SOULMATE[Complete]

Part 24(Final)

#Unicode#

ထင်းရှူးမြိုင် အိမ်ရာတွင် အတော်လေး ဆူညံပွက်လော ရိုက်သွားခဲ့သည်။ ရဲကား၊ Ambulanceကားများမှာလည်း အိမ်ရာအတွင်းရှိ D-6တိုက်ခန်းရှေ့တွင် ရောက်နေကြလေသည်။ အိမ်ရာ အတွင်းရှိ နေထိုင်သူမှားမှာလည်း အတော်လေး ထိတ်လန့်သွားကြပြီး ပွစိပွစိဖြင့် ပြောနေကြလေသည်။ ရဲများမှာလည်း အိပ်ရာက နေထိုင်သူများကို ထိန်းနေရလေသည်။

ဆေးရုံ၀န်ထမ်းများဟာ သီဟကို ထမ်းစင်ဖြင့် ခေါ်၍ တိုက်ခန်းလေးထဲကနေ ထွက်လာကြလေသည်။ မြတ်မင်းကိုမှာ သီဟ လက်ကလေးကို ကိုင်၍ စိုးရိမ်နေလေသည်။ အောင်နိုင်သူနှင့် မြင့်မြတ်တို့မှာလည်း သီဟ အတွက် စိတ်ပူနေကြလေသည်။

ထို့နောက်တွင်တော့ လက်ထိပ်ခတ်လျက် ဝေယံလင်းထွန်း တစ်ယောက် ရဲနှစ်ယောက် ကာရံလျက် ထွက်လေသည်။ ဝေယံလင်းထွန်း ထွက်လာတာကို မြတ်မင်းကို မြင်တော့ ဒေါသထွက်ပြီး ဝေယံလင်းထွန်းကို သွားထိုးလိုက်လေတော့သည်။

မြတ်မင်းကို ထိုးလိုက်တာကြောင့် ဝေယံလင်းထွန်း လဲကျသွားသည်။

ရဲများက မြတ်မင်းကိုအား ထိန်းထားလိုက်လေသည်။
ဝေယံလင်းထွန်းမှာတော့ ပြုံးပြုံးလေးသာ နေနေလေသည်။

"မင်းက ပြုံးနေနိုင်သေးတာလား......ခွေးလိုကောင်" ဆိုကာ
မြတ်မင်းကိုမှာ ဝေယံလင်းထွန်းကို ထိုးမလို့ လုပ်ပေမယ့် မထိုးရပါ။ ဘာကြောင့်ဆို ရဲများက မြတ်မင်းကိုအား ထိန်းထားလို့ပင် ဖြစ်သည်။

ဒါနဲ့ ဝေယံလင်းထွန်းမှာ ကိုယ့်ဘာသာထ၍ ရဲကားထဲသို့ ၀င်ပြီး အခန့်သား ထိုင်နေလေတော့၏။

နောက်တော့ သက်ရှိုင်းကိုလည်း တိုက်ကြီးထဲက ထွက်လာလေသည်။ နှင်းလည်း နောက်ကနေ လိုက်ပါလာတာပေါ့လေ။
သက်ရှိုင်းကိုမှာ ရဲကားထဲက  ဝေယံလင်းထွန်းကို တစ်ချက် ကြည့်လိုက်လေသည်။ ဝေယံလင်းထွန်းမှာ ပြုံးနေတော့၏။ ပျော်လို့ ပြုံးနေတဲ့ အပြုံးမျိုး ဖြစ်သည်။

သက်ရှိုင်းကို ကြည့်နေတုန်း ဝေယံလင်းထွန်းမှာ လှည့်လာတော့သည်။ ပြီးတော့ ရုပ်တည်ပြီး ရှေ့ပြန်လှည့်သွားလေသည်။ ပြောရရင် ရှက်ပျိုသွေးနေတဲ့ ကောင်လေးနဲ့ တူလေ၏။ နှင်းမှာတော့ သက်ရှိုင်းကိုနှင့် ဝေယံလင်းထွန်းကို ကြောင်ပြီးတော့သာ ကြည့်နေလေတော့သည်။