#Unicode#
နှင်းမှာ သီဟကိုယ်ထဲကို ၀င်ဖို့ ဖြည်းဖြည်းလေး လျှောက်သွားလိုက်သည်။ နှင်း တစ်ယောက် သီဟနှင့် ပို၍ နီးကပ်လာတော့သည်။
"သီဟရေ အမ တောင်းပန်ပါတယ်...... ပြီးတော့ အမကို ခွင့်လွှတ်ပေးပါနော်" လို့ နှင်း စိတ်ထဲက ရေရွတ်လိုက်သည်။
အခုဆိုရင် နှင်း တစ်ယောက် သီဟကို ၀င်ပူးဖို့ လက်တစ်ကမ်း အလိုလောက်တောင် ရောက်နေလေပြီ။ ထိုအချိန်မှာဘဲ အပြင်ဘက်ကနေ တံခါးဖွင့်သံ ကြားလိုက်ရလေတော့၏။
သီဟ တစ်ယောက် အပြင်ဘက်ကနေ တံခါးဖွင့်သံ ကြားလိုက်ရတော့ ချက်ချင်းဘဲ နောက်လှည့်ကာ နှင်းကို ကြည့်လိုက်လေသည်။ နှင်းလည်း သီဟကို ကြည့်ပြီးတော့
"ကိုသက် ရေချိုးခန်းက ထွက်လာတော့မယ် ထင်တယ်" ဟု ပြောလိုက်ရလေသည်။
"ဟုတ်လား....... ဒါဆို ဒီအခန်းထဲက မြန်မြန်ထွက်မှ" ဆိုပြီး သီဟမှာ ပြာပြာသလဲဖြင့် လက်တော့ကို ပိတ်လိုက်လေသည်။ ပြီးနောက် အပြင်ထွက်ဖို့ တံခါးနားကို တိုးပျပျလေး သွားလိုက်လေသည်။
နှင်းမှာတော့ တံခါးနားကို သွားနေတဲ့ သီဟကို ကြည့်ပြီး ၀င်မပူးလိုက်ရလို့ စိတ်မကောင်း ဖြစ်လို့နေလေသည်။ ဒီလိုနဲ့ နှင်း တစ်ယောက်ရဲ့ ၀င်ပူးဖို့ လုပ်ထားတဲ့ အစီအစဉ်လေးက သက်ရှိုင်းကိုကြောင့် ပျက်ဆီးသွားရလေတော့၏။
သီဟမှာ တံခါးနားရောက်သွားတော့ တံခါးကို ဖြေးဖြေးလေး ဖွင့်လိုက်လေသည်။ ပြီးနောက် အပြင်ကို ချောင်းကြည့်လိုက်သည်။ ရေချိုးခန်း တံခါး၀မှာ တဘက်ဖြင့် ခေါင်းသုတ်နေတဲ့ သက်ရှိုင်းကိုအား တွေ့လိုက်ရတော့သည်။ တဘက်ကို ခြုံပြီး ခေါင်းသုတ်နေတာကြောင့် ခုချိန်မှာ သက်ရှိုင်းကို တစ်ယောက် ဘာမှမမြင်ရပါ။ ဒါကို အခွင့်ကောင်းယူပြီး သီဟမှာ နှင်းရဲ့ စာရေးတဲ့ အခန်းထဲကနေ ထွက်လာလိုက်လေသည်။ ပြီးနောက် အသံမထွက်ဘဲ ခပ်မြန်မြန်လေး မီးဖိုဘက်ကို ပြေးသွားလိုက်လေတော့သည်။
တဘက်ကို ခေါင်းခြုံပြီး ရေသုတ်နေတဲ့ သက်ရှိုင်းကိုမှာ ပြေးသွားတဲ့ ခြေသံကြားလိုက်တာကြောင့် ခေါင်းပေါ်က တဘက်ကို ချက်ချင်း ဖယ်လိုက်လေသည်။ နောက်ပြီးကြောင်တောင်တောင်ဖြင့် အခန်းကို ကြည့်နေတော့သည်။ ပြီးကာမှ အပေါ်ပိုင်းဗလာ၊ အောက်ပိုင်း တဘက်ဖုံးလေးဖြင့် မီးဖိုဘက်ကို သွားလိုက်လေသည်။
YOU ARE READING
SOULMATE[Complete]
历险ဒီရဲ့၀တ္ထုလေးက If(အကယ်၍) extraရဲ့ အဆက်လေးပါ။ extraမှာ သီဟ တစ်ယောက် ဘာဖြစ်သွားလဲ မှတ်မိကြသေးတယ်မလား။ ဒီရဲ့ ၀တ္ထုက အဲ့ကနေ စမှာဖြစ်ပါတယ်။ ဒီရဲ့ ၀တ္ထုကို ဖတ်မယ်ဆိုရင် If(အကယ်၍) ဖတ်ထားမှရမယ်နော်။ မဟုတ်ရင် တစ်ယောက်ထဲ ဇာတ်ရည် မလည်တာတွေဖြစ်ကုန်မယ်နော်။