SOULMATE[Complete]

Part 12

#Unicode#

သီဟ ကားထဲကနေ ထွက်သွားပြီး သက်ရှိုင်းကို တိုက်ခန်းသို့ သွားနေချိန် ကားထဲမှာ ကျန်ခဲ့တဲ့ မြတ်မင်းကိုမှာတော့ တစ်ယောက် ယောက်ကို စာပို့နေလေသည်။

ပို့လိုက်တဲ့ စာကတော့
"အကိုကြီး ကျွန်တော်တို့တွေလေ..... ဟိုတစ်ခါ မူးယစ်ဆေးအကြွေး သွားတောင်တာကို မှတ်မိသေးလား။ အဖိုးကြီး တစ်ယောက် အိမ်ကိုလေ။ အကိုကြီးတောင်မှ အိမ်ထဲမှာ မိန်းကလေး တစ်ယောက်နဲ့ စကားအချေအတင် ဖြစ်ခဲ့ကြသေးတယ်လေ။ အဲ့တာ အကိုကြီး အဲ့မိန်းကလေးကို မှတ်မိသေးလား။ တစ်ခုခု မှတ်မိရင် ကျွန်တော့်ကို စာပြန်ခဲ့ပေးပါနော်..... တစ်ခုလောက် မေးချင်တာ ရှိလို့ပါ" ဆိုသည့် အကြောင်းအရာဘဲပေါ့။

မြတ်မင်းကိုမှာ စာပို့ပြီး စောင့်နေလေသည်။ ပြီးနောက် သီဟ ပို့လာမယ့် စာကိုပါ စောင့်မျှော်တော့သည်။ မြတ်မင်းကို တစ်ယောက် ကားထဲမှာ နေပြီး ဖုန်းကို တစ်ကြည့်ကြည့်ဖြင့် လုပ်နေလေသည်။ ဖုန်းကို lockဖွင့်လိုက်၊ messageထဲကို ၀င်လိုက်၊ ဖုန်းကို lockပြန်ပိတ်လိုက်နှင့်ကို ထပ်ခါထပ်ခါ လုပ်နေလေတော့၏။ မြတ်မင်းကိုမှာ ဖုန်းတစ်လုံးနှင့် အလုပ်တွေ ရှုပ်နေလေသည်။

မြတ်မင်းကို တစ်ယောက် ကားထဲတွင် စောင့်နေသည်မှာ အတော်ပင် ကြာနေလေပြီ။ စောင့်နေတုန်း စာတစ်စောင်မှ ရောက်မလာသေးပါ။ ဒါနဲ့ မြတ်မင်းကို ဖုန်းကို ကြည့်လိုက်သည်။ အချိန်မှာ ဆယ့်တစ်ပင် ခွဲနေလေပြီ။ မြတ်မင်းကိုမှာ ဖုန်းကို ကြည့်ပြီးတော့ ကားထဲကနေ တိုက်ခန်းလေးကို တစ်ချက်ကြည့်လိုက်လေသည်။ သီဟ ၀င်သွားတဲ့ အခန်းလေးဟာ အခုထိ မီးလင်းလို့ နေလေသည်။ ဒါနဲ့ဘဲ မြတ်မင်းကို တစ်ယောက် အခန်းကို လိုက်သွားဖို့ ဆုံးဖြတ်လိုက်လေတော့၏။

မြတ်မင်းကိုမှာ ကားပေါ်က ဆင်းပြီး တုံဆိုင်းခြင်းမရှိဘဲ တိုက်ခန်းဆီကို တန်းတန်းမတ်မတ် လျှောက်သွားလိုက်လေသည်။ မြတ်မင်းကို တစ်ယောက် သီဟ ၀င်သွားတဲ့ အခန်းရှေ့ တည့်တည့်ကို ရောက်လို့နေလေပြီ။ အခန်းရှေ့ ရောက်နေပေမယ့်လည်း တံခါးခေါက်ဖို့ကို နှောင့်နှေးနေလေသည်။ ဒါပေမယ့်လည်း မြတ်မင်းကို တံခါးခေါက်ဖို့ လက်ရွယ်လိုက်တော့သည်။ ထိုအချိန်ခိုက်မှာဘဲ မြတ်မင်းကိုရဲ့ ဘောင်းဘီ အိတ်ကပ်ထဲက ဖုန်းလေးက ရုတ်တရက်ကြီး တုန်မြည်လာတော့၏။