يسوق بسرعه جنونيه وكانت سلمى تجلس بجانبها فى الخلف تبكى بشده على أختها ،وصل ادهم الى المشفى بسرعه قياسيه وصرخ فى كل العاملين ان يأتو ينقظوها دخلت غرفه العمليات ....
وفى الخارج كان يجلس ادهم على الأرض بجانب غرفه العمليات ودموعه تنزل كالشلال دون أن يتكلم رن هاتف سلمى وكان المتصل زياد لأنه يتصل على هاتف ادهم لا يرد
سلمى بصوت مليئ بالبكاء والارتعاش:- ااالوو يا اياد
زياد:-سلمى مالك فى اى ادهم حصلو حاجه انتى كويسه فى اى بتعيطى لى
سلمى:- ملك ههى الى فيهااا ملك بتموت يا اياد اهئ اهئ اهئ
زياد:-انتى فين دلوقتى وفين ادهم
سلمى:-احنا ف المستشفى وادهم معايا بس حالتو صعبه اوى ومش بيتكلم خالص تعالى بسرعه
وظلت تبكى وأغلق معها زياد وجاء إليهم بسرعه وعندما وجد سلمى أخذها بأحضانه سريعا وحاول أن يحفف عنها وحاول تهدأتها لأنها كانت منهارة بشكل كبير ،كانت سلمى تتحدث مع ابويها ورأى زياد ادهم بهذه الحاله(قميصه متقطع ومليئ بالدم وانغه ينزف وفمه أيضا وشعره غير مترتب وعيناه حمروتان من كثره البكاء ووجهه شاحب والدموع تنزل من عيناه مثل الشلال وينظر الى الامام ولا يتحدث
زياد:-ادا يا ادهم فى اى مالك انت اى الى عامل فيك كده احكيلى اى الى حصل
.....لا يستجب ادهم لاحد
زياد:-ادا يا ادهم انت بتعيط لى اى الى حصل يا ادهم رد عليا
وفى هذه الأثناء خرج الطبيب وقام إليها ادهم سريعاً
الطبيب:- اطمنوا ان شاء الله هتقوم وتبقى كويسه هى كان عندها نزيف داخلى فى المخ بس قدرنا نوقفه بس المشكله ان الورم السلطانى الى عندها كان مصعب الموضوع شويه وكانت ممكن تدخل فى غيبوبه
ادهم:-ورم سلطانى!!! ورم اى يا دكتور هى كويسه معندهاش اى حاجه
سلمى:- ورم اى ملك معندهاش حاجه لا انا ملك مقالتش لأى حد انها عندها حاجه 
الدكتور:-لا هى عندها ورم سلطانى فى المخ والحمد لله حميد بس هو فمكان صعب جدا في المخ وهى مكنتش بتتعالج
سلمى بحزن شديد:ـ يعنى ملك كانت بتتوجع من غير ما تقول طيب لى مقالتش حاجه ليا دانا اختها
تركهم ادهم وخرج الى الحديقه الملحقه بالمشفى وجلس على الارض يبكى بشده وبصوتٍ عالى وذهب ورأه زياد وعندما رأه بهذه الحاله اخذه بين زراعيه وحاول تهدأته
زياد:-ادهم انت بتحبها
ادهم:-كلمه بحبها دى قليله اوى يا زياد انا بعشقها انا نفسى انا إلى أكون مكانها دلوقتى هى بتعذبنى بفراقها ده طلع عندها ورم فى المخ يا زياد ومكانتش بتتعالج كانت بتتالم لوحدها
زياد:-طب اهدى يا ادهم وقوم أدخلها انا استأذنت الدكتور انك تدخل يلا قوم
قام ادهم  وحاول تمالك نفسه ودخل إليها وعندما رئها بكى مجددا جلس على طرف فراشها وأمسك بيدها وبدأ التحدث معها
ادهم:-انا عارف انك مش سمعانى بس انا بحبك قومى عشان خاطرى انتى وحشتينى اوى قومى بقى متسبينيش يا ملك انتى حياتى انا عايش بيكى ممكن تكونى مش بتحبينى بس انا بحبك اوى انتى إلى مخليانى بشوف انا من غيرك أعمى لى مقولتيش انك عندك ورم فى المخ يا ملك لى بتتعذبى لوحدك يا ملك لى متعالجتيش لى يا ملك لى
وظل يبكى بجانبها وهو يمسك بيدها ويقبلها
وفى لحظه كان الجهاز المتوصل بالقلب يعطيهم صوت الإنذار بتوقف القلب ودخل جميع الأطباء المتخصصين وبدأو فى عمل الصدمات الكهربائية واخرجو ادهم خارج الغرفه وكان ينظر عليهم من الزجاج المغطى بالغرفه ويبكى بهستيريا ويدعى ربه انها تقوم له وأن لا تذهب حتى فى لحظه واحده استجاب له الله ورجع القلب بالنبض مجددا وانتظمت وظل هو فى الخارج يحمد ربه ويبكى وجاء أهل ملك....
------------------------------
علمت مريم بما حدث واتصلت على وليد وأخبرته وطلبت منه ان يأتى ويأخذها لتطمأن على صديقتها ولكن قال لها انه سوف يذهب أولا لكى يرا الوضع وسوف ياتى ليأخذها
واتصلت رغد على حسام فور إدراكها بما حدث وجاء واخذها الى المشفى وكانو يعلمون مدى حزن ادهم وعندما وصلو علمو انها لديها السرطان وكانت الصدمه لهم ،اصر ادهم انهم يذهبون الى بيوتهم وتبقى هو والدها والدتها ولكنه اصر عليهم بالذهاب واقنعهم وتبقى هو فقط وجلس على الكرسى المقابل لها وأمسك بيدها ويقبلها وبدأ بالحديث معها
ادهم:-تعرفى انك وحشتينى اوووى تعرفى بقى انى مش هسيبك لو عملتى اى بعد كده ومفيش لا مازن ولا غيرو مفيش غيرى انا بس انتى ليا انا لوحدى تعرفى بقى انك هتخفى وهنتجوز ونخلف عيال كده شبهك بس انتى فوقى وانا معاكى ف العلاج ومش هسيبك ابدا مش هسيبكك ابد...
وذهب ادهم فى ثباتاً عميق من شدده ارهاقه على طرف فراشها وهو ممكسك بيدها
-----------------------------
فى اليوم التالى
دخل الطبيب الغرفه وكان ادهم فى ثباتاً عميق على نفس حالته أمس أبتسم الطبيب وطرق على الباب حتى يستيقظ ادهم وفاق ادهم وقام وقف بجانب الطبيب
ادهم:-ها يدكتور هتفوق صح
الدكتور بأسف:-مش هقدر افيدك بصراحه بس انت حاول تتكلم معاها هى بتبقى سمعاك واديها اى ايجابيه تخليها تقاوم وتفوق عشان تبدا تتعالج بقى
ادهم:- طيب يا دكتور تمام
خرج الطبيب و دخل حسام ورغد :-
حسام:-ها يا ادهم فى تحسن
ادهم:-لسه يا حسام لسه
رغد ببكاء:-طب هى لى خبت عليا انها عندها كانسر يا ادهم لى دا انا صاحبتها الوحيده لى مقالتليش لى كانت بتستحمل الألم لوحدها
ادهم:_مش عارف يا رغد مش عارف
رغد:-ادهم هى لما كانت بتتعب ف المكتب كانت منو صح لما كانت بتاخد اجازه بتبقى تعبانه صح هى كانت بتتالم لوحدها يا ادهم
بكى ادهم مجددا وجلس أمامها وأخذ حسام رغد الى خارج الغرفه 
ادهم:-ملك انتى اكيد سمعانى صح ؟! بصى قومى عشان تتعالجى ونتجوز او حتى مش هستنى لما تتعالجى انتى هتتعالجى لما نتجوز بس فوقى ارجوكى انتى وحشتينى اوووى بجد قومى بقى متسبينيش كده
اخفض رأسه وأمسك بيدها وهى بدأت أن تفيق وامسكت يده بقوه وقالت
ملك بصوت منخفض:-وانا مش هسيبك تانى ابدا
رفع ادهم رأسه ونظر لها بعدم تصديق وصدمه
ادهم:-ملك انتى فوقتى صح ايوه انتى اتكلمتى
أمسك بيدها بقوه وقبلها وخرج سريعا ينادى الطبيب وقال له وبدأو الأطباء فى الكشف عليها حتى يتأكدو بأنها لا تعانى من اى مضاعفات وجاء محمد وسلمى ووالدها والدتها وعندما علمو دخلو لها على الفور وهى عندما كانت تبحث عنه فى الغرفه ولم تلاقيه
رغد:-بدورى على مين ما كلنا هنا اهو
ملك:-ها لا مبدورش على حد المهم انا بقالى قد اى هنا ف المستشفى
رغد:-انتى يا ستى بقالك يومين
ملك:-ياااااااه كل ده
محمد:-اه وتقلقينا احنا بس وانتى زى القرده اهو
ملك:-طب هو الدكتور قال عندى اى
جأت سلمى ان تتكلم ولاكن قاطعتها رغد
رغد:-ااا اا مفيش يا ستى بس انتى حابه تقلقينا على الفاضى (لم تقول لها أنهم يعلمو انها لديها الكانسر لأنها أوامر ادهم الذى فور علمه بأنها بخير اختفى)
ملك بصوت منخفض لرغد:-هو ادهم فين
رغد:- مش عارفه وبعدين بتسألى عليه لى هاااا
ملك:-امشى يا رغد عشان مش قادره اتكلم
انتهى الجميع من زيارتها  وهو حتى الان لم يأتى بدأت أن تسأل نفسها لماذا لم يأتى لماذا لم يطمأن عليها هل كانت تحلم عندما كان يتحدث إليها وهى فى الغيبوبه ام لا قطع هذه الأفكار دخوله لها ،فرحت هى عندما رأته
ملك:-ادهم انت كنت فين من الصبح ده كلهم كانو هنا
ادهم لم يرد وظلت ملامحه جامده
ملك:-مالك يا ادهم فى اى
ادهم:-لى مقولتليش انك عندك كانسر ولى كنتى عارفه ومخبيه على كل الناس حتى اهلك ولى حتى مكنتيش بتتعالجى
نظرت له ملك وبدأت عيناها بنزول الدموع وهى كما هى لم ترد
ادهم:-ردى عليا لى لى عملتى كده لى متعالجتيش لى لى مقولتلناش حتى
ملك:-عشان كده كده مكنش هيفرق كده كده كنت هموت انا فى المرحله الصعبه يا ادهم عارف يعنى اى يعنى هو وقت كام يوم وهموت ف لى اقضيهم وانا شيفاكو بتتعذبو علي تعبى ولا بابا إلى مش هستحمل انى اشوفو ولو ثانيه واحده زعلان عليا خلينى يا ادهم اقضى الكام يوم دول وانا بحاول اسيب اى ذكرى حلوه ليا
ادهم:-ومين قالك انى هسيبك كده انتى هتبدائى العلاج من بكره فاهمه
ملك:-لا مش هتعالج انا مش هستحمل اشوف شعرى بيقع انا مش هستحمل اشوف نظره شفقه من حد انا مش هستحمل الجلسات يا ادهم مش هستحمل
ادهم:-انا معاكى والله مش هسيبك انا هفضل معاكى وهحضر معاكى كل الجلسات وهخدك ونسافر بره وبعد ما تخلصى وتخفى هنرجع وصدقيني انا هفضل أحبك مهما حصل
ملك:-ادهم انت مش محتاج تعمل كده عشان اتعالج
ادهم:- انا مش بعمل كده عشان تتعالجى انا بحبك من قبل ما اعرف اصلا ملك ارجوكى وافقى تتعالجى وصدقيني مش هسيبك ثانيه واحده
ملك:- انا بحبك اوى
ادهم:-وانا كمان بعشقك بس اوعدينى وعد
ملك:-اى هو
ادهم:-انك مش هتسبينى ابدا
ملك:-بس لو مو..
ادهم:-لا هتعيشى وهتكونى قد الوعد اوعدينى يلا
مد ادهم لها إصبع يده الصغير ومسكته ملك بأصابع يدها الصغير أيضا
ملك:-أوعدك بس ..
ادهم:-اى
ملك:-انا خايفه شعرى يقع ويبقى شكلى وحش
ادهم:- على فكره انا ميهمنيش ها اى تانى
ضحكت ملك وجلس ادهم على الكرسى المقابل لها وسند رأسه على طرف فراشها وأمسك بيدها وظلو يتحدثون ويضحكون حتى ذهبو فى ثباً عميق
___________________________
فى اليوم التالى جاء الطبيب كى يطمأن عليها ويحدد معهم موعد يبدأون به علاج
الدكتور:-لا كويس الحمد الله فى تحسن كبير
ادهم بفرحه:-يعنى كده تقدر تبدأ تتعالج امتى وقد اى نسبه الشفاء 
الدكتور بأسف:- هو ممكن تبدا تتعالج من بكره لو تحب بس هو فى نسبه شفاء بس ااا ممكن استأذن حضرتك ف كلمتين بره
(فى الخارج)
الدكتور:-مش عاوز اضحك عليك الحاله صعبه ونسبه الشفاء مهنا قليله شويه 40% بس ممكن أن شاء الله تخف ربنا قادر يغير كل شيئ..
ادهم:- طب هو ممكن تتعالج بره انا قادر ادفع كل التكاليف يا دوكتور بس تخف انا مستعد اتبرعلها بإى حاجه محتاجنها وممكن ادفع اى مبلغ ممكن اعمل اى حاجه بس تخف ..
الدكتور:-صدقنى مفيش اى حاجه هتزيد عن الى احنا هنعملوا بس برضو بص فى دكتور عالمى بس مسافر بره فى مؤتمر انا ممكن ابعتلوا الاشاعه وكل حاجه بالتفصيل وهو هيقرر اذا كنت تسافرلو وتاخدها معاك وإن شاء الله ترجع بألف سلامه لاما ممكن يقول مفيش امل ادعلها وانا هبعتهولهم انهارده ولما يرد عليا هقولك بردو
تركه الطبيب وبدأت دموعه بالتسلل الى وجهه وبدأ يفكر فيما سيحدث ولكن ألغى التفكير فى كل هذا وأراد أن يفكر فى شئ واحد فقط هو انه يتقدم لها ويتجوزها فى أسرع وقت حتى يصبح له الحق فى السفر معها اذا حدث وأن يبقى معها فى جلسات العلاج ويساندها على ذالك ، دخل إليها بعدما مسح دموعه المتسلله :-
ملك:-قالك اى يا ادهم قالك ان مفيش امل صح قالك انى هموت يا ادهم صح (وبدأت فى البكاء)
اخذها ادهم بين زراعيه وقال
ادهم:- لا لا يا حببتي هو قالى انك هتخفى ونسبه الشفاء عاليه عارفه كام فى الميه يا ستى 80٪ده من غير العلاج يعنى بالعلاج بقى 99%عرفتى بقى انك هتخفى متقلقيش وانا هفضل معاكى مش هسيبك ابدا وانتى وعدتينى انك مش هتسبينى يبقى خلاص عاوزين اى تانى بقى
ملك:-يعنى هعيش يا ادهم
ادهم وفلتت من عينه دمعه هاربه:-اه أن شاء الله يا قلبى هتخفى صدقينى بس طالب منك طلب بقى
ملك:-اى
ادهم:ـ انتى هتخرجى بكره من المستشفى عاوز فرحنا يبقى بعد أسبوع من انهارده
ملك:-اى يا ادهم لا لسه بدرى وبعدين اى أسبوع ده الحق اعمل فيه اى ولا اى لا انا عاوزه اخد وقتى عاوزه احس انى عروسه بجد يا ادهم
ادهم:- يا حبيبتى مانتى احلى عروسه ف الدنيا وبعدين يا ستى شوفى كل الى انتى محتاجاه ومش هياخد يومين اصلا كل الى انتى عملاه ده
ملك:-لا يا ادهم طب انا لسه مجبتش هدوم ولا انت جبت عفش ولا اى حاجه
ادهم:-يا حببتى انا اصلا عامل جناح كامل فى الفيلا بتاعى انا لوحدى ورى الفيلا بتاعتنا على طول يعنى جاهز من كلو وعلى فكره فى ألوان كتير انتى بتحبيها كمان
ملك:-غلبتنى مش عارفه اتججلك بايه تانى
ادهم:-تتحججى!!! لى انتى مش بتحبينى ولا اى
ملك:-اتصدق يا ادهم انا اكتشفت حاجه مهمه جدا
ادهم :-اى هيه بقى
ملك:-انى بحبك من يوم ما اتبرعتلك بدمى الى بيمشى جوه عروقك ده
أبتسم ادهم وأمسك بيدها وقبلها:-وانا حبيتك من دمك ده من ساعت ما دخل جسمى ونا اتجننت بيكى

وبعد قليل من الوقت جاء والدها والدتها لكى يطمأنو عليها واستاذن ادهم والد ملك وأخذه الى خارج الغرفه كى يتحدث معه
ادهم:-بص يا عمى انا همشى معاك دوغرى انا كنت قايللك انى بحبها وعاوزها صح
ابراهيم:-حصل يبنى وده سبب انك انت إلى قاعد معاها مش انا ولا أمها
ادهم:-حلو اوى انا عاوز اتجوزها بقى
ابراهيم:-بس انت عارف إلى هيه فيه وعارف.....
ادهم:-انا عارف كل ده بس برضو عارف انها فى فتره وهتتعب اوى من الجلسات والادويه وانا عاوز ابقى معاها فده انت ميرضكش انى اسبها بتتعذب لوحدها
ابراهيم:-عارف يبنى بس اعذرني انت عارف ان لسه مفيش اى حاجه جاهزه ادينى بس فرصه اجهزها واجبلها حاجتها
ادهم:-حضرتك انا مش عاوز غيرها لوحدها انا عندى فيلا وجاهزه على المفتاح وحتى هدمها هتلاقيها موجوده بكره بس اهم حاجه أن الفرح الاسبوع إلى جى الى هو الخميس الجى ده ها اى رايك
ابراهيم:-مش عارف اقولك اى يابنى... ماشى
ادهم:-استاذنك بقى اروح أغير هدومى وأبلغ أهلى وهجلها تانى تكونو انتو قعتو معاها شويه
ذهب ادهم وبلغ أهله بما حدث
منى:-لا يا ادهم يا حبيبى بلاش يابنى دى واحده حياتها على كف عفريت بلاش يا ادهم
ادهم:-هو اى الى بلاش انا هتجوزها يعنى هتجوزها يا أمى انا بحبها ومش هسمح انها تضيع منى ابدا تانى
هشام:-هه وجاى تقولنا لى مدام انت مقرر اصلا انك تتجوزها
ذهب ادهم إلى مقعد والده وجلس أمامه على الارض :- يا بابا انا قولت أن انت إلى هتفهمنى انا بحبها والله يا عالم بحبها ومش مستعد يا بابا انى اسبها حتى ولو للمرض ده
هشام:-خلاص يابنى روح انت شوفها وأفضل معها وانا هخليهم يجهزو للفرح
فرح ادهم:- شكرا يا بابا
منى:-انت موافق يا هشام على الهبل ده
هشام :-منى ابنك بيحبها بجد وبعدين دى حياتو بلاش تدخلى فيها واديكى شايفه هو قد اى فرحان بلاش تعكننى عليه بقى
سكتت وهى غير راضيه عن ما يحدث
_____________________________
ذهب إليها ادهم مره ثانيه فى المشفى وكان معها ابويها وأخواتها وبالطبع رغد وزياد أيضا لانه كان يظن أن ادهم هناك وعندما دخل ادهم الى الغرفه
ملك:-ادهم مش هتصدق رغد جت وقالتلى أنهم هيعملو خطوبتهم بعد ما أخرج من هنا باسبوعين
ادهم:-ادا بس كده مش هنحضرو بقى
ملك بحزن :-لى
ادهم:-عشان ببساطه هنسافر انا وانتى بره مصر تانى يوم جوازنا
ملك:- طيب انا عاوزه أحضر خطوبه صحبتى يا ادهم مليش دعوه
ادهم:-طبعا يا قلبى هنحضرو انتى ناسيه ان الواد ده صحبى "وهو يشاور  على حسام"
ملك :- طب ازاى لو احنا هنسافر
حسام:-طب خلاص نعملو بعد ما تيجو
ادهم:-اه تمام بإذن الله
واستاذنهم وخرج ادهم من الغرفه وذهب الى غرفه الطبيب الذى كان يحدثه عن سفره فى معالجتها فى الخارج ;ذهب الى مكتبه وطرق الباب وجائه الرد بالدخول, دخل ادهم واذن له الطبيب بالجلوس:-
الدكتور:- كويس انك جيت كنت لسه هروحلك
ادهم:-خير هو رد عليك
الدكتور:-اه الرد جانى اهو
ادهم:-احم طيب هو مال حضرتك شكلك بيقول انو فى حاجه مش كويسه لى
الدكتور:-......
.........يتبع...
نكمل الفصل الجاى ان شاء الله ويارب يكون عجبكوا♥

kenzy_Ibrahem💜