" အချစ်ရေး အချစ်ရာ "
အခန္း-(1)
" စိုးမိုးရာ...အဲ့လောက်လဲ ညစ်မနေစမ်းပါနဲ့...
ဟိုကမိန်းကလေးပဲ...ချက်ချင်း ဘယ်ပြန်အဖြေပေးပါ့မလဲ...နည်းနည်းပါးပါး မူအုံးမှာပေါ့..."
အာကာထွန်းစကားကြောင့် စိုးမိုးအောင်မျက်နှာ
ကြီး ပိုရှုံ့သွား၏။
" မပူလို့ရမလားကွ...အခြေအနေချင်းက မိုးနဲ့မြေလိုကွာခြားနေတဲ့ဟာ...ငါ့ရဲ့အားနည်းချက်
ကြောင့်သာ သူပြန်မချစ်တော့ဘူးဆို ငါသေရော
ပေါ့..."
" သဲနုငယ်နဲ့မင်းနဲ့က ငယ်သူငယ်ချင်းတွေပဲဟာ
...ဟိုကမင်းအပေါ် သံယောဇဉ်ရှိလောက်ပါ
တယ်..."
အာကာ့စကားကြောင့် စိုးမိုး ငိုင်တွေသွား၏။
ပြီးမှ သက်ပြင်းတစ်ချက်ချရင်း...
" မင်းပြောတာလဲ ဟုတ်ပါတယ်...ဒါပေမယ့် သူ့အမေကြီးက ငွေအရမ်းမက်တာကွ...ဟို
ဘက်ရွာက သန့်ဇင်ဦးနဲ့ သဘောကျနေပုံရတယ်...အဲ့ရွာမှာ ဒီကောင်တွေက ဘောစိလေ...
လယ်တွေလဲမနည်းဘူး...ဘွားတော်ကြီးအကြိုက်ပေါ့...သန့်ဇင်ဦး သဲနုကိုကြိုက်နေတာလဲ ဟိုးကျောင်းသားဘဝတည်းက...
ဘွားတော်ကြီးစကားဆို သူတို့တစ်အိမ်လုံး မပယ်ရှားရဲဘူးမဟုတ်လား..."
စိုးမိုးပြောတာလဲမှန်နေသဖြင့် အာကာပင် စိတ်ညစ်သွားရသည်။
ခေါင်းကိုစုံကုတ်ပစ်လိုက်ရင်း ရှေ့မှာ အအေးသောက်ရင်း ဂိမ်းဆော့နေသော သူရိန်နေမင်း
ထံသို့ အကြည့်တွေရောက်သွား၏။
" သူရိန္..."
" ဘာလဲ..."
သူရိန်က မော့မကြည့်ဘဲထူး၏။
အာကာ ထိုင်နေရာမှကိုယ်ကိုရှေ့သို့အနည်းငယ်တိုးလိုက်ရင်း စားပွဲကိုလက်နှင့် တစ်ချက်ခေါက်လိုက်၏။
" စိုးမိုး ပြောနေတာမကြာဘူးလား..."
" ကြားသားပဲ..."
" ကြားရင် နည်းနည်းပါးပါးစဉ်းစားပေးအုံးလေကွာ...ဆိုင်ခေါ်လာတာ ဂိမ်းဆော့ဖို့များမှတ်နေလား..."
" အေးလေ...အားနားပါးနာလေးလောက် စိတ်ဝင်စားပေးစမ်းပါ..."
စိုးမိုးကလဲ အကူအညီရလိုရငြား ဝင်ပြောသည်။
YOU ARE READING
''အချစ်ရေး..အချစ်ရာ''
Romance''လည်တယ်နော်..အချစ်ရေး အချစ်ရာမှာတော့ မင်းက ဆရာမကြီးပဲ..'' #သူရိန်နေမင်း ''အကိုလေး ဆိုးတယ်..ဒါပေမယ့် ပိုပိုကချစ်တယ်..ဘယ်တော့မှ မငြိုငြင်ပါဘူးလို့လဲ ဂတိပေးပါတယ်..ဆိုးတာက အကိုလေးတာဝန်ဆို ချစ်ဖို့က ပိုပို့တာဝန်ထားပါ..'' #သက်ဆက်ချစ်ပို It's not bl. norm...
