When the Moon Heals (Sequel #2)

Prologue

Moonlight

"Sebastian, ang anak mo!" Galit na sigaw ni Mommy.

Napakamot na lamang ako sa aking ulo. Ayan nanaman siya, pinapalaki nanaman ang gulo. Maliit na bagay lang ito para sa akin, sanay na ako.

"Ma, please. Just let me rest" pakiusap ko sa kanya.

Madaling araw na at kakauwi ko lang galing sa isang party. Gusto ko na sanang dumiretso sa aking kwarto para makapagpahinga, ang kaso ay nakita ni Mommy ang mga pasa ko sa mukha.

"This isn't just a normal away bata, Hob!" nanggagalaiting sabi niya.

Gusto kong matawa, I find it really sweet. My mother is very sweet, if the day comes, I want to marry a woman na kasing sweet niya at maalaga.

"Carol, hayaan mo ang anak mo. Matanda na iyan" laban ni Daddy sa kanya na halatang hinila lang patayo ni Mommy mula sa pagkakatulog.

Mom grasped her hair dramatically kaya naman tumalim ang tingin ni Daddy sa akin.

"Sakit kayo sa ulo ng Mommy niyo. Kailan kayo titigil diyan sa mga kalokohan niyo?" matigas na pangaral ni Daddy sa akin kaya naman napabuntong hininga na lamang ako.

"At sa iyo hindi?" gulat na tanong ni Mommy sa kanya.

Kaagad na napaayos ng upo si Dad dahil don. Hindi ko napigilang mapangisi. Look at him, parang naging kawawang tuta na takot kay Mommy.

"Ang sa akin lang, matanda na ang mga anak natin. Hayaan mo silang magkamali, para matuto" malumanay na sabi ni Dad.

"Palaging nagkakamali pero hindi natututo" giit ni Mommy na nagpatikom sa bibig namin ni Daddy.

"Manang mana sayo" pinal na sabi ni Mommy kay Daddy bago niya kami tinalikuran na dalawa.

"Mabait ako" laban din Dad na ikinatawa ko.

Lumapit siya sa akin at tinapik ang balikat ko. "Magkamukha tayo pero hindi ka mana sa amin. When I met your Mom, siya na lang ang babaeng nakikita ko, wala ng iba" he said.

Nagkibit balikat ako. "I don't know. Madaming babae" laban ko kaya naman napabuntong hininga ulit si Daddy.

"One day, you will met a girl that will make you badly smitten, siya lang ang makikita mo. Sa kanya mo lang mararamdaman yung mga bagay na hindi mo mararamdaman sa iba..." paguumpisa ni Dad.

Nagalit siya ng mapahikab ako. "Dad, kaka-cellphone mo yan" asar ko sa kanya bago ako tumayo. I really want a good sleep.

"Hobbes Javier!" galit na tawag niya sa akin pero hindi ko na pinansin.

Napangiwi ako ng muli kong hawakan ang pasa sa gilid ng aking labi. Meron din sa may cheek bones. Masakit din ang aking panga dahil sa pagsuntok nung lalaki sa akin kanina.

I met a girl on the dancefloor, I thought she's cool, hindi naman niya sinabing may boyfriend siya. Napagkamalan pa tuloy akong kabit eh first time ko lang naman siyang makita. Ang hirap talagang maging gwapo.

I just took my warm shower bago ako napagpasyang mahiga na sa aking kama. Imbes na makatulog ay napatitig na lamang ako sa kisame ng aking kwarto. Ang aking braso ay nakapatong sa aking noo.

I dated a lot of girls, pero wala ni isa sa kanila ang nagparamdam sa akin ng sinasabi ni Daddy. I don't know.

Pasikat na ang araw ng pumikit ako, kaya naman ng magising ako kinabukasan ay halos mag ha-hapon na. Mas lalong nadagdagan ang sakit ng aking ulo sa pinaghalong hangover at hindi tamang oras ng pagtulog.